ಬೆಳೆ ನಷ್ಟವಾದರೂ ಕೈ ಹಿಡಿದ ಕುರಿ, ಮೇಕೆ, ಕೋಳಿ ಸಾಕಣೆ: ಉತ್ತಮ ಗಳಿಕೆ

ಚಿಂತಾಮಣಿ: ತಾಲ್ಲೂಕಿನ ಕಸಬಾ ಹೋಬಳಿಯ ಕುರುಬೂರು ಗ್ರಾಮದ ಕೃಷಿಕ ಮಲ್ಲಿಕಾರ್ಜುನಗೌಡ ಕುರಿ, ಮೇಕೆ, ಕೋಳಿಗಳನ್ನು ಸಾಕಿ ಅಧಿಕ ಲಾಭ ಗಳಿಸಿದ್ದಾರೆ.

. ತಂದೆಯಿಂದ ಬಳುವಳಿಯಾಗಿ ಬಂದಿದ್ದ ಕೃಷಿಯಲ್ಲಿ ಮಲ್ಲಿಕಾರ್ಜುನ ಗೌಡ ಟೊಮೆಟೊ, ಬದನೆ, ರೇಷ್ಮೆ ಮತ್ತಿತರ ಹಲವಾರು ಬೆಳೆಗಳನ್ನು ಬೆಳೆಯುತ್ತಿದ್ದರು. ಬೆಳೆಗೆ ರೋಗಗಳು, ಮಾರುಕಟ್ಟೆಯ ಏರುಪೇರುನಿಂದ ನಷ್ಟ ಹೊಂದಿ ಕುರಿ, ಮೇಕೆ, ಕೋಳಿ ಸಾಕಾಣಿಕೆಯಿಂದ ಉತ್ತಮ ಲಾಭ ಪಡೆಯುತ್ತಿದ್ದಾರೆ.

. ಕುರಿ, ಮೇಕೆ, ಕೋಳಿಗಳ ಸಾಕಾಣಿಕೆಗಾಗಿ ವೈಜ್ಞಾನಿಕ ರೀತಿಯಲ್ಲಿ ಶೆಡ್ ನಿರ್ಮಿಸಿದ್ದಾರೆ. 200 ಕುರಿ, 100 ಮೇಕೆ ಹಾಗೂ ನಾಟಿ ಕೋಳಿಗಳನ್ನು ಸಾಕಿದ್ದಾರೆ. ಕುರಿಗಳಿಗೆ 70X120 ಶೆಡ್ ನಿರ್ಮಿಸಿ, ಅದರಲ್ಲಿ 10X10, 15X15, 20X20 ವಿಭಾಗ ಮಾಡಿದ್ದಾರೆ. ಒಂದೊಂದು ಹಂತದ ಕುರಿಗಳನ್ನು ಒಂದೊಂದು ವಿಭಾಗದಲ್ಲಿ ಹಾಕಿದ್ದಾರೆ.

. ಡಾರ್ಫರ್, ನಾರಿ ಸುವರ್ಣ, ಬಂಡೂರ್ ಕುರಿ ತಳಿಗಳನ್ನು ಸಾಕಿದ್ದಾರೆ. ಡಾರ್ಫರ್ ಮರಿ 2.5ರಿಂದ 4 ಕೆ.ಜಿ ತೂಕವಿರುತ್ತದೆ. ಒಂದು ಮರಿಯನ್ನು ₹3,500ರಿಂದ ₹4 ಸಾವಿರದವರೆಗೂ ಮಾರಾಟ ಮಾಡುತ್ತಾರೆ. ನಾರಿ ಸುವರ್ಣ ತಳಿ ಒಂದು ಬಾರಿಗೆ 2-3 ಮರಿ ಹಾಕುತ್ತದೆ. 3 ತಿಂಗಳ ಮರಿಯನ್ನು ₹15 ಸಾವಿರದಿಂದ ₹20 ಸಾವಿರದವರೆಗೆ ಮಾರಾಟ ಮಾಡುತ್ತೇವೆ ಎನ್ನುತ್ತಾರೆ ಮಲ್ಲಿಕಾರ್ಜುನಗೌಡ.

. ಮೇಕೆಗಳಲ್ಲಿ ಬಿಟೆಲ್, ತಳಚೆರಿ, ಬೊಯರ್ ತಳಿಗಳಿವೆ. ಒಂದು ಬಾರಿಗೆ 1ರಿಂದ 3 ಮರಿ ಹಾಕುತ್ತವೆ. ಒಂದು ಮರಿಗೆ ₹20 ಸಾವಿರದಿಂದ ₹25 ಸಾವಿರದವರೆಗೆ, ಮಾಂಸದ ಲೆಕ್ಕದಲ್ಲಿ ಆದರೆ ಕೆ.ಜಿ.ಗೆ ₹650ಕ್ಕೆ ಮಾರಾಟ ಮಾಡುತ್ತಾರೆ. ಕುರಿ, ಮೇಕೆ ಸಾಕಾಣಿಕೆಗೆ ಹೆಚ್ಚಿನ ಆಳುಗಳ ಅಗತ್ಯವಿಲ್ಲ. ಮೇವು ಕಟಾವು ಯಂತ್ರ, ಶೈಲೇಜ್ ಯಂತ್ರಗಳ ಮೂಲಕ ಮೇವನ್ನು ಕಟಾವು ಮಾಡುತ್ತಾರೆ.

. ಮೇವು: ಕುರಿ, ಮೇಕೆಗಳಿಗಾಗಿ ಸೂಪರ್ ನೇಪಿಯರ್ ತಳಿ ಹುಲ್ಲು ಬೆಳೆಸಿದ್ದಾರೆ. ಕಟಾವು ಮಾಡಿ, ಮಿಷನ್ಗೆ ಹಾಕಿ ಸಣ್ಣ ಸಣ್ಣ ಬಿಲ್ಲೆಗಳಾಗಿ ಮಾಡಿ ನೀಡುತ್ತಾರೆ. ‘ಈ ಹುಲ್ಲು ತುಂಬಾ ರುಚಿಯಾಗಿದ್ದು, ಚೆನ್ನಾಗಿ ತಿನ್ನುತ್ತವೆ. ಸ್ವಲ್ಪವೂ ವ್ಯರ್ಥ ಮಾಡುವುದಿಲ್ಲ. ಹಸು, ಎಮ್ಮೆ ಎಲ್ಲ ರಾಸುಗಳಿಗೂ ನೀಡಬಹುದು’ ಎನ್ನುತ್ತಾರೆ.

. ಇದರ ಜತೆಗೆ ಅರಣ್ಯಕೃಷಿಯನ್ನು ಮಾಡಿದ್ದು, ಶ್ರೀಗಂಧ, ಬೇವು, ನುಗ್ಗೆ ಮುಂತಾದ ಮರಗಳನ್ನು ಬೆಳೆಸಿದ್ದಾರೆ. ಮರಗಳ ಸೊಪ್ಪನ್ನು ಕಟಾವು ಮಾಡಿ ಕುರಿ ಮೇಕೆಗಳಿಗೆ ನೀಡುತ್ತಾರೆ.

. ಚಿಕಿತ್ಸೆ: ಕುರಿ ಮೇಕೆಗಳಿಗೆ ಬರುವ ಸಣ್ಣ-ಪುಟ್ಟ ನೆಗಡಿ, ಜ್ವರ ಕಾಯಿಲೆಗಳಿಗೆ ಸ್ವಂತಃ ಚಿಕಿತ್ಸೆ ಮಾಡುತ್ತಾರೆ. ಕಾಲುಬಾಯಿ ರೋಗ, ಬಾಯಿಹುಣ್ಣು ಕಾಯಿಲೆಗೆ ಪಶುವೈದ್ಯರನ್ನು ಕರೆಸಿ ಚಿಕಿತ್ಸೆ ಕೊಡಿಸುತ್ತಾರೆ.

. ಕೋಳಿ : ಕುರಿ ಮೇಕೆಯ ಜತೆಗೆ ನಾಟಿ ಕೋಳಿ ಸಾಕಿದ್ದಾರೆ. ಕೆ.ಜಿ.ಗೆ ₹400 ಮತ್ತು ಒಂದು ಮೊಟ್ಟೆಗೆ ₹10ರಂತೆ ಮಾರಾಟ ಮಾಡುತ್ತಾರೆ. ಜೋಳ ಮತ್ತು ಚಕ್ಕೆಯನ್ನು ಮಿಶ್ರಣ ಮಾಡಿ ನೀಡುತ್ತಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬೆಳೆ ನಷ್ಟವಾದರೂ ಕೈ ಹಿಡಿದ ಕುರಿ, ಮೇಕೆ, ಕೋಳಿ ಸಾಕಣೆ: ಉತ್ತಮ ಗಳಿಕೆ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು

ಒಂದೇ ಓವರ್‌ನಲ್ಲಿ 2 ವಿಕೆಟ್; ಪ್ಯಾಟ್ ಕಮಿನ್ಸ್‌ ಸಲಹೆ ಸ್ಮರಿಸಿದ ನಿತೀಶ್

Lords Test | ರಿಷಭ್ ಪಂತ್‌ಗೆ ಗಾಯ; ವೈದ್ಯಕೀಯ ನಿಗಾ ವಹಿಸುತ್ತಿರುವ ಬಿಸಿಸಿಐ

ಬಾಝ್‌ಬಾಲ್ ಎಲ್ಲಿ? ಬೋರಿಂಗ್ ಟೆಸ್ಟ್; ಆಂಗ್ಲರನ್ನು ಕೆಣಕಿದ ಗಿಲ್, ಸಿರಾಜ್

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು