ಮತದಾರರ ಅಂತಿಮ ಪಟ್ಟಿ ಪ್ರಕಟ

ಕರಡು ಮತದಾರರ ಪಟ್ಟಿ ಪ್ರಕಟಿಸಿ ಆಕ್ಷೇಪಣೆ ಸಲ್ಲಿಕೆಗೆ ಕಾಲಾವಕಾಶ ನೀಡಲಾಗಿತ್ತು. ಸಾರ್ವಜನಿಕರಿಂದ ಸಲ್ಲಿಕೆಯಾದ ಆಕ್ಷೇಪಣೆಗಳನ್ನು ಪರಿಶೀಲಿಸಿ ಇದೀಗ ಜಿಲ್ಲಾಧಿಕಾರಿ ಕಚೇರಿ, ಉಪ ವಿಭಾಗಾಧಿಕಾರಿ ಕಚೇರಿ, ತಹಶೀಲ್ದಾರ್‌ಗಳ ಕಚೇರಿ ಹಾಗೂ ತಾಲ್ಲೂಕು ಪಂಚಾಯಿತಿ ಕಚೇರಿಗಳಲ್ಲಿ ಮತದಾರರ ಅಂತಿಮ ಪಟ್ಟಿ ಪ್ರಕಟಿಸಲಾಗಿದೆ. ಜಿಲ್ಲೆಯಲ್ಲಿ ಒಟ್ಟಾರೆ 8,67,406 ಮತದಾರರಿದ್ದಾರೆ ಎಂದು ಹೇಳಿದ್ದಾರೆ.

ಕೋಲಾರ ತಾಲ್ಲೂಕಿನಲ್ಲಿ 98,524 ಮಂದಿ ಪುರುಷರು, 97,492 ಮಹಿಳೆಯರು ಹಾಗೂ ಇತರೆ 19 ಮಂದಿ ಸೇರಿದಂತೆ ಒಟ್ದಾರೆ 1,96,035 ಮತದಾರರಿದ್ದಾರೆ. ಮಾಲೂರು ತಾಲ್ಲೂಕಿನಲ್ಲಿ 77,275 ಪುರುಷರು, 75,820 ಮಹಿಳೆಯರು ಹಾಗೂ ಇತರೆ 5 ಮಂದಿ ಸೇರಿದಂತೆ 1,53,100 ಮತದಾರರು ಇದ್ದಾರೆ. ಬಂಗಾರಪೇಟೆ ತಾಲ್ಲೂಕಿನಲ್ಲಿ 63,761 ಮಂದಿ ಪುರುಷರು, 61,697 ಮಹಿಳೆಯರು ಹಾಗೂ ಇತರೆ 17 ಮಂದಿ 1,25,475 ಮತದಾರರಿದ್ದಾರೆ ಎಂದು ಮಾಹಿತಿ ನೀಡಿದ್ದಾರೆ.

ಕೆಜಿಎಫ್ ತಾಲ್ಲೂಕಿನಲ್ಲಿ 45,048 ಪುರುಷರು, 44,268 ಮಹಿಳೆಯರು ಹಾಗೂ ಇತರೆ 3 ಮಂದಿ ಸೇರಿದಂತೆ 89,319 ಮತದಾರರು, ಮುಳಬಾಗಿಲು ತಾಲ್ಲೂಕಿನಲ್ಲಿ 81,960 ಪುರುಷರು, 80,771 ಮಹಿಳೆಯರು ಹಾಗೂ ಇತರೆ 2 ಮಂದಿ ಸೇರಿದಂತೆ 1,62,733 ಮತದಾರರು, ಶ್ರೀನಿವಾಸಪುರ ತಾಲ್ಲೂಕಿನಲ್ಲಿ 70,573 ಪುರುಷರು, 70,166 ಮಹಿಳೆಯರು ಹಾಗೂ ಇತರೆ 5 ಮಂದಿ ಸೇರಿದಂತೆ ಒಟ್ಟಾರೆ 1,40,744 ಮತದಾರರು ಇದ್ದಾರೆ ಎಂದು ಸ್ಪಷ್ಟಪಡಿಸಿದ್ದಾರೆ.