ಬುಧವಾರ ಪತ್ತೆಯಾದ ಸೋಂಕಿತರ ಪೈಕಿ 1 ವರ್ಷದಿಂದ 8 ವರ್ಷದೊಳಗಿನ 15 ಮಕ್ಕಳಲ್ಲಿಯೂ ಕೋವಿಡ್ ಕಾಣಿಸಿಕೊಂಡಿರುವುದು ಆತಂಕ ಮೂಡಿಸಿದೆ. ಜಿಲ್ಲೆಯ ಚಿಂಚೋಳಿ, ಕಾಳಗಿ ಹಾಗೂ ಚಿತ್ತಾಪುರ ತಾಲ್ಲೂಕಿನವರೇ ಸೋಂಕಿತರ ಪೈಕಿ ಹೆಚ್ಚು ಜನರಿದ್ದಾರೆ. ರಾಜ್ಯ ಸರ್ಕಾರದ ನಿರ್ದೇಶನದ ಮೇರೆಗೆ ಕಳೆದ ಮೇ 29ರಂದು ಜಿಲ್ಲಾಡಳಿತ 28,857 ಜನರನ್ನು ಕ್ವಾರಂಟೈನ್ ಕೇಂದ್ರಗಳಿಂದ ಮನೆಗೆ ಕಳುಹಿಸಿದೆ. ಅವರಲ್ಲಿ ಗಂಟಲು ದ್ರವ ನೀಡಿ ಕೊರೊನಾ ಫಲಿತಾಂಶಕ್ಕಾಗಿ ಕಾಯುತ್ತಿರುವವರೂ ಇದ್ದರು.
