ಮೂಡಿಗೆರೆ: ತಾಲ್ಲೂಕಿನ ಹಳಸೆ ಗ್ರಾಮದ ತಿರುವಿನಲ್ಲಿ ಬುಧವಾರ ಮಧ್ಯರಾತ್ರಿ ಕುಡಿದ ಮತ್ತಿನಲ್ಲಿ ವ್ಯಕ್ತಿಯೊಬ್ಬ ರಸ್ತೆಯಲ್ಲಿ ಮಲಗಿದ್ದು, ವಾಹನ ಸವಾರರು ತೊಂದರೆ ಅನುಭವಿಸಿದರು. ನಡುರಾತ್ರಿಯಲ್ಲಿ ರಸ್ತೆ ಮೇಲೆ ಮಲಗಿರುವ ವ್ಯಕ್ತಿಯನ್ನು ಕಂಡು ವಾಹನ ಸವಾರರು ಆತಂಕಗೊಂಡರು.
ಕೆಲವು ವಾಹನಗಳ ಸವಾರರು ವಾಹನದಿಂದ ಇಳಿದು, ವ್ಯಕ್ತಿಯನ್ನು ಎತ್ತಿ ರಸ್ತೆಯ ಒಂದು ಬದಿಗೆ ಮಲಗಿಸಿ ಪ್ರಯಾಣ ಮುಂದುವರಿಸಿದರು. ಪೊಲೀಸ್ ಗಸ್ತು ವಾಹನವು ಇಂತಹ ಪರಿಸ್ಥಿತಿ ಎದುರಾದಾಗ ನೆರವಿಗೆ ಬರಬೇಕು ಎಂದು ಸಮಸ್ಯೆ ಎದುರಿಸಿದ ಮಂಜುನಾಥ್ ಹಾನಬಾಳ್ ಮನವಿ ಮಾಡಿದರು.
