ಎ.ವೆಂಕೋಬರಾವ್ ಅವರ ಬಳಿ ಇರುವ ರಾಮ ಟಂಕಾ ಬೆಳ್ಳಿ ನಾಣ್ಯದ ಒಂದು ಕಡೆ ರಾಮನ ಪಟ್ಟಾಭಿಷೇಕದ ಚಿತ್ರಣವಿದ್ದರೆ, ಮತ್ತೊಂದು ಕಡೆ ರಾಮ ಲಕ್ಷ್ಮಣ ಚಿತ್ರವಿದೆ. ರಾಮ ಲಕ್ಷ್ಮಣ ಇಬ್ಬರೂ ಧೋತಿ ಧರಿಸಿ, ತಲೆಯ ಮೇಲೆ ಕಿರೀಟಧಾರಿಗಳಾಗಿ, ಎಡಗೈಯಲ್ಲಿ ಬಿಲ್ಲನ್ನು ಹಿಡಿದಿದ್ದಾರೆ. ರಾಮ ತನ್ನ ಬಲಗೈಯಲ್ಲಿ ತ್ರಿಶೂಲ ಹಿಡಿದಿದ್ದಾನೆ. ಅವರ ಸುತ್ತ ಸಂಸ್ಕೃತದಲ್ಲಿ ‘ರಾಮ ಲಚಮಣ ಜಾನಕ ಜವತ ಹನಮನಕ’ (ವಿಜಯಶಾಲಿಯಾದ ರಾಮ, ಲಕ್ಷ್ಮಣ, ಸೀತಾ ಮತ್ತು ಹನುಮಂತ) ಹಾಗೂ ಇಸವಿ 1700 ಎಂದಿದೆ.