ವಿವಿಧ ರಾಜಕೀಯ ಪಕ್ಷಗಳ ಗಣ್ಯರು, ಹಿರಿಯರು, ಸರ್ಕಾರಿ ನೌಕರರು, ಪೊಲೀಸರು, ಪತ್ರಕರ್ತರು, ಸಾಮಾಜಿಕ ಕಾರ್ಯಕರ್ತರು, ವಿವಿಧ ಶಿಕ್ಷಣ ಸಂಸ್ಥೆಗಳ ಪದಾಧಿಕಾರಿಗಳು, ಸಂಘಟನೆಗಳ ಸದಸ್ಯರು ಸೇರಿ 205ಕ್ಕೂ ಅಧಿಕ ಜನರು ಈ ಗ್ರೂಪ್‌ನಲ್ಲಿ ಇದ್ದಾರೆ. ಇದರಲ್ಲಿ ಹಲವು ಮಹಿಳೆಯರು, ಯುವತಿಯರೂ ಇದ್ದಾರೆ. ಇದೆಲ್ಲ ಗೊತ್ತಿದ್ದರೂ ಜನಪ್ರತಿನಿಧಿ ಗ್ರೂಪ್‌ನಲ್ಲಿ ಅಶ್ಲೀಲ ವಿಡಿಯೊ ಹರಿಬಿಟ್ಟಿದ್ದಕ್ಕೆ ತೀವ್ರ ಆಕ್ಷೇಪ ವ್ಯಕ್ತವಾಗಿದೆ. ವಿಡಿಯೊ ಬಂದ ಕೆಲವೇ ನಿಮಿಷಗಳಲ್ಲಿ ಗ್ರೂಪ್‌ನಲ್ಲಿಯೇ ಹಲವರು ತರಾಟೆ ತೆಗೆದುಕೊಂಡರು.
