ರಟ್ಟೀಹಳ್ಳಿ ಪಟ್ಟಣ ಪಂಚಾಯಿತಿ: ಅಧ್ಯಕ್ಷರಾದ ‘ಕೈ’ ಸದಸ್ಯ; ಬಿಜೆಪಿ ಬೆಂಬಲ

ಚುನಾವಣೆ ಫಲಿತಾಂಶ ಹೊರಬೀಳುತ್ತಿದ್ದಂತೆ ಪಕ್ಷೇತರ ಅಭ್ಯರ್ಥಿಗಳನ್ನು ತಮ್ಮತ್ತ ಸೆಳೆದಿದ್ದ ಕಾಂಗ್ರೆಸ್‌ ಮುಖಂಡರು ಅಧ್ಯಕ್ಷ ಹಾಗೂ ಉಪಾಧ್ಯಕ್ಷ ಸ್ಥಾನ ತಮ್ಮ ಪಕ್ಷದೆಂದು ಹೇಳಿಕೊಂಡಿದ್ದರು.  ಪಕ್ಷೇತರ ಅಭ್ಯರ್ಥಿ ಲಲಿತಾ ಚನ್ನಗೌಡ್ರ ಅವರ ಮಗ ಶಂಕರಗೌಡ ಅವರನ್ನು ಮುಖ್ಯಮಂತ್ರಿ ಸಿದ್ದರಾಮಯ್ಯ ಹಾಗೂ ಉಪ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ ಬಳಿ ಕರೆದೊಯ್ದಿದ್ದ ಮುಖಂಡರು ಭೇಟಿ ಮಾಡಿಸಿ ಪಕ್ಷಕ್ಕೆ ಆಹ್ವಾನ ಕೊಡಿಸಿದ್ದರು. ಈ ಸಂದರ್ಭದಲ್ಲಿ ರವೀಂದ್ರ ಸಹ ಜೊತೆಗಿದ್ದರು. ಶಂಕರಗೌಡ ಅವರು ಕೊನೆ ಕ್ಷಣದಲ್ಲೂ ಕಾಂಗ್ರೆಸ್ ಜೊತೆಗಿದ್ದು ತಮ್ಮ ತಾಯಿ ಲಲಿತಾ ಅವರಿಂದ ಅಧ್ಯಕ್ಷಕ್ಕಾಗಿ ನಾಮಪತ್ರ ಕೊಡಿಸಿದ್ದರು. ಆದರೆ ಇನ್ನೊಬ್ಬ ಪಕ್ಷೇತರ ಅಭ್ಯರ್ಥಿ ಶಿವಕುಮಾರ ಹಾಗೂ ರವೀಂದ್ರ ಮುದಿಯಪ್ಪನವರ ಅವರು ಬಿಜೆಪಿ ಬೆಂಬಲದೊಂದಿಗೆ ಅಧಿಕಾರದ ಚುಕ್ಕಾಣಿ ಹಿಡಿದಿದ್ದಾರೆ.