ಹುಬ್ಬಳ್ಳಿ: ಕೇಂದ್ರ ಸರ್ಕಾರದ ಸ್ಟಾರ್ಟ್‌ಅಪ್‌ ಇಂಡಿಯಾ ಸೀಡ್ ಫಂಡ್‌ ಯೋಜನೆ ಅಡಿ ಕೆಎಲ್‌ಇ ತಾಂತ್ರಿಕ ವಿ.ವಿ.ಯ ಆವಿಷ್ಕಾರ ಮತ್ತು ಉದ್ಯಮಶೀಲತೆ ಕೇಂದ್ರ (ಸಿಟಿಐಇ) ಆಯ್ಕೆಯಾಗಿದ್ದು, ಮೂರು ವರ್ಷಗಳ ಅವಧಿಗೆ ನವೋದ್ಯಮಗಳಿಗೆ ಪ್ರೋತ್ಸಾಹಿಸಲು ₹5 ಕೋಟಿ ಅನುದಾನ ಒದಗಿಸಲಾಗಿದೆ.
‘ಮುಂದಿನ ಮಾರ್ಚ್‌ ವೇಳೆಗೆ 10 ಹೆಚ್ಚು ನವೋದ್ಯಮಗಳಿಗೆ ಪ್ರೋತ್ಸಾಹ ನೀಡುವ ಗುರಿ ಇದ್ದು, ₹20 ಲಕ್ಷದವರೆಗೆ ಅನುದಾನ ಮತ್ತು ₹50 ಲಕ್ಷದವರೆಗೆ ಹೂಡಿಕೆ ಮಾಡಲು ಉದ್ದೇಶಿಸಲಾಗಿದೆ’ ಎಂದು ಕೆಎಲ್‌ಇ ತಾಂತ್ರಿಕ ವಿಶ್ವವಿದ್ಯಾಲಯದ ಕುಲಪತಿ ಅಶೋಕ ಶೆಟ್ಟರ್‌ ತಿಳಿಸಿದ್ದಾರೆ.
