ಮೈಸೂರು: ಇಲ್ಲಿನ ಲಕ್ಷ್ಮೀಪುರಂ ಪೊಲೀಸ್ ಠಾಣೆಯ ಎದುರಿನ ಮನೆಯೊಂದರ ಮೇಲೆ ಬುಧವಾರ ನಸುಕಿನಲ್ಲಿ ಬೃಹತ್ ಗಾತ್ರದ ಮರವೊಂದು ಉರುಳಿದೆ. ಮನೆಯ ಕೆಲವು ಭಾಗಗಳು ಇದರಿಂದ ಹಾನಿಗೀಡಾಗಿವೆ. ಜೆ.ಪಿ.ನಗರದಲ್ಲೂ ಮರವೊಂದು ರಸ್ತೆಗೆ ಉರುಳಿ ಸಂಚಾರ ಅಸ್ತವ್ಯಸ್ತಗೊಂಡಿತು.
ಕಳೆದ ಕೆಲವು ದಿನಗಳಿಂದ ನಿರಂತರವಾಗಿ ನಗರದಲ್ಲಿ ಮಳೆ ಸುರಿಯುತ್ತಿದೆ. ಜೆ.ಪಿ.ನಗರ, ವಿದ್ಯಾರಣ್ಯಾಪುರಂ, ಅಗ್ರಹಾರ, ಲಕ್ಷ್ಮೀಪುರಂ ಭಾಗಗಳಲ್ಲಿ ಮಂಗಳವಾರ ಧಾರಾಕಾರವಾಗಿ ಮಳೆ ಸುರಿದಿತ್ತು.