ಮಂಡ್ಯ: ವನ್ಯಜೀವಿ ದಾಳಿಗೆ 1,336 ಜಾನುವಾರು ಸಾವು

2023ರ ನವೆಂಬರ್‌ನಲ್ಲಿ ಮಂಡ್ಯ ತಾಲ್ಲೂಕಿನ ಲಾಳನಕೆರೆ ಗ್ರಾಮದ ಸಮೀಪ ಜಮೀನಿನಲ್ಲಿ ಕೂಲಿ ಕೆಲಸ ಮಾಡುವ ಸಮಯದಲ್ಲಿ ಹಠಾತ್ತನೆ ಆನೆಯೊಂದು ನಡೆಸಿದ ದಾಳಿಯಲ್ಲಿ ಕೂಲಿ ಕಾರ್ಮಿಕ ಮಹಿಳೆ ಸಾಕಮ್ಮ (50) ಮೃತಪಟ್ಟಿದ್ದರು. ಆನೆಗಳ ದಾಳಿ ಹೆಚ್ಚಾಗಿ ಮಳವಳ್ಳಿ ಮದ್ದೂರು ಮತ್ತು ಮಂಡ್ಯ ವಲಯಗಳಲ್ಲಿ ಇದುವರೆಗೆ ಕಂಡುಬಂದಿದೆ.  ಕಳೆದ ವರ್ಷ ಎರಡು ಆನೆಗಳು ಮದ್ದೂರು ಮಂಡ್ಯ ತಾಲ್ಲೂಕಿನಲ್ಲೇ ಅಡ್ಡಾಡಿ ಭಾರತೀನಗರ ಸಮೀಪದ ಗುಡಿಗೆರೆ ಗ್ರಾಮದ ಕಬ್ಬಿನ ಗದ್ದೆಯೊಂದರಲ್ಲಿ ಬೀಡು ಬಿಟ್ಟಿದ್ದವು. ಭತ್ತ ಮತ್ತು ಕಬ್ಬಿನ ಬೆಳೆಗಳನ್ನು ನಾಶ ಮಾಡಿ ರೈತರಿಗೆ ನಷ್ಟ ಉಂಟು ಮಾಡಿದ್ದವು.  ಕಾಡು ಹಂದಿ ದಾಳಿಗೆ ಇಬ್ಬರಿಗೆ ಗಾಯ ಇದೇ ಏಪ್ರಿಲ್‌ 6ರಂದು ಮಳವಳ್ಳಿ ತಾಲ್ಲೂಕಿನ ಬೆಳಕವಾಡಿ ಸಮೀಪದ ಕಿರಗಸೂರು ಗ್ರಾಮಕ್ಕೆ ಏಕಾಏಕಿಯಾಗಿ ನುಗ್ಗಿದ ಕಾಡುಹಂದಿ ಇಬ್ಬರು ವ್ಯಕ್ತಿಗಳು ಸೇರಿದಂತೆ ಹಸುವಿನ ಮೇಲೆ ದಾಳಿ ಮಾಡಿ ಕೋರೆಯಿಂದ ತಿವಿದು ಗಾಯಗೊಳಿಸಿತ್ತು.