ಬೀದಿನಾಯಿಗಳನ್ನೂ ಬಿಡದ ಕೊರೊನಾ ಕಾಟ

ಮೈಸೂರು: ಕೊರೊನಾ ವೈರಸ್ ಪ್ರಭಾವ ಕೇವಲ ಮನುಷ್ಯರ ಮೇಲಾಗುತ್ತಿಲ್ಲ. ಬೀದಿನಾಯಿಗಳ ಕೂಳಿಗೂ ಕೊರೊನಾ ಕನ್ನ ಹಾಕಿದ್ದು, ಅವೂ ಬಡಕಲಾಗುತ್ತಿವೆ.

. ಕೊರೊನಾ ವೈರಸ್ ಹರಡುವಿಕೆ ತಡೆಯಲು ದೇಶಾದ್ಯಂತ ‘ಲಾಕ್ಡೌನ್’ ಮಾಡಿದ್ದರಿಂದ ದಿನಸಿ, ಔಷಧ ಮತ್ತು ಹಾಲು ಹೊರತುಪಡಿಸಿ ಉಳಿದೆಲ್ಲ ಅಂಗಡಿಗಳು ಹಾಗೂ ಹೋಟೆಲ್ಗಳು ಬಂದ್ ಆದವು. ಇವುಗಳನ್ನೇ ಅವಲಂಬಿಸಿದ್ದ ಬೀದಿನಾಯಿಗಳು ಆಹಾರ ಇಲ್ಲದೇ ಪರಿತಪಿಸುತ್ತಿವೆ.

. ವಿಶೇಷವಾಗಿ ರಸ್ತೆ ಬದಿಯಲ್ಲಿರುವ ಹೋಟೆಲ್ಗಳು ಹಾಗೂ ವಿವಿಧ ತಿಂಡಿ, ತಿನಿಸುಗಳ ಗಾಡಿಗಳನ್ನೇ ನಾಯಿಗಳು ಆಹಾರಕ್ಕಾಗಿ ಅವಲಂಬಿಸಿದ್ದವು. ಇವರು ಒಂದೆಡೆ ತಂದು ಸುರಿಯುತ್ತಿದ್ದ ಆಹಾರ ತ್ಯಾಜ್ಯಗಳನ್ನು ಗುಂಪಾಗಿ ಸೇವಿಸುತ್ತಿದ್ದವು.

. ನಿತ್ಯ ರಾತ್ರಿ ಇವುಗಳಿಗೆ ಸಂಪೂರ್ಣ ಭೋಜನ ಸಿಗುತ್ತಿತ್ತು. ಕೆಲವು ಬೇಕರಿ, ಹೋಟೆಲ್ನವರು ಬೀದಿ ನಾಯಿಗಳಿಗಾಗಿಯೇ ನಿರ್ದಿಷ್ಟ ಸಮಯದಲ್ಲಿ ಆಹಾರ ನೀಡುತ್ತಿದ್ದರು. ಈಗ ಇವರ ಅಂಗಡಿಗಳೆಲ್ಲವೂ ಬಂದ್ ಆಗಿರುವುದರಿಂದ ಸಹಜವಾಗಿಯೇ ನಾಯಿಗಳಿಗೆ ಆಹಾರದ ಕೊರತೆ ಎದುರಾಗಿದೆ.

. ಬಡಾವಣೆಯೊಳಗಿನ ಬೀದಿಗಳ ನಾಯಿಗಳಿಗೆ ಸಮಸ್ಯೆಯಾಗಿಲ್ಲ. ಇವರಿಗೆ ಮನೆಯವರು ತಂದು ಹಾಕುವ ಅಳಿದುಳಿದ ಆಹಾರ ಸಾಕಾಗುವಷ್ಟಾಗುತ್ತದೆ. ಆದರೆ, ರಸ್ತೆಬದಿಯಲ್ಲಿರುವ ಅಂಗಡಿಗಳು, ಹೋಟೆಲ್ನವರು ತಂದು ಸುರಿಯುವ ತ್ಯಾಜ್ಯವನ್ನೇ ನೆಚ್ಚಿಕೊಂಡಿದ್ದ ನಾಯಿಗಳಿಗೆ ಸಮಸ್ಯೆಯಾಗಿದೆ.

. ಇದರೊಂದಿಗೆ ಹೆಚ್ಚಾಗಿ ಮಾಂಸದಂಗಡಿಗಳೂ ತೆರದಿಲ್ಲ. ಹಕ್ಕಿಜ್ವರದ ಕಾರಣಕ್ಕೆ ಚಿಕನ್ ಮಾರಾಟವೂ ಇಲ್ಲ. ಇವುಗಳಿಂದಲೂ ನಾಯಿಗಳು ಆಹಾರ ಇಲ್ಲದೇ ಕಂಗಾಲಾಗಿವೆ.

. ಆಹಾರ ನೀಡಿವುದಕ್ಕೆ ವಿರೋಧ

. ಇಂತಹ ಸಂದರ್ಭದಲ್ಲಿ ಕೆಲವೊಂದು ಪ್ರಾಣಿದಯಾ ಸಂಸ್ಥೆಗಳು ಆಹಾರ ನೀಡಲು ಮುಂದೆ ಬಂದಿವೆ. ಸ್ಥಳೀಯವಾಗಿ ಪ್ರಾಣಿಗಳ ಮೇಲೆ ಅಕ್ಕರೆ ಹೊಂದಿರುವವರಿಗೆ ನಾಯಿಗಳಿಗೆ ಬೇಕಾದ ಆಹಾರವನ್ನು ಈ ಸಂಸ್ಥೆಗಳು ಪೂರೈಸುತ್ತಿವೆ. ಆದರೆ, ನಾಯಿಗಳಿಗೆ ಆಹಾರ ಹಾಕಲು ಹೋದರೆ ಅಕ್ಕಪಕ್ಕದ ನಿವಾಸಿಗಳು ಜಗಳಕ್ಕೆ ನಿಲ್ಲುತ್ತಿದ್ದಾರೆ.

. ‘ವಿಜಯನಗರದಲ್ಲಿ ಒಂದು ಕಡೆ ಹೀಗೆ ಆಯಿತು. ನಾಯಿಗಳಿಗೆ ಆಹಾರ ಹಾಕಲು ಹೋದರೆ ಸ್ಥಳೀಯ ನಿವಾಸಿಗಳು ಜಗಳಕ್ಕೆ ಬಂದರು. ಆಹಾರ ಇಲ್ಲದೇ ನಾಯಿಗಳು ಸತ್ತು ಹೋಗಲಿ ಎಂಬುದೇ ಇವರ ಉದ್ದೇಶವಿರಬಹುದೇ ಎನೋ ಗೊತ್ತಿಲ್ಲ. ಏನು ಮಾಡುವುದು ಎಂದು ತಿಳಿಯುತ್ತಿಲ್ಲ’ ಎಂದು ಪ್ರಾಣಿಪ್ರಿಯರೊಬ್ಬರು ಹೇಳುತ್ತಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬೀದಿನಾಯಿಗಳನ್ನೂ ಬಿಡದ ಕೊರೊನಾ ಕಾಟ

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಚೀನಾ ಅತಿಕ್ರಮಣ: ತೈವಾನ್ ವಾಯುಪ್ರದೇಶ ಪ್ರವೇಶಿಸಿದ 17 ಯುದ್ಧ ವಿಮಾನ

ಫಿಡೆ ಮಹಿಳಾ ವಿಶ್ವಕಪ್‌ ಚೆಸ್‌: ಪ್ರಿಕ್ವಾರ್ಟರ್‌ಗೆ ದಿವ್ಯಾ, ಹಂಪಿ, ವೈಶಾಲಿ

Lords Test: ಹೋರಾಡಿ ಸೋತ ಗಿಲ್‌ ಬಳಗ; ಫಲ ನೀಡದ ಬಾಲಗೋಂಚಿಗಳ ಹೋರಾಟ

ಜಪಾನ್‌ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಸಾತ್ವಿಕ್‌– ಚಿರಾಗ್‌ ಮೇಲೆ ನಿರೀಕ್ಷೆ

ರಾಜ್ಯ ರ‍್ಯಾಂಕಿಂಗ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಇಶಾನ್‌, ಜೋಹನ್ನಾಗೆ ಪ್ರಶಸ್ತಿ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಚೀನಾ ಅತಿಕ್ರಮಣ: ತೈವಾನ್ ವಾಯುಪ್ರದೇಶ ಪ್ರವೇಶಿಸಿದ 17 ಯುದ್ಧ ವಿಮಾನ