ದಿನ ಬಿಟ್ಟು ದಿನ ಹಾಲು ಖರೀದಿ: ಹಾಲು ಒಕ್ಕೂಟಗಳಿಗೆ ಕೆಎಂಎಫ್‌ ಸೂಚನೆ

ರಾಜ್ಯದ 13 ಹಾಲು ಒಕ್ಕೂಟಗಳಿಂದ ನಿತ್ಯ ಶೇಖಣೆಯಾಗುವ 69 ಲಕ್ಷ ಲೀಟರ್ ಹಾಲು ಪೈಕಿ 40 ಲಕ್ಷ ಲೀಟರ್‌ ಮಾರಾಟವಾಗುತ್ತಿದೆ. ಪ್ರಸ್ತುತ 22 ಲಕ್ಷ ಲೀಟರ್‌ ಹಾಲು ಪರಿವರ್ತನೆಗೆ ಮಾತ್ರ ಸೌಲಭ್ಯ ಇದ್ದು. ಹೆಚ್ಚುವರಿಯಾಗಿ 7 ರಿಂದ 8 ಲಕ್ಷ ಲೀಟರ್‌ ಹಾಲು ಉಳಿಯುತ್ತಿದೆ. ಈ ಹಾಲು ಮಾರಾಟಕ್ಕಾಗಲೀ, ಪರಿವರ್ತನೆಗಾಗಲೀ ವ್ಯವಸ್ಥೆ ಕಲ್ಪಿಸಲು ಸಾಧ್ಯವಿಲ್ಲವೆಂದು ಕೆಎಂಎಫ್‌ ಹೇಳಿದೆ. ಸರ್ಕಾರ ಜನರಿಗೆ ನೈಜ ಸ್ಥಿತಿಯನ್ನು ತಿಳಿಸಬೇಕು ಎಂದು ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಹೇಳಿದರು.

ಹಾಮೂಲ್‌ನಲ್ಲಿ ನಿತ್ಯ 8 ಲಕ್ಷ ಲೀಟರ್‌ ಹಾಲು ಸಂಗ್ರಹವಾಗುತ್ತಿದ್ದು, ರೈತರು ಸಂಕಷ್ಟದಲ್ಲಿರುವಾಗ ಹಾಲು ಶೇಖರಣೆಯನ್ನು ನಿಲ್ಲಿಸುವುದಿಲ್ಲ. ಒಕ್ಕೂಟಕ್ಕೆ ಬಂದ ₹ 45 ಕೋಟಿ ಆದಾಯವನ್ನು ಈಗಾಗಲೇ ರೈತರಿಗೆ ಹಿಂತಿರುಗಿಸಲಾಗಿದೆ. ಅದೇ ರೀತಿ ಕೆಎಂಎಫ್‌ ಸಹ ₹144 ಕೋಟಿ ಆದಾಯವನ್ನು ಜಿಲ್ಲಾ ಒಕ್ಕೂಟಗಳಿಗೆ ಹಂಚಿಕೆ ಮಾಡಬೇಕು. ರಾಜ್ಯದಲ್ಲಿ 13 ಲಕ್ಷ ಕುಟುಂಬಗಳು ಹೈನೋದ್ಯಮ ಅವಲಂಬಿಸಿವೆ. ಹಾಲು ಖರೀದಿಗೆ ನಿಲ್ಲಿಸಿದರೆ ಸಂಕಷ್ಟದಲ್ಲಿರುವ ರೈತರಿಗೆ ಸಮಸ್ಯೆ ಆಗಲಿದೆ ಎಂದರು.