ಬಂಟ್ವಾಳ: ವಿವಿಧೆಡೆ ಸಂಭ್ರಮದ ತೆನೆಹಬ್ಬ
ಬಂಟ್ವಾಳ: ಇಲ್ಲಿನ ಲೊರೆಟ್ಟೊ ಮಾತಾ ಚರ್ಚ್‌ನಲ್ಲಿ ಮೇರಿ ಕನ್ಯಾ ಮಾತೆ ಜನ್ಮ ದಿನಾಚರಣೆ ಅಂಗವಾಗಿ ಕ್ರೈಸ್ತರು ಸಂಭ್ರಮದಿಂದ ತೆನೆಹಬ್ಬ (ಮೊಂತಿ ಫೆಸ್ತ್ ) ಆಚರಿಸಿಕೊಂಡರು.
ಧರ್ಮಗುರು ಫ್ರಾನ್ಸಿಸ್ ಕ್ರಾಸ್ತ, ಮುಖ್ಯಶಿಕ್ಷಕ ಜೇಸನ್ ಮೋನಿಸ್, ಪ್ರಧಾನ ಧರ್ಮಗುರು ಪ್ರತಾಪ್ ನಾಯಕ್ ಬಲಿಪೂಜೆ ನೆರವೇರಿಸಿದರು.
9 ದಿನಗಳಿಂದ ನಡೆದ ಮಾತೆ ಮರಿಯಮ್ಮನ ‘ನೊವೆನಾ ಪ್ರಾರ್ಥನೆ’ಗೆ ಹೂ ಸಮರ್ಪಿಸಿದ ಮಕ್ಕಳಿಗೆ ಸಿಹಿತಿಂಡಿ, ಭಕ್ತರಿಗೆ ಕಬ್ಬು ಮತ್ತು ಭತ್ತದ ತೆನೆ ವಿತರಿಸಲಾಯಿತು.
ಅಲ್ಲಿಪಾದೆ ಸಂತ ಅಂತೋನಿ ದೇವಾಲಯದಲ್ಲಿ ಮೆರವಣಿಗೆ ಸಹಿತ ಮಂಗಳೂರು ಧರ್ಮಪ್ರಾಂತ್ಯದ ಕ್ರೈಸ್ತ ಶಿಕ್ಷಣ ನಿರ್ದೇಶಕ ಧರ್ಮಗುರು ವಿಜಯ್ ಮಚಾದೊ ಬಲಿಪೂಜೆ ನೆರವೇರಿಸಿದರು.
ಭಕ್ತರಿಗೆ ಭತ್ತದ ತೆನೆ, ಕಬ್ಬು, ಪಾಯಸ, ಅತಿ ಹೆಚ್ಚು ಹೂ ತಂದ ಮಕ್ಕಳಿಗೆ ಬಹುಮಾನ ವಿತರಿಸಲಾಯಿತು. ಧರ್ಮಗುರು ಫ್ರೆಡ್ರಿಕ್ ಮೊಂತೆರೊ ಶುಭ ಹಾರೈಸಿದರು. ಧರ್ಮಗುರು ಪ್ರಶಾಂತ್ ಪಿಂಟೊ, ಚರ್ಚ್‌ ಉಪಾಧ್ಯಕ್ಷ ನವೀನ್ ಮೊರಾಸ್, ಕಾರ್ಯದರ್ಶಿ ಕಿರಣ್ ನೊರೊನಾ ಇದ್ದರು.
ತಾಲ್ಲೂಕಿನ ಅಮ್ಟೂರು, ಫರಂಗಿಪೇಟೆ, ಮಾಣಿ, ಶಂಭೂರು, ಕರಿಮಲೆ, ಸಿದ್ಧಕಟ್ಟೆ, ನೈನಾಡು, ವಗ್ಗ ಚರ್ಚ್‌ಗಳಲ್ಲೂ ಹಬ್ಬ ಆಚರಿಸಲಾಯಿತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.