ನ್ಯೂ ಹೈಡ್‌ಔಟ್‌ನಲ್ಲಿ ಕರಾವಳಿಯ ಸವಿ

ದಾವಣಗೆರೆ: ಬೆಣ್ಣೆದೋಸೆ, ಮಂಡಕ್ಕಿ ನರ್ಗಿಸ್ಗೆ ಪ್ರಸಿದ್ಧವಾದ ದಾವಣಗೆರೆಯಲ್ಲಿ ಕರಾವಳಿಯ ಮೀನಿನ ಘಮಲು ಹರಡುತ್ತಿದೆ. ಮಂಗಳೂರಿನ ಕುಚಲಕ್ಕಿ ಅನ್ನ, ಮೀನು ಸಾರಿಗಾಗಿ ಜನ ಎಡತಾಕುತ್ತಿದ್ದಾರೆ.

. ಪಿ.ಬಿ. ರೋಡ್ನಲ್ಲಿ ಅರುಣ ಚಿತ್ರಮಂದಿರ ಬಳಿಯ ಪಿಸಾಳೆ ಕಾಂಪೌಂಡ್ನಲ್ಲಿ ಇರುವ ನ್ಯೂ ಹೈಡ್ಔಟ್ ಹೋಟೆಲ್ ಈ ಸವಿಯನ್ನು ಉಣಬಡಿಸುತ್ತಿದೆ.

. ಬಂಗ್ಡೆ, ಪಾಂಫ್ರೆಟ್, ಅಂಜಲ್, ಸಿಗಡಿ (ಪ್ರಾನ್ಸ್), ಬೊಲಿಂಜಿಲ್ (ಬೆಳಂಜೆ) ಮುಂತಾದ ಸಮುದ್ರದ ಮೀನುಗಳ ಭಿನ್ನರುಚಿಯನ್ನು ಇಲ್ಲಿ ನೀಡಲಾಗುತ್ತಿದೆ. ರವಾ ಫ್ರೈ, ತವಾ ಫ್ರೈ, ಮಸಾಲ ಫ್ರೈ ಅಲ್ಲದೆ ಪುಳಿಮುಂಚಿ ಮಸಾಲ ಕೂಡ ಗ್ರಾಹಕರನ್ನು ಸೆಳೆಯುತ್ತಿದೆ. ಮಲೆನಾಡು ಮತ್ತು ಕರಾವಳಿ ಕಡೆಗಳಿಂದ ಬಂದು ನಗರದಲ್ಲಿ ನೆಲೆಸಿರುವವರು ಈ ಫ್ರೈಗಳಿಗಾಗಿ ಈ ಹೋಟೆಲ್ಗೆ ಬರುತ್ತಿದ್ದಾರೆ.

. ಜತೆಗೆ ಮಂಗಳೂರು ಶೈಲಿಯ ಕೋರಿರೊಟ್ಟಿ, ಚಿಕನ್ ಸುಕ್ಕ, ಚಿಕನ್ ಪುಳಿಮುಂಚಿ, ನೀರುದೋಸೆ, ಸಿಗಡಿಚಟ್ನಿ ಬಾಯಲ್ಲಿ ನೀರೂರಿಸುತ್ತವೆ.

. ಇದಲ್ಲದೇ ಸ್ಥಳೀಯ ಶೈಲಿಯ ಧಮ್ ಬಿರಿಯಾನಿ, ಮಟನ್ ಕೈಮ, ಮಟನ್ ಮಸಾಲ, ಚಿಕನ್ ಮಸಾಲಗಳು, ಕಾಟ್ಲ ಫ್ರೈ ಸ್ಥಳೀಯರನ್ನು ಸೆಳೆಯುತ್ತಿವೆ. ಇದರೊಟ್ಟಿಗೆ ಕಬಾಬ್, ಲಾಲಿಪಾಪ್ ಇತರ ಸಾಮಾನ್ಯ ಐಟಂಗಳೂ ಇವೆ.

. ದಕ್ಷಿಣ ಕನ್ನಡ ಜಿಲ್ಲೆಯ ಮೂಡುಬಿದಿರೆ ಸಂತೋಷ್ ಹೆಗ್ಡೆ ಈ ಹೋಟೆಲ್ ನಡೆಸುತ್ತಿದ್ದರೆ, ಅವರ ಭಾವ ಸಂತೋಷ್ ಕರಾವಳಿ ಶೈಲಿಯ ಅಡುಗೆ ತಯಾರಿಸುತ್ತಾರೆ. ರಾಜಣ್ಣ ಅವರು ಸ್ಥಳೀಯ ಶೈಲಿಯ ಅಡುಗೆ ತಯಾರಕರಾಗಿದ್ದಾರೆ.

. ಸಂತೋಷ್ ಹೆಗ್ಡೆ ದಾವಣಗೆರೆಯಲ್ಲಿ 12 ವರ್ಷಗಳಿಂದ ಇದ್ದು, ಮಂಗಳೂರು ಶೈಲಿಯ ಮಾಂಸಾಹಾರಿ ಊಟ ನೀಡಲು ಇತ್ತೀಚೆಗಷ್ಟೇ ನಿರ್ಧರಿಸಿದ್ದರು. ಗ್ರಾಹಕರು ಈ ರುಚಿಯನ್ನು ಸ್ವೀಕರಿಸಿದ್ದರಿಂದ ಹೆಗ್ಡೆ ಅವರ ಪ್ರಯತ್ನ ಯಶಸ್ಸಿನ ಹಾದಿಯಲ್ಲಿ ಸಾಗುತ್ತಿದೆ.

. ‘ಮಂಗಳೂರು, ಉಡುಪಿಯ ಬಹಳಷ್ಟು ಮಂದಿ ದಾವಣಗೆರೆಯಲ್ಲಿ ವಿವಿಧ ಉದ್ಯೋಗದಲ್ಲಿ, ವಿವಿಧ ವ್ಯವಹಾರಗಳಲ್ಲಿ ತೊಡಗಿಸಿಕೊಂಡಿದ್ದಾರೆ. ನಾವು ಕುಚಲಕ್ಕಿ ಅನ್ನ, ಮೀನು ಸಾರು ನೀಡುತ್ತಿದ್ದೇವೆ ಎಂದು ಗೊತ್ತಾಗಿ ಅವರೇ ಹುಡುಕಿಕೊಂಡು ಬರುತ್ತಿದ್ದಾರೆ. ಇದರ ಜತೆಗೆ ಸ್ಥಳೀಯರ ರುಚಿಗೆ ಅನುಗುಣವಾದ ಅಡುಗೆಯನ್ನೂ ಮಾಡುತ್ತಿರುವುದರಿಂದ ಇಲ್ಲಿನವರಿಗೂ ಇಷ್ಟವಾಗಿದೆ’ ಎಂಬುದು ಸಂತೋಷ್ ಹೆಗ್ಡೆ ಅವರ ಅಭಿಪ್ರಾಯವಾಗಿದೆ.

. ‘ಬೆಳಿಗ್ಗಿನ ಉಪಾಹಾರ ಇರುವುದಿಲ್ಲ. ಮಧ್ಯಾಹ್ನ 12 ಗಂಟೆಯಿಂದ ರಾತ್ರಿ 10.30ರ ವರೆಗೆ ನಮ್ಮ ಹೋಟೆಲ್ ತೆರೆದಿರುತ್ತದೆ. ಅಲ್ಲದೇ ಹೋಮ್ ಡೆಲಿವರಿ, ಪಾರ್ಟಿ ಆರ್ಡರ್ಗಳನ್ನೂ ಮಾಡುತ್ತಿದ್ದೇವೆ’ ಎಂದು ಹೆಗ್ಡೆ ತಿಳಿಸಿದರು.

. ಊಟಕ್ಕೆ 94486 36370 ಸಂಪರ್ಕಿಸಬಹುದು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನ್ಯೂ ಹೈಡ್‌ಔಟ್‌ನಲ್ಲಿ ಕರಾವಳಿಯ ಸವಿ

ಚಿನಕುರುಳಿ ಕಾರ್ಟೂನ್: ಜುಲೈ 24 ಗುರುವಾರ 2025

7.4 ಕೆ.ಜಿ. ತೂಕದ ಫೈಬ್ರಾಯ್ಡ್‌: ಯಶಸ್ವಿ ಶಸ್ತ್ರಚಿಕಿತ್ಸೆ

ಧರ್ಮಸ್ಥಳ ಪ್ರಕರಣದ ತನಿಖೆ: SITಯಿಂದ ಹಿಂದೆ ಸರಿದ ಇಬ್ಬರು ಅಧಿಕಾರಿಗಳು

ಚುರುಮುರಿ | ರಾಜಕೀಯ ‘ಮಾತು’!

IND vs ENG | ಗಾಯ ಲೆಕ್ಕಿಸದೇ ಬ್ಯಾಟಿಂಗ್ ಮಾಡಿದ ಪಂತ್; ಅಭಿನಂದನೆಗಳ ಮಹಾಪೂರ

ಗಾಯದೊಂದಿಗೆ ‘ಆಟ’ವಾಡುವುದೇ ಪಂತ್ ಶೈಲಿ!

IND vs ENG | ಪಂತ್ ದಿಟ್ಟತನ; ಸ್ಟೋಕ್ಸ್ ಛಲ

Indian Olympic Association| ಅಯ್ಯರ್‌ ನೇಮಕ ದೃಢೀಕರಿಸಿದ ಮಂಡಳಿ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಚಿನಕುರುಳಿ ಕಾರ್ಟೂನ್: ಜುಲೈ 24 ಗುರುವಾರ 2025

7.4 ಕೆ.ಜಿ. ತೂಕದ ಫೈಬ್ರಾಯ್ಡ್‌: ಯಶಸ್ವಿ ಶಸ್ತ್ರಚಿಕಿತ್ಸೆ

ಧರ್ಮಸ್ಥಳ ಪ್ರಕರಣದ ತನಿಖೆ: SITಯಿಂದ ಹಿಂದೆ ಸರಿದ ಇಬ್ಬರು ಅಧಿಕಾರಿಗಳು

ಚುರುಮುರಿ | ರಾಜಕೀಯ ‘ಮಾತು’!