ಸಂತೇಬೆನ್ನೂರು: ತೆಪ್ಪ ಬಳಸಿ ಅಡಿಕೆ ಕೊಯ್ಲು: ರೈತರ ಪರದಾಟ

ಸಂತೇಬೆನ್ನೂರು (ದಾವಣಗೆರೆ ಜಿಲ್ಲೆ): ಒಂದು ವಾರದಿಂದ ಮಳೆ ಕಡಿಮೆಯಾಗಿದೆ. ಆದರೆ, ಅತಿವೃಷ್ಟಿಯಿಂದಾಗಿ ಸಮೀಪದ ಹಿರೇಹಳ್ಳ ಹಾಗೂ ಸೂಳೆಕೆರೆ ಹಿನ್ನೀರು ವ್ಯಾಪ್ತಿಯ ಸಾವಿರಾರು ಎಕರೆ ಅಡಿಕೆ ತೋಟಗಳಿಗೆ ನುಗ್ಗಿದ್ದ ಪ್ರವಾಹದ ನೀರು ಇನ್ನೂ ಸರಿದಿಲ್ಲ. 1ರಿಂದ 4 ಅಡಿಗಳಷ್ಟು ನೀರು ನಿಂತಿರುವ ತೋಟಗಳಲ್ಲಿ ಅಡಿಕೆ ಕೊಯ್ಲು ಮಾಡಲು ರೈತರು ತೆಪ್ಪ ಬಳಸುತ್ತಿದ್ದಾರೆ.

. ‘ಹಿರೇಹಳ್ಳದ ಪ್ರವಾಹದಿಂದ ಎರಡು ಎಕರೆ ತೋಟ ಜಲಾವೃತವಾಗಿದೆ. ತೆಪ್ಪ ಬಳಸಿಯೇ ಕೊಯ್ಲು ಪೂರ್ಣಗೊಳಿಸಿದ್ದೇನೆ. ಮೊದಲು ತೆಪ್ಪವನ್ನು ಅಡಿಕೆ ಮರದ ಬಳಿ ಸಾಗಿಸಬೇಕು. ನೀರಲ್ಲಿ ಬಿದ್ದ ಅಡಿಕೆ ಗೊಂಚಲನ್ನು ತೆಪ್ಪಕ್ಕೆ ತುಂಬಬೇಕು. ತೆಪ್ಪದಲ್ಲಿ ಒಮ್ಮೆ 1 ಕ್ವಿಂಟಲ್ ಅಡಿಕೆಯನ್ನು ಮಾತ್ರ ದಡಕ್ಕೆ ಸಾಗಿಸಲು ಸಾಧ್ಯ. ಹೆಚ್ಚೆಂದರೆ ದಿನಕ್ಕೆ 20 ಕ್ವಿಂಟಲ್ ಹಸಿ ಅಡಿಕೆ ಸಾಗಿಸಬಹದು’ ಎಂದು ನಿಂಬಾಪುರದ ರೈತ ನಾಗರಾಜ್ ‘ಪ್ರಜಾವಾಣಿ’ಗೆ ತಿಳಿಸಿದರು.

. ‘1 ಎಕರೆ ಅಡಿಕೆ ಕೊಯ್ಲಿಗೆ ಎರಡು ದಿನ ಬೇಕಾಗುತ್ತಿದೆ. ಸಾಮಾನ್ಯ ದಿನಗಳಲ್ಲಿ ನಿತ್ಯ 80 ಕ್ವಿಂಟಲ್ವರೆಗೆ ಅಡಿಕೆ ಸಾಗಿಸಲಾಗುತ್ತದೆ’ಎಂದು ಅವರು ಹೇಳಿದರು.

. ‘ಹಿರೇಹಳ್ಳದ ನೀರು ಒಂದೂವರೆ ತಿಂಗಳಿಂದ ತೋಟಗಳಲ್ಲೇ ನಿಂತಿದ್ದು, ಇನ್ನೂ ಒಂದು ತಿಂಗಳು ಖಾಲಿ ಆಗುವ ಲಕ್ಷಣಗಳಿಲ್ಲ. ಈಗಾಗಲೇ 3ರಿಂದ 4 ವರ್ಷದ ಗಿಡಗಳು ನಾಶವಾಗುತ್ತಿವೆ. ಹಳೇ ತೋಟಗಳು ಕೆಂಪು ಬಣ್ಣಕ್ಕೆ ತಿರುಗುವ ಸಾಧ್ಯತೆ ಇದೆ’ ಎಂದು ರೈತ ರಾಜಪ್ಪ ವಿವರಿಸಿದರು.

. ‘ಶಾಂತಿಸಾಗರ (ಸೂಳೆಕೆರೆ) ಕೋಡಿ ಬಿದ್ದ ಪರಿಣಾಮ ಹಿನ್ನೀರು ವ್ಯಾಪ್ತಿಯ ಕೊಂಡದಹಳ್ಳಿ, ಗೊಲ್ಲರಹಳ್ಳಿ, ಬಿಕ್ಕುಡ, ಸೋಮಲಾಪುರ, ಜಕಲಿ, ಕಗತೂರು ವ್ಯಾಪ್ತಿಯಲ್ಲಿ ಅಡಿಕೆಯ 1,000 ಎಕರೆಗಿಂತ ಅಧಿಕ ತೋಟಗಳಲ್ಲಿ 3ರಿಂದ 4 ಅಡಿ ನೀರು ನಿಂತಿದೆ. 2ನೇ ಬಾರಿ ಕೊಯ್ಲು ಆರಂಭವಾಗಿದೆ. ಸುಮಾರು 500 ಮೀಟರ್ನಿಂದ 1 ಕಿ.ಮೀ ದೂರದವರೆಗೆ ತೆಪ್ಪದಲ್ಲಿ ಸಾಗಬೇಕಿದೆ. ದಿನಕ್ಕೆ 4ರಿಂದ 5 ಬಾರಿ ಮಾತ್ರ ಅಡಿಕೆ ದಡಕ್ಕೆ ಸಾಗಿಸಲು ಸಾಧ್ಯ. ರೈತರ ಬವಣೆ ಹೇಳತೀರದು’ ಎಂದು ಕೊಂಡದಹಳ್ಳಿ ಎಪಿಎಂಸಿ ಮಾಜಿ ಅಧ್ಯಕ್ಷ ಕೆ.ಎಸ್. ಕುಮಾರ್ ಬೇಸರ ವ್ಯಕ್ತಪಡಿಸಿದರು.

. ‘ಕೆಲವು ರೈತರು ₹ 6000ದಿಂದ ₹ 7000 ಕೊಟ್ಟು ತೆಪ್ಪ ಖರೀದಿಸಿದ್ದಾರೆ. ಮೀನುಗಾರರಿಂದ ದಿನಕ್ಕೆ ₹ 500ರಿಂದ ₹ 1000ಕ್ಕೆ ಬಾಡಿಗೆಗೆ ಪಡೆದು ಅಡಿಕೆ ಕೊಯ್ಲು ಮಾಡುತ್ತಿರುವವರೂ ಇದ್ದಾರೆ’ ಎನ್ನುತ್ತಾರೆ ಸೋಮಲಾಪುರದ ರೈತ ವೀರೇಶ್.

. ........

. ಅಡಿಕೆ ತೋಟಗಳಲ್ಲಿ ಸತತವಾಗಿ ನೀರು ನಿಂತರೆ ಶೀತದ ಪರಿಣಾಮವಾಗಿ ಹರಳು ಉದುರುತ್ತವೆ. ಮುಂದಿನ ಬೆಳೆ ಸಂಪೂರ್ಣ ಕುಂಠಿತಗೊಳ್ಳುವ ಆತಂಕವಿದೆ. – ಕೆ.ಎಸ್. ಕುಮಾರ್, ಎಪಿಎಂಸಿ ಮಾಜಿ ಅಧ್ಯಕ್ಷ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಂತೇಬೆನ್ನೂರು: ತೆಪ್ಪ ಬಳಸಿ ಅಡಿಕೆ ಕೊಯ್ಲು: ರೈತರ ಪರದಾಟ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಚೆಸ್‌: ಮುನ್ನಡೆ ಹಂಚಿಕೊಂಡ ಗುಕೇಶ್‌

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ಎರಡನೇ ಸುತ್ತಿಗೆ ಬಾಲಾಜಿ– ವರೆಲಾ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್