‘ಆಸ್ಪತ್ರೆಯಲ್ಲಿ ವೈದ್ಯರು, ನರ್ಸ್ಗಳು ಮತ್ತು ‘ಡಿ’ ಗ್ರೂಪ್ ನೌಕರರಾದ ನಾವು ಕೊರೊನಾ ಸೋಂಕಿತರ ಜತೆಗೆ ಇರುತ್ತೇವೆ. ನಮ್ಮದೇ ಹೆಚ್ಚು ಸವಾಲಿನ ಕೆಲಸ. ಯಾಕೆಂದರೆ ಸೋಂಕಿತರು ಇರುವ ವಾರ್ಡ್, ಶೌಚಾಲಯ ಸ್ವಚ್ಛಗೊಳಿಸುವುದು, ಬೆಡ್, ಅದರ ಮೇಲಿನ ಬಟ್ಟೆ ಬದಲಾಯಿಸುವುದರಿಂದ ಹಿಡಿದು ಎಲ್ಲ ಕೆಲಸ ಮಾಡುತ್ತೇವೆ. ಕೊರೊನಾ ವೈರಸ್ ಸೋಂಕು ತಗುಲಬಹುದು ಎಂದು ನಾವು ಯೋಚಿಸಿಲ್ಲ. ಸಿ.ಜಿ. ಆಸ್ಪತ್ರೆಯಲ್ಲಿ 258 ಮಂದಿ ಕೆಲಸ ಮಾಡುತ್ತಿದ್ದೇವೆ. ಅದರಲ್ಲಿ ಮೂವರಿಗೆ ಕೊರೊನಾ ಸೋಂಕು ಬಂದಿತ್ತು. ಮೂವರೂ ಈಗ ಗುಣಮುಖರಾಗಿದ್ದಾರೆ. ಕೊರೊನಾಗಿಂತಲೂ ಉದ್ಯೋಗ ಕಾಯಂ ಇಲ್ಲದಿರುವುದೇ ಚಿಂತೆಗೆ ಕಾರಣ’ ಎಂದು ವಿವರಿಸಿದರು.