ಗಂಗಾವತಿ: ಅವೈಜ್ಞಾನಿಕ ರಸ್ತೆ ಉಬ್ಬು, ಸುಗಮ ಸಂಚಾರಕ್ಕೆ ಅಡ್ಡಿ -ಸವಾರರಿಗೆ ಕಂಟಕ

ಗಂಗಾವತಿ: ಗಂಗಾವತಿ ನಗರದಿಂದ ಹುಲಿಗಿ ಗ್ರಾಮಕ್ಕೆ ತೆರಳುವ ಮಾರ್ಗದಲ್ಲಿ ನಿರ್ಮಿಸಿದ ಅವೈಜ್ಞಾನಿಕ ರಸ್ತೆ ಉಬ್ಬುಗಳು ವಾಹನ ಸಂಚಾರಕ್ಕೆ ಕಂಟಕವಾಗಿ ಪರಿಣಮಿಸಿವೆ.

. ಗಂಗಾವತಿ-ಹುಲಗಿ ಮಾರ್ಗದಲ್ಲಿ ಬರುವ ಪ್ರತಿ ಗ್ರಾಮದಲ್ಲಿ ಅವೈಜ್ಞಾನಿಕವಾಗಿ 5 ರಿಂದ 6 ರಸ್ತೆ ಉಬ್ಬುಗಳನ್ನು ಹಾಕಿದ್ದು, ಇದರಿಂದ ವಾಹನ ಸವಾರರಿಗೆ ಸಮಸ್ಯೆಯಾಗುತ್ತಿದೆ. ಅಲ್ಲದೆ, ಈ ಮಾರ್ಗದ ಪ್ರಯಾಣ ತುಂಬಾ ಪ್ರಯಾಸಕರವಾಗಿದೆ.

. ಈ ಮಾರ್ಗದಲ್ಲಿ ಈಗಾಗಲೇ ಸಾಕಷ್ಟು ಅಪಘಾತಗಳು ಸಂಭವಿಸಿವೆ. ಅಪಘಾತ ನಿಯಂತ್ರಿಸಲು ಹಾಕಿರುವ ರಸ್ತೆ ಉಬ್ಬುಗಳಿಂದಲೇ ಹೆಚ್ಚು ಅಪಘಾತಗಳಾಗುತ್ತಿವೆ. ಕೆಲವೊಮ್ಮೆ ರಸ್ತೆ ಉಬ್ಬು ಕಾಣದೆ ಹತ್ತಿರ ಹೋಗಿ, ಬ್ರೇಕ್ ಹಾಕಿದಾಗ ಹಿಂದಿನ ವಾಹನಗಳು ಡಿಕ್ಕಿ ಹೊಡೆದ ಘಟನೆಗಳು ನಡೆದಿವೆ.

. ರಸ್ತೆ ಉಬ್ಬುಗಳನ್ನು ಎಷ್ಟು ಎತ್ತರಕ್ಕೆ ಹಾಕಬೇಕು, ಎಲ್ಲಿ ಹಾಕಬೇಕು, ಹಾಕಿದ ನಂತರ ಯಾವ ಸೂಚನೆಗಳು ಪಾಲಿಸಬೇಕು ಎನ್ನುವ ನಿಯಮಗಳನ್ನು ಗಾಳಿಗೆ ತೂರಲಾಗಿದೆ. ಅವೈಜ್ಞಾನಿಕವಾಗಿ ರಸ್ತೆ ಉಬ್ಬುಗಳನ್ನು ಹಾಕಿರುವುದರಿಂದ ವಾಹನ ಸವಾರರು ಅಧಿಕಾರಿಗಳ ವಿರುದ್ಧ ಅಸಮಾಧಾನ ವ್ಯಕ್ತಪಡಿಸುತ್ತಿದ್ದಾರೆ.

. 100 ರಸ್ತೆ ಉಬ್ಬುಗಳು: ಗಂಗಾವತಿ ನಗರದಿಂದ ಹುಲಿಗೆ ಗ್ರಾಮಕ್ಕೆ ತೆರಳುವ ಶಿವಪುರ ರಸ್ತೆ ಹಾಗೂ ಅಗಳಕೇರಾ ರಸ್ತೆ ಮಾರ್ಗದಲ್ಲಿ 100 ರಸ್ತೆ ಉಬ್ಬುಗಳನ್ನು ನಿರ್ಮಿಸಲಾಗಿದೆ. ಸಂಗಾಪುರ ಗ್ರಾಮವೊಂದರಲ್ಲಿ 10, ಸಾಣಾಪುರ ಗ್ರಾಮದಲ್ಲಿ 7 ರಸ್ತೆ ಉಬ್ಬುಗಳಿವೆ. ಇನ್ನೂ ಪ್ರತಿ ಗ್ರಾಮದಲ್ಲಿ 5-6 ಉಬ್ಬುಗಳಿವೆ.

. ಸಾರಿಗೆ ಬಸ್ಗಳ ಪ್ಲೇಟ್ ಕಟ್: ಹುಲಿಗಿ-ಗಂಗಾವತಿ ಮಾರ್ಗದಲ್ಲಿ ಸಾಕಷ್ಟು ಸಾರಿಗೆ ಬಸ್ಗಳು ಸಂಚರಿಸುತ್ತವೆ. ಕೆಲ ಬಾರಿ ರಸ್ತೆ ಉಬ್ಬುಗಳಿಗೆ ಬಸ್ನ ನಂಬರ್ ಪ್ಲೇಟ್ ತಗುಲಿ ಮುರಿದ ಘಟನೆಗಳು ನಡೆದಿವೆ.

. ಆಸ್ಪತ್ರೆ ತಲುಪಲು ಪ್ರಯಾಸ : ಹುಲಿಗಿ, ಹರ್ಲಾಪುರ, ಬಸಾಪುರ, ಸಾಣಾಪುರ, ಚಿಕ್ಕರಾಂಪುರ ಗ್ರಾಮದ ಜನರು ಹೆಚ್ಚಿನ ಚಿಕಿತ್ಸೆಗಾಗಿ ಗಂಗಾವತಿಗೆ ತೆರಳಬೇಕಾಗುತ್ತದೆ. ತುರ್ತಾಗಿ ಜೀವ ಉಳಿಸಿಕೊಳ್ಳಲು ಗಂಗಾವತಿಗೆ ಹೋಗಬೇಕಾದ ಪರಿಸ್ಥಿತಿ ಎದುರಾದರೆ, ಆ ವ್ಯಕ್ತಿ ರಸ್ತೆ ಉಬ್ಬುಗಳನ್ನು ದಾಟಿ ಸಕಾಲದಲ್ಲಿ ಆಸ್ಪತ್ರೆಗೆ ತೆರಳಲು ಈ ರಸ್ತೆ ಉಬ್ಬುಗಳು ಅಡ್ಡಿಯಾಗಿ ಪರಿಣಮಿಸಿವೆ.

. ಅವಾಂತರಕ್ಕೆ ಕಾದ ರಸ್ತೆ ಉಬ್ಬುಗಳು: ಗಂಗಾವತಿ-ಹುಲಿಗಿ ಮಾರ್ಗದಲ್ಲಿ ಸಾಕಷ್ಟು ತಿರುವುಗಳಿದ್ದು, ಈ ಮಾರ್ಗದ ಮೂಲಕವೇ ಕೊಪ್ಪಳ, ಹೊಸಪೇಟೆ, ಹಂಪಿ, ಬಳ್ಳಾರಿಗೆ ಹೋಗಬಹುದು. ಈ ಮಾರ್ಗದಲ್ಲಿ ಬಸ್, ಲಾರಿ, ಟ್ರ್ಯಾಕ್ಟರ್, ಬೈಕ್, ಕಾರು, ಲಾರಿಗಳ ಸಂಚಾರ ಹೆಚ್ಚಿದ್ದು ರಸ್ತೆ ಉಬ್ಬುಗಳ ಬಳಿ ವೇಗ ನಿಯಂತ್ರಿಸಲಾಗದೆ ಒಂದಲ್ಲ ಒಂದು ರೀತಿಯ ಅಪಘಾತಗಳು ಸಂಭವಿಸುತ್ತಲೆ ಇರುತ್ತವೆ.

. ಶಾಲೆ, ದೇವಸ್ಥಾನ, ಬ್ಯಾಂಕ್, ಗ್ರಾಮ ಪಂಚಾಯಿತಿಗಳಿಂದ ನಿರ್ದಿಷ್ಟ ಮೀಟರ್ ವ್ಯಾಪ್ತಿಯಲ್ಲಿ ರಸ್ತೆ ಉಬ್ಬುಗಳು ನಿರ್ಮಿಸಲು ಅವಕಾಶ ಇರುತ್ತದೆ. ಇಂತಹ ಯಾವುದೇ ನಿಯಮಗಳು ಈ ಮಾರ್ಗಕ್ಕೆ ಅನ್ವಯವಾಗಿಲ್ಲ ಎಂದು ಸವಾರರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

. * ಅವೈಜ್ಞಾನಿಕ ರಸ್ತೆ ಉಬ್ಬುಗಳಿಂದ ಆದ ಅಪಘಾತಗಳ ಕುರಿತು ಸಾಕಷ್ಟು ದೂರುಗಳು ಬಂದಿವೆ. ಉಬ್ಬುಗಳ ತೆರವಿಗೆ ಸರ್ಕಾರಕ್ಕೆ ಪ್ರಸ್ತಾವ ಸಲ್ಲಿಸಿದ್ದು, ಶೀಘ್ರ ತೆರವುಗೊಳಿಸಲಾಗುವುದು -ರಾಜಪ್ಪ, ಸಹಾಯಕ ಎಂಜಿನಿಯರ್, ಲೋಕೋಪಯೋಗಿ ಇಲಾಖೆ ಗಂಗಾವತಿ

. * ಹುಲಿಗಿ ಗ್ರಾಮದಿಂದ ಗಂಗಾವತಿ 34 ಕಿ.ಮೀ ಇದ್ದು, ಈ ರಸ್ತೆ ಮಾರ್ಗದಲ್ಲಿನ ಉಬ್ಬುಗಳನ್ನು ದಾಟಿ ಗಂಗಾವತಿ ಹೋಗಬೇಕಾದರೆ 2 ಗಂಟೆ ಸಮಯ ಹಿಡಯುತ್ತದೆ. -ಸೈಫರ್ ರೆಹಮಾನ್, ಬೈಕ್ ಸವಾರ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಗಂಗಾವತಿ: ಅವೈಜ್ಞಾನಿಕ ರಸ್ತೆ ಉಬ್ಬು, ಸುಗಮ ಸಂಚಾರಕ್ಕೆ ಅಡ್ಡಿ -ಸವಾರರಿಗೆ ಕಂಟಕ

ಚಿನಕುರುಳಿ ಕಾರ್ಟೂನ್: ಜುಲೈ 21 ಸೋಮವಾರ 2025

ಚುರುಮುರಿ | ಶ್ರೀಸಾಮಾನ್ಯ ಜಿರಲೆಗಳು!

ಬೇರೆಯವರು ಬೇಡ, ವಿಜಯಾನಂದನೇ ಪಂಚಮಸಾಲಿ ಪೀಠಕ್ಕೆ ಸ್ವಾಮಿ ಆಗಲಿ: ಯತ್ನಾಳ ಕಿಡಿ

ಕಾಂತಾರಕ್ಕಾಗಿ ಹೊಸ ಲೋಕವೇ ಸೃಷ್ಟಿ: ಸಿನಿಮಾವಲ್ಲ, ಇದೊಂದು ಶಕ್ತಿ ಎಂದ ರಿಷಬ್

16 ತಿಂಗಳ ಬಳಿಕ ಟೆನಿಸ್ ಅಂಗಳಕ್ಕೆ ಮರಳಿದ ವೀನಸ್ ವಿಲಿಯಮ್ಸ್

IND vs ENG | 4ನೇ ಟೆಸ್ಟ್‌ಗೆ ಇಂಗ್ಲೆಂಡ್ ಆಡುವ ಬಳಗ ಪ್ರಕಟ; ಒಂದು ಬದಲಾವಣೆ

ಮಹಿಳಾ ಏಕದಿನ ಕ್ರಿಕೆಟ್‌ | ಭಾರತ–ಇಂಗ್ಲೆಂಡ್‌ ಪಂದ್ಯ ಇಂದು; ಸರಣಿ ಯಾರ ಮಡಿಲಿಗೆ?

ಹವ್ಯಕ ಬ್ಯಾಡ್ಮಿಂಟನ್ ಟೂರ್ನಿ | ಅಖಿಲ್‌, ವರ್ಷಾಗೆ ಸಿಂಗಲ್ಸ್ ಪ್ರಶಸ್ತಿ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಚಿನಕುರುಳಿ ಕಾರ್ಟೂನ್: ಜುಲೈ 21 ಸೋಮವಾರ 2025

ಚುರುಮುರಿ | ಶ್ರೀಸಾಮಾನ್ಯ ಜಿರಲೆಗಳು!

ಬೇರೆಯವರು ಬೇಡ, ವಿಜಯಾನಂದನೇ ಪಂಚಮಸಾಲಿ ಪೀಠಕ್ಕೆ ಸ್ವಾಮಿ ಆಗಲಿ: ಯತ್ನಾಳ ಕಿಡಿ

ಕಾಂತಾರಕ್ಕಾಗಿ ಹೊಸ ಲೋಕವೇ ಸೃಷ್ಟಿ: ಸಿನಿಮಾವಲ್ಲ, ಇದೊಂದು ಶಕ್ತಿ ಎಂದ ರಿಷಬ್