ಟಿಎಚ್‌ಒ ಸೇರಿ 157 ಮಂದಿಗೆ ಕೋವಿಡ್‌

ಹಾವೇರಿ: ತಾಲ್ಲೂಕು ಆರೋಗ್ಯಾಧಿಕಾರಿ, ಖಾಸಗಿ ವೈದ್ಯ, ಪೊಲೀಸ್, ಬ್ಯಾಂಕ್‌ ನೌಕರ, ಆಶಾ, ಅಂಗನವಾಡಿ ಕಾರ್ಯಕರ್ತೆಯರು ಸೇರಿದಂತೆ ಜಿಲ್ಲೆಯಲ್ಲಿ ಮಂಗಳವಾರ 157 ಮಂದಿಗೆ ಕೋವಿಡ್-19 ದೃಢಪಟ್ಟಿದೆ ಹಾಗೂ 111 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ ಎಂದು ಜಿಲ್ಲಾಧಿಕಾರಿ ಸಂಜಯ ಶೆಟ್ಟೆಣ್ಣವರ ತಿಳಿಸಿದ್ದಾರೆ.

ತಾಲ್ಲೂಕುವಾರು ವಿವರ:

ಸವಣೂರು-6, ಶಿಗ್ಗಾವಿ -10, ಬ್ಯಾಡಗಿ ಹಾಗೂ ಹಾನಗಲ್ ತಲಾ-18, ಹಾವೇರಿ-20, ಹಿರೇಕೆರೂರು-20, ರಾಣೆಬೆನ್ನೂರು ತಲಾ– 4, ಹಾವೇರಿ-32, ಬ್ಯಾಡಗಿ-7, ಹಾನಗಲ್-4, ಹಿರೇಕೆರೂರು-30 ಹಾಗೂ ರಾಣೆಬೆನ್ನೂರು ತಾಲ್ಲೂಕಿನ 53 ಮತ್ತು ಇತರೆ ಎರಡು ಜನರಿಗೆ ಸೋಂಕು ದೃಢಪಟ್ಟಿದೆ.

ಸೋಂಕಿನಿಂದ ಗುಣಮುಖರಾಗಿ ಸವಣೂರು-1, ಹಾನಗಲ್-4, ಶಿಗ್ಗಾಂವ-5, ಬ್ಯಾಡಗಿ ಹಾಗೂ ರಾಣೆಬೆನ್ನೂರು ತಾಲ್ಲೂಕಿನ ತಲಾ -17, ಹಾವೇರಿ ತಾಲ್ಲೂಕಿನ 67 ಮಂದಿ ಬಿಡುಗಡೆ ಹೊಂದಿದ್ದಾರೆ.

ಮರಣ:

ರಾಣೇಬೆನ್ನೂರು ವಿದ್ಯಾನಗರದ 85 ವರ್ಷದ ಪುರುಷ, ಹಾವೇರಿ ಶಿವಾಜಿನಗರದ 53 ವರ್ಷದ ಪುರುಷಹಾಗೂ ಕರ್ಜಗಿ ಗ್ರಾಮದ 65 ವರ್ಷದ ಮಹಿಳೆ ಸೇರಿದಂತೆ ಮೂರು ಜನರ ಮರಣವನ್ನು ಇಂದು ದೃಢಿಕರಿಸಲಾಗಿದೆ.