ಕೊಪ್ಪಳ: ಜಾನಪದ, ತತ್ವಪದ ಸಂಗೀತ ಸಂಭ್ರಮ

ಕಾರ್ಯಕ್ರಮದ ಉದ್ಘಾಟಿಸಿ ಮಾತನಾಡಿದ ರಮೇಶ ಹೊಸಕೋಟಿ ಅವರು, ಮೂಲ ಜನಪದ, ತತ್ವಪದ ಹಾಗೂ ಕನ್ನಡ ಸಾಹಿತ್ಯಕ ವಿಚಾರಗಳ ಕುರಿತು ಹಾಗೂ ಅವುಗಳ ಪ್ರಚಲಿತ ಸ್ಥಾನಮಾನ, ಅವುಗಳ ಉಳಿವಿಗೆ ಮಾಡಬೇಕಾದ ಕಾರ್ಯಗಳ ಕುರಿತು ಅಭಿಪ್ರಾಯ ವ್ಯಕ್ತಪಡಿಸಿದರು.

ಇದಷ್ಟೇ ಅಲ್ಲದೇ ಗ್ರಾಮಿಣ ಭಾಗದಲ್ಲಿ ಇಂತಹ ವಿಶೇಷ ಕಾರ್ಯಕ್ರಮಗಳನ್ನು ಆಯೋಜಿಸುತ್ತಿರುವ ರಾಮಲಿಂಗಪ್ಪ ಕುಕನೂರು ಇವರ ಪಾತ್ರ ಬಹು ಮುಖ್ಯ, ಇಂತಹ ಕಲಾವಿದರನ್ನು ಗುರುತಿಸಿ ಅವರ ಕಾರ್ಯ ವೈಖರಿಯನ್ನು ಗುರುತಿಸುವುದು ಅತಿ ಅವಶ್ಯಕವಾಗಿದೆ ಎಂದರು.

ನಂತರ ರಾಮಲಿಂಗಪ್ಪ ಕುಕನೂರು ಮಾತನಾಡಿ, ತತ್ವಪದಗಳು, ವಚನಗಳು ಇವುಗಳು ಅನುಭವದ ನುಡಿಗಳು ಇವುಗಳಿಂದ ಸಮಾಜದಲ್ಲಿ ಅನೇಕ ಬದಲಾವಣೆ ಆಗಿರುವುದನ್ನು ಕಾಣಬಹುದು. ಹಿರಿಯರ ಹಾದಿಯಲ್ಲಿ ಸಾಗುವುದು ನಮ್ಮ ಧರ್ಮ, ಆಧುನಿಕ ಗೀತೆಗಳ ರಚನೆಯಲ್ಲಿ ಸಿಲುಕಿ ಇವುಗಳು ಕಾಣದಂತೆ ಮಾಯವಾಗುತ್ತಿವೆ ಎಂದು ಆತಂಕ ವ್ಯಕ್ತಪಡಿಸಿದರು.

ತತ್ವಪದಗಳ ಗಾಯನ, ವಚನಪದಗಳ ಗಾಯನ ಹಾಗೂ ಮೂಲ ಜಾನಪದ ಗೀತೆಗಳ ಗಾಯನ ಕಾರ್ಯಕ್ರಮ ನಡೆಯಿತು.

ನಾರಾಯಣಪ್ಪ ಬಕ್ಸದ್ˌ ಲಕ್ಷ್ಮಣ ಹೊಸಕೋಟಿˌ ಈರಪ್ಪ ಬಡಿಗೇರ್ˌ ಮಾದಿನಾಳಪ್ಪ, ಹುಲಗಪ್ಪ ಶಾಹಪುರ ಹಾಗೂ ಕಲಾಭಿಮಾನಿಗಳು ಸೇರಿದಂತೆ ಇತರರು ಇದ್ದರು.