‘ಶಾಸಕರೇ ಖುದ್ದಾಗಿ ನರ್ಸರಿಗಳಿಗೆ ಭೇಟಿ ನೀಡಿ ಅಲಂಕಾರಿಕ ಗಿಡಗಳನ್ನು ಆಯ್ಕೆ ಮಾಡಿದ್ದಾರೆ. ಇವು ಸುಮಾರು 10 ವರ್ಷದ ಈಚಲ ಮರಗಳಾಗಿದ್ದು, ಪ್ರತಿ ಮರಕ್ಕೆ ₹ 5,000 ವೆಚ್ಚವಾಗಿದೆ. ಬೋಗನ್ ವಿಲ್ಲಾ ಜಾತಿಯ 8 ವಿಧದ ಅಲಂಕಾರಿಕ ಸಸಿಗಳು, ವರ್ಷಪೂರ್ತಿ 5 ಬಣ್ಣಗಳ ಹೂ ಬಿಡುವ ಟೆಕ್ಸಾಸ್ ಲಂಟಾನಾ, ಯೂಫೋರ್ಬಿಯ ಮಿಲಯ, ಲಾಜೆಸ್ಟ್ರೋಮಿಯ ಇಂಡಿಕಾ, 3 ತಿಂಗಳು ಹೂಗಳು ಬಾಡದಿರುವ ಲೆಗಟ್ರೋಮಿಯ ಹಾಗೂ ಕ್ರೋಟಾನ್ ಸಸಿಗಳನ್ನು ನೆಡಲಾಗುವುದು’ ಎಂದು ತೋಟಗಾರಿಕೆ ಇಲಾಖೆಯ ಹಿರಿಯ ಸಹಾಯಕ ನಿರ್ದೇಶಕ ಕುಮಾರ ನಾಯ್ಕ್ ತಿಳಿಸಿದರು. ಪುರಸಭೆ ಅಧ್ಯಕ್ಷ ಅಶೋಕ್, ಉಪಾಧ್ಯಕ್ಷ ಕೆ.ಸಿ. ರಮೇಶ್, ಮುಖ್ಯಾಧಿಕಾರಿ ವಾಸಿಂ, ಪ್ರವೀಣ್ ಇದ್ದರು.
