‘ಈ ನಾಣ್ಯ ಬಂಗಾರದ ಪಗೋಡವಾಗಿದ್ದು, ಮೂರನೇ ಕೃಷ್ಣರಾಜ ಒಡೆಯರ ಕಾಲದಲ್ಲಿ (ಕ್ರಿ.ಶ 1810-1868) ಹೊರಡಿಸಿದ ನಾಣ್ಯ. ನಾಣ್ಯದ ಮುಮ್ಮುಖದಲ್ಲಿ ಶಿವ ಮತ್ತು ಪಾರ್ವತಿ ಕುಳಿತಿರುವಂತೆ ಮುದ್ರಿಸಲಾಗಿದೆ. ಶಿವನು ಡಮರು ಮತ್ತು ತ್ರಿಶೂಲ ಹಿಡಿದಿದ್ದು, ಪಾರ್ವತಿಯು ಬಲ ತೊಡೆಯ ಮೇಲೆ ಕುಳಿತಿದ್ದಾಳೆ. ನಾಣ್ಯದ ಹಿಮ್ಮುಖದಲ್ಲಿ ದೇವನಾಗರಿ ಲಿಪಿಯಲ್ಲಿ ಶ್ರೀ/ಕೃಷ್ಣ ರಾ/ಜ ಎಂಬ ಲೇಖ್ಯ ಇದೆ. ನಾಣ್ಯವು 3.34 ಗ್ರಾಂ ತೂಗುತ್ತದೆ. ಇದರ ಸುತ್ತಳತೆ 12.02 ಮಿ.ಮೀ ಇದೆ’ ಎಂದು ವಿವರಿಸಿದರು.