‘ಬಾದಾಮಿ 22 ಟನ್, ಮಲ್ಲಿಕಾ 8, ಮಲ್ಗೋವಾ 6.5, ದಶೇರಿ 3.5, ಸಕ್ಕರೆಗುತ್ತಿ 1.5, ರಸಪುರಿ 13, ತೋತಾಪುರಿ 2.5, ಸಿಂದೂರ 3, ಕೇಸರ್ 1.5, ಹಿಮಾಮ್ ಪಸಂದ್ 1, ರುಮಾನಿ 0.3 ಹಾಗೂ ಆಲ್ಫಾನ್ಸೊ 5.5 ಟನ್ ಮಾರಾಟವಾಯಿತು. ನೈಸರ್ಗಿಕವಾಗಿ ಮಾಗಿಸಿದ ಹಣ್ಣುಗಳನ್ನು ಗ್ರಾಹಕರು ಸವಿದರು. ಹಲವರು ಕುಟುಂಬ ಸಮೇತ ಮೇಳದಲ್ಲಿ ಪಾಲ್ಗೊಂಡಿದ್ದರು. 30 ಸಾವಿರಕ್ಕೂ ಹೆಚ್ಚು ಮಂದಿ ಭಾಗವಹಿಸಿದ್ದರು. ಒಟ್ಟು 88 ಟನ್ ಹಣ್ಣು ಮಾರಾಟವಾಯಿತು’ ಎಂದು ತೋಟಗಾರಿಕೆ ಇಲಾಖೆಯ ಉಪ ನಿರ್ದೇಶಕ ರುದ್ರೇಶ್ ಕೆ. ‘ಪ್ರಜಾವಾಣಿ’ಗೆ ತಿಳಿಸಿದರು.