ಏನೂ ಮಾಡಲಾಗದಿದ್ದರೆ ವರದಿ ಸುಟ್ಟು ಹಾಕಿ: ಎ.ಜೆ.ಸದಾಶಿವ ಆಕ್ರೋಶ

ಮೈಸೂರು: ‘ಒಳ ಮೀಸಲಾತಿ ಜಾರಿಗೆ ಸಂಬಂಧಿಸಿದಂತೆ ನೀಡಿರುವ ವರದಿಯನ್ನು ಪುರಸ್ಕರಿಸಿ, ಇಲ್ಲವೇ ತಿರಸ್ಕರಿಸಿ. ಈ ಎರಡನ್ನೂ ಮಾಡಲಾಗದಿದ್ದರೆ ವರದಿಯ ಪ್ರತಿಯನ್ನೇ ಸುಟ್ಟು ಹಾಕಿ’ ಎಂದು ನಿವೃತ್ತ ನ್ಯಾಯಮೂರ್ತಿ ಎ.ಜೆ.ಸದಾಶಿವ ರಾಜ್ಯ ಸರ್ಕಾರದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು.

. ಮೈಸೂರು ವಿಶ್ವವಿದ್ಯಾನಿಲಯದ ಡಾ.ಬಿ.ಆರ್.ಅಂಬೇಡ್ಕರ್ ಸಂಶೋಧನಾ ಹಾಗೂ ವಿಸ್ತರಣಾ ಕೇಂದ್ರದ ವತಿಯಿಂದ ಆಯೋಜಿಸಿದ್ದ ‘ನೂರು ವರ್ಷಗಳ ಮೀಸಲಾತಿಯ ನಡಿಗೆ... ಒಂದು ಪರಿವೀಕ್ಷಣೆ’ ಕಾರ್ಯಕ್ರಮದ ಅಂಗವಾಗಿ ಶನಿವಾರ ನಡೆದ ‘ಮೀಸಲಾತಿ ವರ್ಗೀಕರಣ: ನ್ಯಾಯಮೂರ್ತಿ ಎ.ಜೆ.ಸದಾಶಿವ ಆಯೋಗದ ವರದಿ’ ಕುರಿತ ವಿಚಾರಗೋಷ್ಠಿಯಲ್ಲಿ ಅವರು ಮಾತನಾಡಿದರು.

. ‘ವರದಿಯಲ್ಲಿ ಹೇಳಿರುವುದೇ ನನಗೆ ಮರೆತು ಹೋಗಿದೆ. ಅಧಿಕಾರಕ್ಕೆ ಬಂದ ಎಲ್ಲ ಪಕ್ಷದ ಸರ್ಕಾರಗಳೂ ವರದಿ ನಿರ್ಲಕ್ಷಿಸಿವೆ. ದಲಿತ ಸಮುದಾಯ ಜಾಗೃತಗೊಂಡು, ಹೋರಾಟ ನಡೆಸದಿದ್ದರೆ ವರದಿ ಅನುಷ್ಠಾನಗೊಳ್ಳುವುದಿರಲಿ, ಬಹಿರಂಗಗೊಳ್ಳುವುದೇ ಇಲ್ಲ’ ಎಂದು ಹೇಳಿದರು.

. ‘ಆರು ವರ್ಷದ ಹಿಂದೆಯೇ ವರದಿ ನೀಡಿದ್ದೇನೆ. ಅದರಲ್ಲೇನಿದೆ ಎಂಬುದನ್ನು ತೆಗೆದುನೋಡುವ ಗೋಜಿಗೂ ಹೋಗಿಲ್ಲ. ವರದಿಗೆ ದೂಳು ಹಿಡಿದಿರಬಹುದು. ಮಾಡಿದ ₹ 15 ಕೋಟಿ ಖರ್ಚು ಹಾಗೂ ಮಾನವ ಶ್ರಮಕ್ಕೆ ಫಲವಿಲ್ಲದಾಗಿದೆ. ಒಂದೆಡೆ ಧರ್ಮ ಸಂಕಟ, ಮತ್ತೊಂದೆಡೆ ಕಾನೂನಿನ ಸಂಕಟ. ಇಕ್ಕಟ್ಟಿನ ಪರಿಸ್ಥಿತಿಯಲ್ಲಿ ನಾನಿದ್ದೇನೆ. ನಾನು ಮಾತನಾಡಬಹುದಾ ಎಂಬುದೇ ಕಾಡುತ್ತಿದೆ’ ಎಂದರು.

. ‘ವರದಿ ಬಹಿರಂಗಗೊಳ್ಳದೇ ದಲಿತರನ್ನು ಅಂತರಪಿಶಾಚಿಗಳನ್ನಾಗಿಸಿದೆ. ನಿಮ್ಮಲ್ಲಿಗೆ ಬರುವ ಶಾಸಕರನ್ನು ಈ ಬಗ್ಗೆ ಕೇಳಿ. ಪರಿಶಿಷ್ಟ ಜಾತಿಯ ಶಾಸಕರು ಏನು ಮಾಡುತ್ತಿದ್ದಾರೆ? ಮಾತು–ಚರ್ಚೆಯಿಂದ ಪ್ರಯೋಜನವಿಲ್ಲ. ನಿಮ್ಮ ಶಕ್ತಿ ಒಗ್ಗೂಡಿಸಿ ಹೋರಾಟಕ್ಕಿಳಿಯಿರಿ’ ಎಂದು ಸದಾಶಿವ ಹೇಳಿದರು.

. ಮೀಸಲಾತಿ ಕಾನೂನುಬದ್ಧವಾದರೆ; ಒಳಮೀಸಲಾತಿ ಏಕಲ್ಲ?: ‘ಮೀಸಲಾತಿ ಕಾನೂನು ಬದ್ಧವಾದರೆ, ಒಳಮೀಸಲಾತಿ ಕಾನೂನು ವಿರೋಧಿ ಹೇಗೆ ಆಗುತ್ತದೆ? ಕಾನೂನು ಕಾನೂನೇ. ಕಾನೂನು ಇದನ್ನು ವಿರೋಧಿಸುತ್ತದೆ ಎಂದಾದರೆ ಆ ಕಾನೂನೇ ಯಾರಿಗೂ ಬೇಕಿಲ್ಲ’ ಎಂದ ಎ.ಜೆ.ಸದಾಶಿವ, ಸಂಸದ ವಿ.ಶ್ರೀನಿವಾಸಪ್ರಸಾದ್ ಹೆಸರು ಪ್ರಸ್ತಾಪಿಸದೆ, ಒಳ ಮೀಸಲಾತಿ ಕುರಿತಂತೆ ಸಂಸದರು ನೀಡಿರುವ ಹೇಳಿಕೆಗೆ ತೀವ್ರ ಆಕ್ಷೇಪ ವ್ಯಕ್ತಪಡಿಸಿದರು.

. ಗೋಷ್ಠಿಯಲ್ಲೇ ಪರ–ವಿರೋಧ

. ಸದಾಶಿವ ಅವರ ಮಾತು ಮುಗಿಯುತ್ತಿದ್ದಂತೆಯೇ, ಪೂರ್ವ ನಿಗದಿಯಂತೆ ಪ್ರತಿಕ್ರಿಯೆಗೆ ಅವಕಾಶ ಕೊಡಲಾಯಿತು. ಸಭಿಕರಿಂದ ಪರ–ವಿರೋಧ ಅಭಿಪ್ರಾಯ ವ್ಯಕ್ತವಾದವು. ಕೆಲವರು ಅನುಮಾನವನ್ನು ವ್ಯಕ್ತಪಡಿಸಿದರು.

. ಬೆಂಗಳೂರಿನ ಡಾ.ಆರ್.ಎನ್.ರಾಜಾ ನಾಯ್ಕ್, ‘ ಈ ವರದಿ ಜನ ಹಾಗೂ ಸಂವಿಧಾನ ವಿರೋಧಿ’ ಎಂದು ಹೇಳುತ್ತಿದ್ದಂತೆಯೇ ಹಲವರು ಎದ್ದು ನಿಂತು ಆಕ್ಷೇಪ ವ್ಯಕ್ತಪಡಿಸಿದರು. ಈ ವೇಳೆ, ವಾಗ್ವಾದವೂ ಶುರುವಾಯಿತು.

. ಪರಿಸ್ಥಿತಿ ಗಂಭೀರವಾಗಿದ್ದನ್ನು ಗಮನಿಸಿದ ಸದಾಶಿವ ಅವರೇ ತಿಳಿಗೊಳಿಸಲು ಮುಂದಾದರು. ‘ಬಾಯ್ಮುಚ್ರೀ ಮೊದಲು. ದೇಶ ಕಟ್ಟೋರಾ ನೀವು? ಯಾವಾಗ ಉದ್ಧಾರವಾಗ್ತೀರಿ? ಇಷ್ಟವಿದ್ರೆ ಸ್ವೀಕರಿಸಿ, ಇಲ್ಲದಿದ್ರೇ ಬಿಡ್ರೀ...’ ಎಂದು ಗದರಿದರು.

. ಹಲವು ಸಭಿಕರು, ‘ನಿಮ್ಮ ವರದಿ ಅವೈಜ್ಞಾನಿಕ‘ ಎಂದು ಜರಿದಿದ್ದಕ್ಕೆ ಪ್ರತಿಕ್ರಿಯಿಸಿದ ಅವರು, ‘ನಿಮ್ಮನ್ನು ಒಪ್ಪಿ ಎಂದು ಯಾರು ಕೇಳಿದ್ದು? ಮೊದಲು ವರದಿ ಬಹಿರಂಗಗೊಳ್ಳಲಿ. ನಂತರ ಮುಕ್ತ ಚರ್ಚೆ ನಡೆಯಲಿ. ಒಪ್ಪಿಗೆಯಾದಿದ್ದರೆ ತಿರಸ್ಕರಿಸಿ’ ಎಂದು ಹೇಳಿದರು.

. *ಸಾಮಾಜಿಕ ತುಳಿತಕ್ಕೊಳಗಾದವರು ಕ್ರಾಂತಿಗೆ ಸಿದ್ಧರಾದಾಗಲೇ ನ್ಯಾಯ ಸಿಗುತ್ತದೆ. ಸರ್ಕಾರದ ನಿರ್ಧಾರಕ್ಕೆ ಕಾಯುವುದರಿಂದ ಪ್ರಯೋಜನವಿಲ್ಲ

. - ಎ.ಜೆ.ಸದಾಶಿವ, ಹೈಕೋರ್ಟ್ನ ನಿವೃತ್ತ ನ್ಯಾಯಮೂರ್ತಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಏನೂ ಮಾಡಲಾಗದಿದ್ದರೆ ವರದಿ ಸುಟ್ಟು ಹಾಕಿ: ಎ.ಜೆ.ಸದಾಶಿವ ಆಕ್ರೋಶ

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ಚುರುಮುರಿ | ಒಳಾರ್ಥ–ಗೂಢಾರ್ಥ!

ದಿನ ಭವಿಷ್ಯ | ಈ ರಾಶಿಯವರ ವ್ಯವಹಾರಗಳು ಜಯಪ್ರದವಾಗುತ್ತವೆ

ಚುರುಮುರಿ | ಬದಲಾವಣೆ ಕ್ರಾಂತಿ!

ಭದ್ರತಾ ಪರಿಸ್ಥಿತಿಯ ಬಗ್ಗೆ ಬಿಸಿಸಿಐ ಕಳವಳ: ಬಾಂಗ್ಲಾ ಪ್ರವಾಸ ಮುಂದೂಡಿಕೆ ಸಾಧ್ಯತೆ

ವಿಶ್ವ ನಂ.1 ಕಾರ್ಲ್‌ಸನ್‌ಗೆ ಸೋಲುಣಿಸಿದ ಗುಕೇಶ್‌

IND vs ENG: ಜೇಮಿ ಸ್ಮಿತ್ 80 ಎಸೆತಗಳಲ್ಲಿ ಶತಕ,ಭಾರತಕ್ಕೆ ಆಂಗ್ಲರ ಪಡೆ ತಿರುಗೇಟು

ಗುಕೇಶ್ ವಿರುದ್ಧ ಸೋಲು; ಚೆಸ್ ಆನಂದಿಸುತ್ತಿಲ್ಲ ಎಂದ ವಿಶ್ವನ ನಂ.1ಆಟಗಾರ ಕಾರ್ಲಸನ್

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ಚುರುಮುರಿ | ಒಳಾರ್ಥ–ಗೂಢಾರ್ಥ!

ದಿನ ಭವಿಷ್ಯ | ಈ ರಾಶಿಯವರ ವ್ಯವಹಾರಗಳು ಜಯಪ್ರದವಾಗುತ್ತವೆ

ಚುರುಮುರಿ | ಬದಲಾವಣೆ ಕ್ರಾಂತಿ!