ಹಣ್ಣು ದುಬಾರಿ; ತರಕಾರಿ ದರ ಯಥಾಸ್ಥಿತಿ

ಮೈಸೂರು: ಶ್ರಾವಣ ಮಾಸದ ಆರಂಭದಲ್ಲೇ ಹಣ್ಣುಗಳು ಗ್ರಾಹಕರಿಗೆ ದುಬಾರಿ ಆಗಿವೆ. ತರಕಾರಿ ಬೆಲೆ ಯಥಾಸ್ಥಿತಿಯಲ್ಲಿದ್ದು, ಸೊಪ್ಪು ಅಗ್ಗವಾಗಿಯೇ ಮುಂದುವರಿದಿದೆ.

. ಏಲಕ್ಕಿ ಬಾಳೆ ಬೆಳೆಗಾರರ ಜೇಬು ತುಂಬಿಸುತ್ತಿದ್ದು, ಗ್ರಾಹಕರ ಜೇಬು ಖಾಲಿಯಾಗಿಸುತ್ತಿದೆ. ಮಾರುಕಟ್ಟೆಯಲ್ಲಿ ಏಲಕ್ಕಿ ಬಾಳೆ ಕಾಯಿಗೆ ₹70–80ರವರೆಗೂ ಬೆಲೆ ಇದ್ದು, ಚಿಲ್ಲರೆ ಮಾರುಕಟ್ಟೆಯಲ್ಲಿ ಉತ್ತಮ ಗಾತ್ರದ ಹಣ್ಣು ₹100ರ ಸರಾಸರಿಯಲ್ಲಿ ಮಾರಾಟವಾಗುತ್ತಿದೆ. ಬೆಲೆಯಲ್ಲಿ ‘ಏಲಕ್ಕಿ’ಯು ಈ ಭಾಗದ ವಿಶಿಷ್ಟ ಸ್ವಾದದ ನಂಜನಗೂಡು ರಸಬಾಳೆಯನ್ನೂ ಹಿಂದಿಕ್ಕಿದೆ. ಪಚ್ಚೆಬಾಳೆಯ ಧಾರಣೆ ಸ್ಥಿರವಾಗಿದೆ.

. ಸೇಬು ಹಾಗೂ ದಾಳಿಂಬೆ ಗ್ರಾಹಕರಿಗೆ ದುಬಾರಿಯಾಗಿಯೇ ಮುಂದುವರಿದಿವೆ. ನೇರಳೆ ಕ್ರಮೇಣ ಮಾರುಕಟ್ಟೆಯಿಂದ ಖಾಲಿಯಾಗುತ್ತಿದೆ. ಕಿತ್ತಳೆ ಸಹ ದುಬಾರಿಯಾಗಿದೆ. ಆದರೆ, ಡ್ರ್ಯಾಗನ್ ಫ್ರೂಟ್, ಕಿವಿಯಂತಹ ವಿದೇಶಿ ಹಣ್ಣುಗಳು ಅಗ್ಗವಾಗಿವೆ. ಬೆಣ್ಣೆ ಹಣ್ಣು ಸಹ ಬೆಲೆ ಇಳಿಸಿಕೊಂಡಿದೆ.

. ತರಕಾರಿ ಧಾರಣೆಯಲ್ಲಿ ಸದ್ಯ ಹೆಚ್ಚು ವ್ಯತ್ಯಾಸ ಆಗಿಲ್ಲ. ದಪ್ಪಮೆಣಸಿನಕಾಯಿ ಹೊರತುಪಡಿಸಿ ಉಳಿದೆಲ್ಲವು ಕೈಗೆ ಎಟಕುವ ದರದಲ್ಲಿಯೇ ಇವೆ. ಶ್ರಾವಣ ಮಾಸದ ಆರಂಭದೊಡನೆ ಶುಭ ಸಮಾರಂಭಗಳೂ ಹೆಚ್ಚಲಿದ್ದು, ಬೀನ್ಸ್, ನುಗ್ಗೆಕಾಯಿ, ಈರುಳ್ಳಿ, ಶುಂಠಿ–ಬೆಳ್ಳುಳ್ಳಿ ಮೊದಲಾದವು ಅಗ್ಗವಾಗಿಯೇ ಮುಂದುವರಿದಿವೆ.

. ಸೊಪ್ಪಿನ ಬೆಲೆಯು ತೀರ ಅಗ್ಗವಾಗಿದ್ದು, ಮಾರುಕಟ್ಟೆಗೆ ಹೆಚ್ಚಿನ ಪ್ರಮಾಣದಲ್ಲಿ ಉತ್ಪನ್ನ ಬರುತ್ತಿದೆ. ಫಾರಂ ಕೊತ್ತಂಬರಿ ಸಣ್ಣ ಕಟ್ಟು ₹2ಕ್ಕೆ ಒಂದರಂತೆ ವ್ಯಾಪಾರ ನಡೆದಿದೆ. ಸಬ್ಬಸ್ಸಿಗೆ ₹10ಕ್ಕೆ 3, ಮೆಂತ್ಯ ₹20ಕ್ಕೆ 3, ಕೀರೆ, ಕಿಲ್ಕೀರೆ, ದಂಟು ಹಾಗೂ ಪಾಲಕ್ ಸಣ್ಣ ಕಟ್ಟು ₹10ಕ್ಕೆ 4, ಪುದೀನ ಒಂದಕ್ಕೆ ₹5 ರಂತೆ ವ್ಯಾಪಾರ ನಡೆದಿದೆ. ಗ್ರಾಹಕರು ಚಿಲ್ಲರೆ ಕಾಸಿನಲ್ಲೇ ಬುಟ್ಟಿ ತುಂಬ ಸೊಪ್ಪು ಒಯ್ಯುತ್ತಿದ್ದಾರೆ.

. ಆಷಾಢ ಮಾಸ ಹಾಗೂ ಚಾಮುಂಡಿ ಹಬ್ಬದ ಅಂಗವಾಗಿ ಕುರಿ–ಮೇಕೆ ಮಾಂಸದ ಬೆಲೆ ಕೊಂಚ ಏರಿಕೆ ಕಂಡಿದ್ದು, ₹750ರ ಸರಾಸರಿಯಲ್ಲಿ ಮಾರಾಟ ನಡೆದಿತ್ತು. ಮತ್ತೆ ಬೆಲೆ ಇಳಿದಿಲ್ಲ. ಕೋಳಿಮಾಂಸವು ಪ್ರತಿ ಕೆ.ಜಿ.ಗೆ ₹200 ಹಾಗೂ ಚರ್ಮರಹಿತ ಕೋಳಿಮಾಂಸ ₹240ರಂತೆ ವ್ಯಾಪಾರವಾಗುತ್ತಿದೆ.

. ಆಳಸಮುದ್ರ ಮೀನುಗಾರಿಕೆ ನಿಷೇಧದ ಹಿನ್ನೆಲೆಯಲ್ಲಿ ಸಮುದ್ರ ಮೀನುಗಳು ದುಬಾರಿಯಾಗಿಯೇ ಮುಂದುವರಿದಿವೆ. ಅಂಜಲ್ ಕೆ.ಜಿ.ಗೆ ₹1500, ಬಂಗುಡೆ ₹450, ಭೂತಾಯಿ ₹400, ಸೀಗಡಿ ₹500–600ರಂತೆ ಮಾರಾಟ ನಡೆದಿದ್ದು, ಹೆಚ್ಚಿನ ಪ್ರಮಾಣದಲ್ಲಿ ಮೀನು ಮಾರುಕಟ್ಟೆಗೆ ಬರುತ್ತಿಲ್ಲ ಎಂದು ವರ್ತಕರು ಹೇಳುತ್ತಾರೆ.

. ಸಿಹಿನೀರಿನಲ್ಲಿ ಬೆಳೆಯುವ ಮೀನುಗಳ ಧಾರಣೆಯಲ್ಲಿ ಹೆಚ್ಚು ವ್ಯತ್ಯಾಸ ಆಗಿಲ್ಲ. ಕಾಟ್ಲಾ, ರೂಪ್ಚಂದ್, ಗೌರಿ ಪ್ರತಿ ಕೆ.ಜಿ.ಗೆ ₹200 ಹಾಗು ಜಿಲೇಬಿ ₹180ರ ಸರಾಸರಿಯಲ್ಲಿ ವ್ಯಾಪಾರವಾಗುತ್ತಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹಣ್ಣು ದುಬಾರಿ; ತರಕಾರಿ ದರ ಯಥಾಸ್ಥಿತಿ

ಚಿನಕುರುಳಿ ಕಾರ್ಟೂನ್: ಜುಲೈ 27 ಭಾನುವಾರ 2025

ವಾಷಿಂಗ್ಟನ್‌, ಜಡೇಜ ವೀರೋಚಿತ ಆಟ: ಸೋಲಿನಿಂದ ಪಾರಾಗಿ ಡ್ರಾ ಸಾಧಿಸಿದ ಭಾರತ ತಂಡ

TCS Job Cuts | AI ಅಳವಡಿಕೆ: 12 ಸಾವಿರ ಉದ್ಯೋಗ ಕಡಿತ ಘೋಷಣೆ ಮಾಡಿದ ಟಿಸಿಎಸ್

ವಾರ ಭವಿಷ್ಯ: ಈ ರಾಶಿಯ ರಾಜಕಾರಣಿಗಳಿಗೆ ನಿರೀಕ್ಷಿತ ಯಶಸ್ಸು ಇರುವುದಿಲ್ಲ

Ind VS Eng|ಐದನೇ ಟೆಸ್ಟ್‌ ಪಂದ್ಯಕ್ಕೆ ಇಂಗ್ಲೆಂಡ್‌ ತಂಡ ಸೇರಿಕೊಂಡ ಜೇಮಿ ಓವರ್ಟನ್

ಜಡೇಜ, ಸುಂದರ್‌ಗೆ ವೈಯಕ್ತಿಕ ಮೈಲಿಗಲ್ಲು ನಿರಾಕರಿಸಲು ಡ್ರಾಗೆ ಮುಂದಾದ ಸ್ಟೋಕ್ಸ್

ಇಂಗ್ಲೆಂಡ್ ಎದುರು ಅಮೋಘ ಬ್ಯಾಟಿಂಗ್: ಬ್ರಾಡ್ಮನ್, ಕೊಹ್ಲಿ ದಾಖಲೆ ಮುರಿದ ಗಿಲ್

ಆಂಗ್ಲರಿಗೆ ಭಾರತದ ರಿಯಲ್ 'ಟೆಸ್ಟ್': 4ನೇ ಪಂದ್ಯದಲ್ಲಿ ನಿರ್ಮಾಣವಾದ ದಾಖಲೆಗಳಿವು..

ಒಳನೋಟ | ‘ಉತ್ತರ’ದ ಪ್ರತಿಭಾ ವಲಸೆ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಚಿನಕುರುಳಿ ಕಾರ್ಟೂನ್: ಜುಲೈ 27 ಭಾನುವಾರ 2025

ವಾಷಿಂಗ್ಟನ್‌, ಜಡೇಜ ವೀರೋಚಿತ ಆಟ: ಸೋಲಿನಿಂದ ಪಾರಾಗಿ ಡ್ರಾ ಸಾಧಿಸಿದ ಭಾರತ ತಂಡ

TCS Job Cuts | AI ಅಳವಡಿಕೆ: 12 ಸಾವಿರ ಉದ್ಯೋಗ ಕಡಿತ ಘೋಷಣೆ ಮಾಡಿದ ಟಿಸಿಎಸ್

ವಾರ ಭವಿಷ್ಯ: ಈ ರಾಶಿಯ ರಾಜಕಾರಣಿಗಳಿಗೆ ನಿರೀಕ್ಷಿತ ಯಶಸ್ಸು ಇರುವುದಿಲ್ಲ