‘15 ವರ್ಷ ವಯಸ್ಸಿನ ಬಾಲಕಿಗೆ ಆಕೆಯ ಸಂಬಂಧಿಕನೇ ಆದ ಯುವಕನೊಂದಿಗೆ ಮಹಾರಾಷ್ಟ್ರದ ನಗರವೊಂದರಲ್ಲಿ ಮದುವೆ ಮಾಡಲಾಗಿದೆ. ಮದುವೆ ಮೂರು ತಿಂಗಳ ಹಿಂದೆಯೇ ನಡೆದಿದ್ದು, ಈಗ ಬಾಲಕಿ ಗರ್ಭಿಣಿ ಆಗಿದ್ದಾಳೆ. ಈ ವಿಷಯವನ್ನು ವ್ಯಕ್ತಿಯೊಬ್ಬರು ಪೊಲೀಸರಿಗೆ ಮುಟ್ಟಿಸಿದ ಬಳಿಕ ಸಂಬಂಧಿಕರನ್ನು ಕರೆದು ವಿಚಾರಣೆ ನಡೆಸಲಾಗಿದೆ. ಬಾಲಕಿಗೆ ಮದುವೆ ಮಾಡಿದ್ದು, ಆಕೆ ಗರ್ಭ ಧರಿಸಿದ್ದು ದೃಢಪಟ್ಟಿದ್ದರಿಂದ ಪತಿಯನ್ನು ವಶಕ್ಕೆ ತೆಗೆದುಕೊಂಡು ವಿಚಾರಣೆ ನಡೆಸಲಾಗುತ್ತಿದೆ ಎಂದು ಮಹಿಳಾ ಠಾಣೆ ಅಧಿಕಾರಿಗಳು ತಿಳಿಸಿದ್ದಾರೆ.