ಪೊತೇಪಲ್ಲಿ, ಚಲುಮೇನಹಳ್ಳಿ, ದೊಡ್ಡಕುರುಬರಹಳ್ಳಿ ಸೇರಿದಂತೆ ಬಹಳಷ್ಟು ಗ್ರಾಮಗಳ ನೀರಿನಲ್ಲಿ ಆರೋಗ್ಯ ಸಂಸ್ಥೆಯು ನಿಗದಿಪಡಿಸಿರುವುದಕ್ಕೆ ಹೆಚ್ಚಿನ ಪ್ರಮಾಣದಲ್ಲಿ ಯುರೇನಿಯಂ ಇದೆ.ಮದ್ದಲಖಾನೆ, ಜಿ.ಮಾದೇಪಲ್ಲಿ, ತಿಮ್ಮಂಪಲ್ಲಿ, ಎಲ್ಲಂಪಲ್ಲಿ, ಚಿಂತಾಮಣಿ ನಗರ, ಬ್ರಾಹ್ಮಣಹಳ್ಳಿಯ ಕೊಳವೆಬಾವಿಗಳ ಒಂದು ಲೀಟರ್ ನೀರಿನಲ್ಲಿ 1 ಸಾವಿರ ಮೈಕ್ರೊಗ್ರಾಂ ಪ್ರಮಾಣದಲ್ಲಿ ಯುರೇನಿಯಂ ಇದೆ. ಯುರೇನಿಯಂಯುಕ್ತ ನೀರನ್ನು ಕುಡಿದರೆ ಮೂತ್ರಪಿಂಡಕ್ಕೆ ಸಂಬಂಧಿಸಿದ ಕಾಯಿಲೆಗಳಿಗೆ ತುತ್ತಾಗಬೇಕಾಗುತ್ತದೆ.