ಮಂಗಳೂರು | ‘ಪಿಂಚಣಿ ದೊರೆಯದಿದ್ದರೆ ಕಾನೂನು ಹೋರಾಟ’

ಮಂಗಳವಾರ ಇಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ‘20 ಪ್ರಾಧ್ಯಾಪಕರು, 10 ಬೋಧಕೇತರ ಸಿಬ್ಬಂದಿಗೆ ವಿವಿಯು ಗ್ರ್ಯಾಚುಟಿ, ಪಿಂಚಣಿ ಸೇರಿದಂತೆ ಭತ್ಯೆ ನೀಡುವುದು ಬಾಕಿ ಇದೆ. ನಿವೃತ್ತರ ಬದುಕು ಕಷ್ಟವಾಗಿದ್ದು, ಕೆಲವರಿಗೆ ತೀವ್ರತರದ ಆರೋಗ್ಯ ಸಮಸ್ಯೆಯೂ ಇದೆ. ಹಣಕಾಸಿನ ಕೊರತೆ ಇದೆ ಎಂದು ವಿವಿ ಕಾರಣ ನೀಡುವುದು ಸಮಂಜಸವಲ್ಲ. ನಿವೃತ್ತರಿಗೆ ಸಿಗಬೇಕಾದ ಸೌಲಭ್ಯ ನೀಡುವುದು ವಿವಿ ಹಾಗೂ ಸರ್ಕಾರದ ಕರ್ತವ್ಯ’ ಎಂದರು.

ಈಗಾಗಲೇ ಮಂಗಳ ಅಲುಮ್‌ನೈ ಅಸೋಸಿಯೇಷನ್ (ಮಾ) ವತಿಯಿಂದ ರಾಜ್ಯಪಾಲರು, ಕುಲಪತಿ, ಉನ್ನತ ಶಿಕ್ಷಣ ಸಚಿವರು, ವಿಧಾನಸಭೆ ಅಧ್ಯಕ್ಷರನ್ನು ಭೇಟಿ ಮಾಡಿ ಮನವಿ ಸಲ್ಲಿಸಲಾಗಿದೆ. ಎರಡು ವರ್ಷಗಳಿಂದ ವಿವಿಯ ಆರ್ಥಿಕ ಸ್ಥಿತಿ ಹದಗೆಟ್ಟಿದೆ ಎನ್ನಲಾಗುತ್ತಿದ್ದು, ಮುಂದಿನ ತಿಂಗಳುಗಳಿಂದ ತಿಂಗಳ ಪಿಂಚಣಿ ಸಿಗುವುದು ಕಷ್ಟ ಎಂಬ ಮಾಹಿತಿ ಲಭ್ಯವಾಗಿದೆ. ಅತಿಥಿ ಉಪನ್ಯಾಸಕರು, ಸಿಬ್ಬಂದಿಗೆ 3–4 ತಿಂಗಳುಗಳಿಂದ ಗೌರವಧನ ದೊರೆಯುತ್ತಿಲ್ಲ. ಸರ್ಕಾರ ವಿವಿ ಸಮಸ್ಯೆ ಬಗ್ಗೆ ಗಮನಹರಿಸಬೇಕು ಎಂದು ಒತ್ತಾಯಿಸಿದರು.

ಸಂಘಟನೆಯ ಕಾರ್ಯಾಧ್ಯಕ್ಷ ಶ್ರೀಪತಿ ಕಲ್ಲೂರಾಯ, ಉಮ್ಮಪ್ಪ ಪೂಜಾರಿ, ವೇಣು ಶರ್ಮ, ಪ್ರೊ. ಜಯಪ್ಪ, ಪ್ರಭಾಕರ ನೀರುಮಾರ್ಗ ಇದ್ದರು.