ಬುಧವಾರ, ಮಾರ್ಚ್ 3, 2021
19 °C

ರಾಷ್ಟ್ರೀಯ ಹೆಣ್ಣು ಮಕ್ಕಳ ದಿನಾಚರಣೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಚೇಳೂರು: ಇಲ್ಲಿನ ಚೇಳೂರಿನ ಸರ್ಕಾರಿ ಪ್ರಾಥಮಿಕ ಶಾಲೆಯಲ್ಲಿ ರಾಷ್ಟ್ರೀಯ ಹೆಣ್ಣು ಮಕ್ಕಳ ದಿನಾಚರಣೆಯನ್ನು ಭಾನುವಾರ ಆಚರಿಸಲಾಯಿತು.

ಚೇಳೂರು ಗ್ರಾ.ಪಂ. ಅಧಿಕಾರಿ ಕೆ.ಎನ್.ಹರೀಶ್ ಮಾತನಾಡಿ, ‘ಹೆಣ್ಣು ಮಗು ಮನೆಯ ನಂದಾ ದೀಪ. ಅದನ್ನು ಯಾವಾಗಲೂ ಬೆಳಗಲು ಬಿಡಿ ಹೆಣ್ಣನ್ನು ಉಳಿಸಿ, ಬೆಳಸಿ, ಕಲಿಸಿ. ಹೆಣ್ಣು ಇರುವ ಮನೆಯು ನಂದಗೋಕುಲದಂತೆ. ಸಮಾಜದಲ್ಲಿ ಪ್ರತಿಯೊಂದು ಕಾರ್ಯಕ್ರಮವು ಸಹ ಹೆಣ್ಣು ಮಕ್ಕಳನ್ನ ಪ್ರತಿಭಾವಂತರನ್ನಾಗಿ, ಪ್ರಭಾವಿಗಳನ್ನಾಗಿ ಮಾಡಲು ಸರ್ಕಾರವೇ ಮೀಸಲಾತಿ ನೀಡುತ್ತಲೇ ಬಂದಿದೆ’ ಎಂದರು.

‘ಶಿಕ್ಷಣವು ವ್ಯಕ್ತಿಯ ಜೀವನದಲ್ಲಿ ಬೆಳಕು ತೋರಿಸುತ್ತದೆ. ಹೆಣ್ಣೊಂದು ಕಲಿತರೆ ಶಾಲೆಯೊಂದು ತೆರೆದಂತೆ. ಹೆಣ್ಣು ಮಕ್ಕಳನ್ನು ಸಮಾಜದಲ್ಲಿ ಎಲ್ಲಾ ಕ್ಷೇತ್ರಗಳಲ್ಲಿ ಸಮಾನವಾಗಿ ಕಾಣಬೇಕು’ ಎಂದರು.

ಶಾಲೆಯ ಮುಖ್ಯ ಶಿಕ್ಷಕ ಟಿ.ವೆಂಕಟರವಣಪ್ಪ ಮಾತನಾಡಿ, ‘ಉತ್ತಮ ಸಮಾಜ ನಿರ್ಮಿಸುವಲ್ಲಿ ಪ್ರತಿಯೊಬ್ಬ ವ್ಯಕ್ತಿಯು ಸಹ ಪ್ರಮುಖ ಪಾತ್ರ ವಹಿಸಬೇಕು. ಈ ಸಮಾಜದಲ್ಲಿ ಎಲ್ಲರು ಸಮಾನರೇ, ಎಲ್ಲರೂ ಸಮಾನವಾಗಿ ಬಾಳಬೇಕು, ಒಳ್ಳೆಯ ಅಭಿಮಾನ ಬೆಳೆಸಿಕೊಳ್ಳಬೇಕು. ಉನ್ನತ ಗುಣಗಳನ್ನು ಬೆಳಸಿಕೊಂಡು ಉತ್ತಮವಾದ ದೇಶ ನಾಯಕರಾಗಿ, ಆದರ್ಶವ್ಯಕ್ತಿಗಳನ್ನು ಮಾದರಿಯಾಗಿಸಿಕೊಂಡು ಬೆಳೆಯಬೇಕು’ ಎಂದರು.

‘ಈ ಸಮಾಜದಲ್ಲಿ ಹೆಣ್ಣು ಮಕ್ಕಳು ಎಲ್ಲಾ ಕ್ಷೇತ್ರಗಳಲ್ಲಿ ಸಹ ಮುಂದುವರೆಯುತ್ತಿದ್ದಾರೆ. ಚಾಲಕನಿಂದ ಹಿಡಿದು ಪೈಲೆಟ್‌ವವರೆಗೂ ಪುರುಷರ ಸರಿ-ಸಮಾನವಾಗಿ ಮುಂದುವರೆಯುತ್ತಿದ್ದಾರೆ. ಸ್ವಾತಂತ್ರ್ಯ ಸಂಗ್ರಾಮದಲ್ಲಿ ಬ್ರಿಟಿಷರೊಡನೆ ಹೋರಾಡಿದ ಪ್ರಪ್ರಥಮ ಮಹಿಳೆ ವೀರ ಮಹಿಳೆ ಕಿತ್ತೂರು ರಾಣಿ ಚನ್ನಮ್ಮ. ಸಾವಿತ್ರಿಬಾಯಿ ಫುಲೆ ಅವರು ದಿಟ್ಟತನದಿಂದ ಅಂಧ ಸಂಪ್ರದಾಯ ಹಾಗೂ ಮೌಢ್ಯ ವಿರೋಧಿಯಾಗಿದ್ದರು. ದೇಶದ ಮೊದಲ ಶಿಕ್ಷಕಿಯಾಗಿ ಹಲವಾರು ಹೆಣ್ಣು ಮಕ್ಕಳ ಬಾಳಿಗೆ ವಿದ್ಯಾದಾನ ಮಾಡಿದರು. ನೀವು ಅಂತಹವರ ಗುಣಗಳು ಮೈಗೂಡಿಸಿಕೊಳ್ಳಬೇಕಾಗಿದೆ’ ಎಂದು ಕಿವಿಮಾತು ಹೇಳಿದರು.

ಗ್ರಾ.ಪಂ.ಯ ಕಾರ್ಯದರ್ಶಿ ಪ್ರವೀಣ್, ಕರವಸೂಲಿಗಾರ ಪಿ.ಎನ್ ಮಂಜುನಾಥ, ಪಿ.ಎ.ಮುರಳಿಕೃಷ್ಣ, ಸಂಪೂನ್ಮೂಲ ವ್ಯಕ್ತಿ ಕೆ.ಶ್ರೀನಿವಾಸರೆಡ್ಡಿ, ಶಾಲೆಯ ಸಹಶಿಕ್ಷಕರಾದ ಐ.ವಿ.ಕೃಷ್ಣಾರೆಡ್ಡಿ, ಪಿ.ಎನ್.ಸರಸ್ಪತಮ್ಮ, ಎನ್.ವಿ.ರಘುನಾಥರೆಡ್ಡಿ ಹಾಜರಿದ್ದರು.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು