ಕುಬ್ಜರ ವಿಶ್ವ ಕ್ರೀಡಾಕೂಟ; ಜರ್ಮನಿಗೆ ತೆರಳಿದ ಭಾರತ ತಂಡ

ಕರ್ನಾಟಕದ ಎಂಟು ಸೇರಿದಂತೆ 18 ಕ್ರೀಡಾಪಟುಗಳು ಭಾರತ ತಂಡದಲ್ಲಿದ್ದಾರೆ. ರಾಜ್ಯದ ಆಟಗಾರರು ಬೆಂಗಳೂರು ವಿಮಾನ ನಿಲ್ದಾಣದಿಂದ ದೆಹಲಿಗೆ ತೆರಳಿ, ಅಲ್ಲಿಂದ ಇನ್ನುಳಿದ ರಾಷ್ಟ್ರೀಯ ತಂಡದ ಆಟಗಾರರ ಜೊತೆಗೂಡಿ ಜರ್ಮಿನಿಗೆ ಪ್ರಯಾಣ ಬೆಳೆಸಿದರು. ಆಗಸ್ಟ್ 5 ರವರೆಗೆ ಕ್ರೀಡಾಕೂಟ ನಡೆಯಲಿದೆ.

'ವೀಸಾ ಸಮಸ್ಯೆಯಿಂದಾಗಿ ತಡವಾಗಿ ಜರ್ಮನಿ ತಲುಪಿದೆವು. ಇದರಿಂದ ಕ್ರೀಡಾಕೂಟದ ಉದ್ಘಾಟನಾ ಸಮಾರಂಭದಲ್ಲಿ ಭಾಗವಹಿಸಲು ಸಾಧ್ಯವಾಗಲಿಲ್ಲ. ಶನಿವಾರದಿಂದ ಸ್ಪರ್ಧೆಗಳು ಆರಂಭವಾಗಲಿವೆ' ಭಾರತ ತಂಡದ ವ್ಯವಸ್ಥಾಪಕ ಶಿವಾನಂದ ಗುಂಜಾಳ ‘ಪ್ರಜಾವಾಣಿ’ಗೆ ತಿಳಿಸಿದರು.

ಕ್ರೀಡಾಕೂಟದಲ್ಲಿ ಭಾಗವಹಿಸಿರುವ ಕರ್ನಾಟಕದ ಕ್ರೀಡಾಪಟುಗಳು: ದೇವಪ್ಪ ಮೋರೆ (ಧಾರವಾಡ ಜಿಲ್ಲೆ), ನಾಗೇಶ ಕದ್ರಿಪುರ (ಕೋಲಾರ ಜಿಲ್ಲೆ), ಪ್ರಕಾಶ್‌ ಎಂ. (ಬೆಂಗಳೂರು), ಮಂಜುಳಾ ಗೊರಗುದ್ದಿ ಚಿಕ್ಕನಂದಿ (ಬೆಳಗಾವಿ ಜಿಲ್ಲೆ), ಮಧುಸೂದನ ಡಿ. (ಮೈಸೂರು), ತುಳಸಿದರ ಜಿ.ಎಚ್‌. (ಬೆಂಗಳೂರು), ಶಾಂತಕುಮಾರ್‌ ಕೆ.ಆರ್.ಕೊಳ್ಳಂಗಿ (ಹಾಸನ ಜಿಲ್ಲೆ) ಮತ್ತು ಸಿ.ವಿ.ರಾಜಣ್ಣ (ಬೆಂಗಳೂರು).