ಬುಧವಾರ, ಏಪ್ರಿಲ್ 8, 2020
19 °C

ನಾಯಿಮರಿಗೆ ಮದ್ಯ ಕುಡಿಸಿದ ಯುವಕ: ವಿಡಿಯೊ ವೈರಲ್‌

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಕುಮಟಾ: ಅಪರಿಚಿತ ಯುವಕನೊಬ್ಬ ಬೀದಿ ನಾಯಿಮರಿಗೆ ಬಲವಂತವಾಗಿ ಮದ್ಯ ಕುಡಿಸಿ ವಿಕೃತ ಸಂತೋಷಪಟ್ಟ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.

ವಾಟ್ಸ್‌ಆ್ಯಪ್‌ನಲ್ಲಿ ಬಂದ ಮಾಹಿತಿ ಪ್ರಕಾರ ತಾಲ್ಲೂಕಿನ ಹೊಲನಗದ್ದೆಯ ಕಡ್ಲೆ ಮೈದಾನದಲ್ಲಿ ಈ ಕೃತ್ಯ ಎಸಗಿದ್ದಾನೆ ಎನ್ನಲಾಗಿದೆ. ಜಾಕೆಟ್ ಹಾಕಿ, ದಾಡಿ ಬಿಟ್ಟಿಕೊಂಡಿರುವ ಆತ, ಬಾಟಲಿಯಲ್ಲಿ ಉಳಿದಿರುವ ಸ್ವಲ್ಪ ಮದ್ಯವನ್ನು ನಾಯಿಮರಿಗೆ ಒತ್ತಾಯವಾಗಿ ಕುಡಿಸುತ್ತಾನೆ. ಅದು ತಪ್ಪಿಸಿಕೊಂಡು ಹೋಗಲು ಯತ್ನಿಸಿದರೂ ಬಿಡದ ಅವನು, ‘ಇಷ್ಟು ತಿಂಡಿ ತಿಂದಿದ್ದಿಯಾ.. ಸ್ವಲ್ಪ ಇದೆ, ಲಾಸ್ಟ್ ಪೆಗ್ ಕುಡಿದುಬಿಡು’ ಎನ್ನುತ್ತಾನೆ. ಅದನ್ನು ಆತನ ಸ್ನೇಹಿತ ಇರಬಹುದಾದ ಇನ್ನೊಬ್ಬ ವ್ಯಕ್ತಿ ಮೊಬೈಲ್‌ನಲ್ಲಿ ಚಿತ್ರೀಕರಿಸಿದ್ದಾನೆ.

‌ಹೊಲನಗದ್ದೆಯ ಸುಂದರ ಕಡ್ಲೆ ಮೈದಾನ, ಸ್ಥಳೀಯ ಶಾಲೆ ಮಕ್ಕಳ ಕ್ರೀಡಾಕೂಟಕ್ಕೆ, ಅಕ್ಕಪಕ್ಕದವರ ವಾಯು ವಿಹಾರಕ್ಕೆ ಬಳಕೆಯಾಗುತ್ತದೆ. ಹಗಲು, ರಾತ್ರಿ ಮದ್ಯ ಸೇವನೆಯ ತಾಣವಾಗಿಯೂ ಬಳಕೆಯಾಗುತ್ತದೆ. ಈ ಬಗ್ಗೆ ಸ್ಥಳೀಯ ಪೊಲೀಸರನ್ನು ಸಂಪರ್ಕಿಸಿದಾಗ, ‘ಹಿರಿಯ ಅಧಿಕಾರಿಗಳ ಗಮನಕ್ಕೆ ತರುತ್ತೇವೆ’ ಎಂದು ಹೇಳಿದ್ದಾರೆ.

ಕುಮಟಾದ ‘ಖುಷಿ’ ಪರಿಸರ ಸಂಘದ ಸದಸ್ಯೆಯಯೂ ಆಗಿರುವ ಸಸ್ಯಶಾಸ್ತ್ರದ ನಿವೃತ್ತ ಪ್ರಾಧ್ಯಾಪಕಿ ಗೀತಾ ನಾಯಕ, ‘ಮನುಷ್ಯನ ವಿಕೃತಿ ಸಾಕುಪ್ರಾಣಿಗಳ ಮೇಲೆ ತಿರುಗಿರುವುದು ಅಪಾಯದ ಸೂಚನೆ. ವಿಡಿಯೊದಲ್ಲಿ ಕಂಡು ಬರುವ ವ್ಯಕ್ತಿಯು ತಾನು ಕೆಟ್ಟಿದ್ದಲ್ಲದೇ ಇಡೀ ಪರಿಸರವನ್ನು ಹಾಳು ಮಾಡುವ ರೀತಿ ವರ್ತಿಸಿದ್ದಾನೆ. ಇಂಥದ್ದನ್ನು ಪ್ರಜ್ಞಾವಂತರು ಖಂಡಿಸಿ ತಡೆಯಬೇಕು’ ಎಂದಿದ್ದಾರೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು