ಗಣೇಶ ಹಬ್ಬ: ಗ್ರಾಹಕರ ಖರೀದಿ ಸಂಭ್ರಮ

ಗಂಗಾವತಿ: ತಾಲ್ಲೂಕಿನ ಸಾರ್ವಜನಿಕರು ಕೊರೊನಾ ಸಂಕಷ್ಟ ತೊಲಗಿಸು ವಿಘ್ನೇಶ್ವರ ಎಂದು ಬೇಡಿಕೊಳ್ಳುತ್ತಾ, ಗುರುವಾರ ನಗರದ ಗಾಂಧಿ ಸರ್ಕಲ್ ಮಾರುಕಟ್ಟೆಯಲ್ಲಿ ಗಣೇಶ ಹಬ್ಬದ ಪೂಜಾ ಸಾಮಗ್ರಿಗಳ ಖರೀದಿಯನ್ನು ಜೋರಾಗಿ ಮಾಡಿದರು.

. ಕೊರೊನಾ 3ನೇ ಸಂಭಾವ್ಯ ಅಲೆ ಆತಂಕದ ಹಿನ್ನಲೆಯಲ್ಲೆ, ರಾಜ್ಯ ಸರ್ಕಾರ ಷರತ್ತುಗಳನ್ವಯ ಗಣೇಶ ಹಬ್ಬ ಆಚರಣೆಗೆ ಅನುಮತಿ ನೀಡಿದ್ದು, ತಾಲ್ಲೂಕಿನಲ್ಲಿ ಚತುರ್ಥಿಗೆ ಒಂದು ದಿನ ಬಾಕಿ ಇರುವಾಗಲೇ ಹೂವು, ಹಣ್ಣು ಹಾಗೂ ಪೂಜಾ ಸಾಮಗ್ರಿಗಳ ಬೆಲೆ ತುಸು ಏರಿಕೆಯಾಗಿದೆ.

. ಶ್ರಾವಣ ನಂತರದ ಮೊದಲ ಹಬ್ಬ ಗಣೇಶ ಚತುರ್ಥಿ ಆಗಿದ್ದು, ಕಳೆದ ಬಾರಿಗೆ ಹೋಲಿಸಿದರೆ, ಈ ಬಾರಿ ಗಣೇಶ ಹಬ್ಬ ಸ್ವಲ್ಪ ಮೆರಗು ಪಡೆದಿದೆ. ಕೋವಿಡ್ ಮಾರ್ಗಸೂಚಿಗಳ ಅನ್ವಯ ಹಬ್ಬದ ಆಚರಣೆಗೆ ಅವಕಾಶ ಒದಗಿ ಬಂದಿದ್ದು, ನಗರದಲ್ಲಿ ಪುಟ್ಟ ಪರಿಸರ ಸ್ನೇಹಿ ಗಣೇಶ ಮೂರ್ತಿಗಳ ಮಾರಾಟ ಭರಾಟೆ ಹೆಚ್ಚಾಗಿದೆ.

. ತಾಲ್ಲೂಕಿನ ಆನೆಗುಂದಿ, ಮಲ್ಲಾಪುರ, ಸಂಗಾಪುರ, ಹಿರೇ ಜಂತಕಲ್, ಬಸಾಪಟ್ಟಣ, ದಾಸನಾಳ, ಮರಳಿ ಹಾಗೂ ನಗರದ ಗುಂಡಮ್ಮ ಕ್ಯಾಂಪ್, ಜಯನಗರ, ಮುರಾರಿ ಕ್ಯಾಂಪ್, ಲಕ್ಷ್ಮಿ ಕ್ಯಾಂಪ್ ಸೇರಿದಂತೆ ಇತರೆ ಗಣೇಶ ಮೂರ್ತಿ ಪ್ರತಿಷ್ಠಾಪನೆ ಮಂಡಳಿ ಮತ್ತು ಸಾವರ್ಜನಿಕರುಗಣೇಶ ಮೂರ್ತಿ ಖರೀದಿಗಾಗಿ ಮುಗಿಬಿದ್ದರು.

. ಹಬ್ಬದ ಅಂಗವಾಗಿ ನಗರದ ಗಾಂಧಿವೃತ್ತ, ಮಹಾವೀರ ಸರ್ಕಲ್, ಗುಂಡಮ್ಮ ಕ್ಯಾಂಪ್ ಗಳಲ್ಲಿ ಗಣೇಶ ಹಬ್ಬಕ್ಕೆ ಬೇಕಾಗುವ ಹಣ್ಣು, ಹೂವು, ಡೆಕೊರೇಷನ್ ಸಾಮಗ್ರಿಗಳನ್ನು ತಳ್ಳು ಗಾಡಿಯ ಮೇಲೆ ಇಟ್ಟು ಮಾರಾಟ ಮಾಡುವ ದೃಶ್ಯಗಳು ಕಂಡು ಬಂದವು.

. ಮಾರುಕಟ್ಟೆಯಲ್ಲಿ ಒಂದು ಕೆ.ಜಿ ಸೇಬು ₹ 150, ಆರಂಜ್ಗೆ ₹ 50, ಸಿತಾಫಲ ₹ 70, ಡಜನ್ ಬಾಳೆ ಹಣ್ಣಿಗೆ ₹ 60 ಹಾಗೂ ಸಣ್ಣ ಗಾತ್ರ ಬಿಲ್ಪತ್ರಿ, ಸಪೋಟಾ, ಮೊಸಂಬಿ, ಸಿತಾಫಲ, ಬೆಳವಳ ಕಾಯಿ ಒಂದಕ್ಕೆ ₹ 20, ಮಾವಿನ ಎಲೆಕಟ್ಟೆಗೆ ₹ 20, ಜೋಡಿ ಬಾಳೆದಿಂಡು ₹ 150 ರಿಂದ ₹ 200 ರಷ್ಟು ದರ ತುಟ್ಟಿಯಾಗಿದ್ದರು, ವಸ್ತುಗಳ ಖರೀದಿ ಜೋರಾಗಿ ನಡೆಯಿತು.

. ಪೂಜಾ ಕಾರ್ಯಕ್ರಮಕ್ಕೆ ಹೂವುಗಳು ಮುಖ್ಯವಾಗಿದ್ದು, ಮಾರುಕಟ್ಟೆಯಲ್ಲಿ ಗುಲಾಬಿ ಹೂವಿನ ಮಾಲೆ ₹ 500, ಸೆವಂತಿ, ಚೆಂಡು ಹೂವು ಮೊಳಕ್ಕೆ ₹ 40, ಜರ್ಬಾರ ಒಂದಕ್ಕೆ ₹ 20, ಒಂದು ಕೆ.ಜಿ ಮಲ್ಲಿಗೆ ₹ 800 ರಂತೆ ಮಾರಾಟ ಮಾಡಲಾಯಿತು.

. ಕೋವಿಡ್ನಿಂದ ಸಾಕಷ್ಟು ಜನರು ಆರ್ಥಿಕ ಸಂಕಷ್ಟ ಎದುರುಸುತ್ತಿದ್ದು, ಹಬ್ಬ ಆಚರಣೆಗೆ ಜನರಲ್ಲಿ ಉತ್ಸಾಹ ಕಾಣುತ್ತಿಲ್ಲ. ಎಲ್ಲಾ ವಸ್ತುಗಳು ದುಬಾರಿಯಾಗಿದ್ದು, ಸಾಕಷ್ಟು ಮಂದಿ ಖರೀದಿಯಿಂದ ದೂರ ಉಳಿದಿದ್ದಾರೆ. ಈ ಬಾರಿ ಶೇ 30ರಷ್ಟು ಜನರು ಕೂಡ ಹೂವು ಖರೀದಿ ಆಸಕ್ತಿ ತೋರುತ್ತಿಲ್ಲ ಎಂದು ಹೂವಿನ ವ್ಯಾಪಾರಸ್ಥ ಶಂಕ್ರಪ್ಪ ಹೂಗಾರ ಬೇಸರ ವ್ಯಕ್ತಪಡಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಗಣೇಶ ಹಬ್ಬ: ಗ್ರಾಹಕರ ಖರೀದಿ ಸಂಭ್ರಮ

ಚಿನಕುರುಳಿ: 02 ಜುಲೈ 2025, ಬುಧವಾರ

ಮಂಡ್ಯ: ಡೆತ್‌ನೋಟ್‌ ಬರೆದಿಟ್ಟು ತಾಯಿ-ಮಗಳು ನೇಣಿಗೆ ಶರಣು

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ವಿಂಡೀಸ್ ಕ್ರಿಕೆಟಿಗನ ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ: ಕೋಚ್ ಸಾಮಿ ಹೇಳಿದ್ದೇನು?

ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮುಖ್ಯ ಕೋಚ್ ಆಗಿ ಮೋಹನ್‌ರಾಜ್ ಮರುನೇಮಕ

ಕೆನಡಾ ಓಪನ್‌: ಎರಡನೇ ಸುತ್ತಿಗೆ ಶ್ರೀಕಾಂತ್‌

ದೂರವಾದ ಪತ್ನಿ, ಮಗಳಿಗೆ ₹4 ಲಕ್ಷ ಪರಿಹಾರ ನೀಡಲು ಶಮಿಗೆ ಕೋಲ್ಕತ್ತ ಹೈಕೋರ್ಟ್ ಆದೇಶ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 02 ಜುಲೈ 2025, ಬುಧವಾರ

ಮಂಡ್ಯ: ಡೆತ್‌ನೋಟ್‌ ಬರೆದಿಟ್ಟು ತಾಯಿ-ಮಗಳು ನೇಣಿಗೆ ಶರಣು

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...