ರಾಣೆಬೆನ್ನೂರು | ಮೆಕ್ಕೆಜೋಳ ಹಾಳು: ರೈತರ ಕಣ್ಣೀರು

‘ರಾಣೆಬೆನ್ನೂರು ತಾಲ್ಲೂಕಿನ ಹೂಲಿಹಳ್ಳಿ–ಕೂನಬೇವು ಎಪಿಎಂಸಿ ಉಪ ಮಾರುಕಟ್ಟೆ ಪ್ರಾಂಗಣದಲ್ಲಿ ಮೂಲ ಸೌಕರ್ಯಗಳ ಕೊರತೆಯಿದೆ. ಬೆಳೆ ಒಣಗಿಸುವ ಕಟ್ಟೆಯಿದ್ದು ನೀರು ನಿಲ್ಲುತ್ತದೆ. ಅದು ಅವೈಜ್ಞಾನಿಕವಾಗಿದೆ. ರೈತರಿಗೆ ಸಮರ್ಪಕ ವ್ಯವಸ್ಥೆಯಿಲ್ಲ. ನಿರ್ವಹಣೆಯೂ ಶೂನ್ಯವಾಗಿದೆ’ ಎಂದು ರೈತರು ದೂರಿದರು. ‘ಮೆಕ್ಕೆಜೋಳ ನೀರಿನಿಂದ ತೊಯ್ದರೂ ಯಾರೊಬ್ಬರ ಅಧಿಕಾರಿಯೂ ತಿರುಗಿ ನೋಡಿಲ್ಲ. ರಾತ್ರಿ ವಿದ್ಯುತ್ ಸಂಪರ್ಕವಿಲ್ಲ. ಕುಡಿಯುವ ನೀರಂತೂ ಇಲ್ಲವೇ ಇಲ್ಲ. ರೈತರು ಉಳಿದುಕೊಳ್ಳಲು ವ್ಯವಸ್ಥೆಯಿಲ್ಲ‘ ಎಂದರು.