<p><strong>ಗದಗ: </strong>ಲಾಕ್ಡೌನ್ ಪೂರ್ವದಲ್ಲಿ ಕೆ.ಜಿಗೆ ₹10ಕ್ಕೆ ಮಾರಾಟವಾಗುತ್ತಿದ್ದ ಟೊಮೊಟೊ ದರ, ವಾರದಿಂದ ಈಚೆಗೆ ₹50ರ ಗಡಿ ದಾಟಿದ್ದು, ಗ್ರಾಹಕರಿಗೆ ತೀವ್ರ ಹೊರೆಯಾಗಿ ಪರಿಣಮಿಸಿದೆ.</p>.<p>ಚಿಲ್ಲರೆ ವ್ಯಾಪಾರಿಗಳು ಮಾರುಕಟ್ಟೆಯಲ್ಲಿ ಒಂದು ಕೆ.ಜಿ ಟೊಮೊಟೊವನ್ನು ₹60ರವರೆಗೆ ಮಾರಾಟ ಮಾಡುತ್ತಿದ್ದಾರೆ. ಟೊಮೊಟೊ ಜತೆಗೆ ಇತರೆ ತರಕಾರಿಗಳ ಬೆಲೆಯೂ ಏರಿಕೆಯಾಗಿರುವುದು ಗ್ರಾಹಕರ ಜೇಬು ಕರಗುವಂತೆ ಮಾಡಿದೆ.</p>.<p>ಸಾಮಾನ್ಯವಾಗಿ ಬೇಸಿಗೆಯಲ್ಲಿ ಟೊಮೊಟೊ ಧಾರಣೆ ಹೆಚ್ಚಿರುತ್ತದೆ. ಮುಂಗಾರು ಪ್ರಾರಂಭವಾದ ನಂತರ ಬೆಲೆಯಲ್ಲಿ ಗಣನೀಯವಾಗಿ ಇಳಿಕೆಯಾಗುತ್ತದೆ. ಆದರೆ, ಈ ಬಾರಿ ಜಿಲ್ಲೆಯಲ್ಲಿ ಮುಂಗಾರು ಆರಂಭದಲ್ಲಿ ವಾಡಿಕೆಗಿಂತ ಕಡಿಮೆ ಮಳೆಯಾಗಿದೆ. ಹೀಗಾಗಿ ನಿರೀಕ್ಷಿತ ಪ್ರಮಾಣದಲ್ಲಿ ತರಕಾರಿ ಬೆಳೆದಿಲ್ಲ. ಹೀಗಾಗಿ ಸ್ಥಳೀಯವಾಗಿ ತರಕಾರಿ ಕೊರತೆ ಉಂಟಾಗಿದೆ. ಜತೆಗೆ ಲಾಕ್ಡೌನ್ನಿಂದ ಬೇರೆ ಜಿಲ್ಲೆಗಳಿಂದಲೂ ತರಕಾರಿ ಆವಕ ನಿಂತಿದೆ.</p>.<p>ಕಳೆದ ವರ್ಷ ಜುಲೈನಲ್ಲಿ ಒಂದೂವರೆ ಕೆ.ಜಿ ಟೊಮೊಟೊವನ್ನು ವ್ಯಾಪಾರಿಗಳು ₹10ಕ್ಕೆ ಮಾರಾಟ ಮಾಡುತ್ತಿದ್ದರು. ಆದರೆ, ಈ ಬಾರಿ ಅದರ ಐದು ಪಟ್ಟು ದರ ಏರಿಕೆಯಾಗಿದೆ. ಅರಸೀಕೆರೆ, ಕೋಲಾರ, ಕೊಪ್ಪಳ, ಹಾವೇರಿ, ಬಾಗಲಕೋಟೆ ಅಲ್ಲದೆ, ಸ್ಥಳೀಯವಾಗಿಯೂ ಮಾರುಕಟ್ಟೆಗೆ ಟೊಮೊಟೊ ಆವಕ ಗಣನೀಯವಾಗಿ ತಗ್ಗಿರುವುದು ಬೆಲೆ ಏರಿಕೆಗೆ ಪ್ರಮುಖ ಕಾರಣ ಎನ್ನುತ್ತಾರೆ ವ್ಯಾಪಾರಿಗಳು.</p>.<p>‘ಸದ್ಯ 10 ಕೆ.ಜಿ ತೂಕದ ಒಂದು ಬಾಕ್ಸ್ ಗುಣಮಟ್ಟದ ಟೊಮೊಟೊಗೆ ₹400 ದರ ಇದೆ. ಚಿಲ್ಲರೆ ಮಾರುಕಟ್ಟೆಯಲ್ಲಿ ನಾವು ಇದನ್ನು ಕೆ.ಜಿಗೆ ₹50ರಿಂದ ₹60ರವರೆಗೆ ಮಾರುತ್ತಿದ್ದೇವೆ’ ಎಂದು ಇಲ್ಲಿನ ತರಕಾರಿ ವ್ಯಾಪಾರಿ ಮಾಬುಸಾಬ್ ಲಕ್ಕುಂಡಿ ಹೇಳಿದರು.</p>.<p>‘ಮುಂಗಾರು ಆರಂಭದಲ್ಲಿ ಉತ್ತಮ ಮಳೆ ಲಭಿಸಿದ್ದರೆ ರೈತರು ಹೆಚ್ಚಿನ ಪ್ರಮಾಣದಲ್ಲಿ ತರಕಾರಿ ಬೆಳೆಯುತ್ತಿದ್ದರು. ಆದರೆ, ಈ ಬಾರಿ ಜಿಲ್ಲೆಯ ಹಲವೆಡೆ ಬಿತ್ತಿದ ಬೀಜಗಳು ಮೊಳಕೆಯೊಡೆಯುವಷ್ಟು ಪ್ರಮಾಣದಲ್ಲೂ ಮಳೆ ಲಭಿಸಲಿಲ್ಲ. ಹೀಗಾಗಿ ಗ್ರಾಹಕರ ಪಾಲಿಗೆ ತರಕಾರಿ ತುಟ್ಟಿಯಾಗಿದೆ.</p>.<p><strong>ಪಟ್ಟಿ</strong><br />ತರಕಾರಿ ದರ (₹ ಪ್ರತಿ ಕೆ.ಜಿಗೆ)<br />ಟೊಮೊಟೊ; 50<br />ಆಲೂಗಡ್ಡೆ; 30<br />ಈರುಳ್ಳಿ; 30<br />ಹಿರೇಕಾಯಿ; 40<br />ಚವಳಿಕಾಯಿ; 40<br />ಹಾಗಲಕಾಯಿ; 40<br />ಬೀನ್ಸ್;40<br />ಸೌತೆಕಾಯಿ;40<br />ಕ್ಯಾರೆಟ್; 40<br />ಮೆಣಸಿನಕಾಯಿ; 80</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಗದಗ: </strong>ಲಾಕ್ಡೌನ್ ಪೂರ್ವದಲ್ಲಿ ಕೆ.ಜಿಗೆ ₹10ಕ್ಕೆ ಮಾರಾಟವಾಗುತ್ತಿದ್ದ ಟೊಮೊಟೊ ದರ, ವಾರದಿಂದ ಈಚೆಗೆ ₹50ರ ಗಡಿ ದಾಟಿದ್ದು, ಗ್ರಾಹಕರಿಗೆ ತೀವ್ರ ಹೊರೆಯಾಗಿ ಪರಿಣಮಿಸಿದೆ.</p>.<p>ಚಿಲ್ಲರೆ ವ್ಯಾಪಾರಿಗಳು ಮಾರುಕಟ್ಟೆಯಲ್ಲಿ ಒಂದು ಕೆ.ಜಿ ಟೊಮೊಟೊವನ್ನು ₹60ರವರೆಗೆ ಮಾರಾಟ ಮಾಡುತ್ತಿದ್ದಾರೆ. ಟೊಮೊಟೊ ಜತೆಗೆ ಇತರೆ ತರಕಾರಿಗಳ ಬೆಲೆಯೂ ಏರಿಕೆಯಾಗಿರುವುದು ಗ್ರಾಹಕರ ಜೇಬು ಕರಗುವಂತೆ ಮಾಡಿದೆ.</p>.<p>ಸಾಮಾನ್ಯವಾಗಿ ಬೇಸಿಗೆಯಲ್ಲಿ ಟೊಮೊಟೊ ಧಾರಣೆ ಹೆಚ್ಚಿರುತ್ತದೆ. ಮುಂಗಾರು ಪ್ರಾರಂಭವಾದ ನಂತರ ಬೆಲೆಯಲ್ಲಿ ಗಣನೀಯವಾಗಿ ಇಳಿಕೆಯಾಗುತ್ತದೆ. ಆದರೆ, ಈ ಬಾರಿ ಜಿಲ್ಲೆಯಲ್ಲಿ ಮುಂಗಾರು ಆರಂಭದಲ್ಲಿ ವಾಡಿಕೆಗಿಂತ ಕಡಿಮೆ ಮಳೆಯಾಗಿದೆ. ಹೀಗಾಗಿ ನಿರೀಕ್ಷಿತ ಪ್ರಮಾಣದಲ್ಲಿ ತರಕಾರಿ ಬೆಳೆದಿಲ್ಲ. ಹೀಗಾಗಿ ಸ್ಥಳೀಯವಾಗಿ ತರಕಾರಿ ಕೊರತೆ ಉಂಟಾಗಿದೆ. ಜತೆಗೆ ಲಾಕ್ಡೌನ್ನಿಂದ ಬೇರೆ ಜಿಲ್ಲೆಗಳಿಂದಲೂ ತರಕಾರಿ ಆವಕ ನಿಂತಿದೆ.</p>.<p>ಕಳೆದ ವರ್ಷ ಜುಲೈನಲ್ಲಿ ಒಂದೂವರೆ ಕೆ.ಜಿ ಟೊಮೊಟೊವನ್ನು ವ್ಯಾಪಾರಿಗಳು ₹10ಕ್ಕೆ ಮಾರಾಟ ಮಾಡುತ್ತಿದ್ದರು. ಆದರೆ, ಈ ಬಾರಿ ಅದರ ಐದು ಪಟ್ಟು ದರ ಏರಿಕೆಯಾಗಿದೆ. ಅರಸೀಕೆರೆ, ಕೋಲಾರ, ಕೊಪ್ಪಳ, ಹಾವೇರಿ, ಬಾಗಲಕೋಟೆ ಅಲ್ಲದೆ, ಸ್ಥಳೀಯವಾಗಿಯೂ ಮಾರುಕಟ್ಟೆಗೆ ಟೊಮೊಟೊ ಆವಕ ಗಣನೀಯವಾಗಿ ತಗ್ಗಿರುವುದು ಬೆಲೆ ಏರಿಕೆಗೆ ಪ್ರಮುಖ ಕಾರಣ ಎನ್ನುತ್ತಾರೆ ವ್ಯಾಪಾರಿಗಳು.</p>.<p>‘ಸದ್ಯ 10 ಕೆ.ಜಿ ತೂಕದ ಒಂದು ಬಾಕ್ಸ್ ಗುಣಮಟ್ಟದ ಟೊಮೊಟೊಗೆ ₹400 ದರ ಇದೆ. ಚಿಲ್ಲರೆ ಮಾರುಕಟ್ಟೆಯಲ್ಲಿ ನಾವು ಇದನ್ನು ಕೆ.ಜಿಗೆ ₹50ರಿಂದ ₹60ರವರೆಗೆ ಮಾರುತ್ತಿದ್ದೇವೆ’ ಎಂದು ಇಲ್ಲಿನ ತರಕಾರಿ ವ್ಯಾಪಾರಿ ಮಾಬುಸಾಬ್ ಲಕ್ಕುಂಡಿ ಹೇಳಿದರು.</p>.<p>‘ಮುಂಗಾರು ಆರಂಭದಲ್ಲಿ ಉತ್ತಮ ಮಳೆ ಲಭಿಸಿದ್ದರೆ ರೈತರು ಹೆಚ್ಚಿನ ಪ್ರಮಾಣದಲ್ಲಿ ತರಕಾರಿ ಬೆಳೆಯುತ್ತಿದ್ದರು. ಆದರೆ, ಈ ಬಾರಿ ಜಿಲ್ಲೆಯ ಹಲವೆಡೆ ಬಿತ್ತಿದ ಬೀಜಗಳು ಮೊಳಕೆಯೊಡೆಯುವಷ್ಟು ಪ್ರಮಾಣದಲ್ಲೂ ಮಳೆ ಲಭಿಸಲಿಲ್ಲ. ಹೀಗಾಗಿ ಗ್ರಾಹಕರ ಪಾಲಿಗೆ ತರಕಾರಿ ತುಟ್ಟಿಯಾಗಿದೆ.</p>.<p><strong>ಪಟ್ಟಿ</strong><br />ತರಕಾರಿ ದರ (₹ ಪ್ರತಿ ಕೆ.ಜಿಗೆ)<br />ಟೊಮೊಟೊ; 50<br />ಆಲೂಗಡ್ಡೆ; 30<br />ಈರುಳ್ಳಿ; 30<br />ಹಿರೇಕಾಯಿ; 40<br />ಚವಳಿಕಾಯಿ; 40<br />ಹಾಗಲಕಾಯಿ; 40<br />ಬೀನ್ಸ್;40<br />ಸೌತೆಕಾಯಿ;40<br />ಕ್ಯಾರೆಟ್; 40<br />ಮೆಣಸಿನಕಾಯಿ; 80</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
