‘ಚಳವಳಿ ಕಟ್ಟಿದ ಸಮುದಾಯ ಕರ್ನಾಟಕ’

ಮೈಸೂರು: ‘ 70ರ ದಶಕದಲ್ಲಿ ಆರಂಭವಾದ ರೈತ, ದಲಿತ, ಬಂಡಾಯ ಸೇರಿದಂತೆ ಜನಪರ ಚಳವಳಿಗಳಿಗೆ ಸ್ಪಂದಿಸಿದ ‘ಸಮುದಾಯ ಕರ್ನಾಟಕ’ವು ರಂಗ ಚಳವಳಿ ಕಟ್ಟಿತು’ ಎಂದು ವಿಮರ್ಶಕ ಪ್ರೊ.ಕೆ.ಮರುಳಸಿದ್ದಪ್ಪ ಅಭಿಪ್ರಾಯಪಟ್ಟರು.

. ನಗರದ ಕಿರುರಂಗಮಂದಿರದ ಆವರಣದಲ್ಲಿ ‘ಮನುಷ್ಯತ್ವಡೆಡೆಗೆ ಸಮುದಾಯ 50’ ಆಶಯದಲ್ಲಿ ಶುಕ್ರವಾರ ಆರಂಭವಾದ 3 ದಿನಗಳ ‘ಸಮುದಾಯ ಮೈಸೂರು ರಂಗೋತ್ಸವ’ ಉದ್ಘಾಟಿಸಿ ಮಾತನಾಡಿ, ‘ಸಮುದಾಯವನ್ನು ಸಂಘಟನೆ ಎನ್ನಲಾಗದು, ನಾಡಿನ ಜನರ ಅಭಿವ್ಯಕ್ತಿಯಾಗಿ ರೂಪುಗೊಂಡ ಚಳವಳಿಯಿದು’ ಎಂದು ಬಣ್ಣಿಸಿದರು.

. ‘50 ವರ್ಷದ ಪಯಣ ನೆನಪು ಮಾಡಿಕೊಂಡರೆ, ಸಂತಸದ ಜೊತೆ ಆಶ್ಚರ್ಯವೂ ಆಗುತ್ತದೆ. ಆರಂಭದ ದಿನಗಳಲ್ಲಿ ನಾಡನ್ನು ಇಷ್ಟು ಪ್ರಭಾವಿಸುತ್ತದೆಂದು ನಾನು ಅಂದುಕೊಂಡಿರಲಿಲ್ಲ. ನಾಟಕಗಳನ್ನು ಮಾಡುತ್ತಾ ನಿರಂತರವಾಗಿ ಚಟುವಟಿಕೆಗಳನ್ನು ನಡೆಸುತ್ತಾ ಬಂದಿದೆ’ ಎಂದು ಹೇಳಿದರು.

. ಒಗ್ಗಟ್ಟಾಗಬೇಕು: ‘ಕೋಮುವಾದಿಗಳು ಹಾಗೂ ಬಂಡವಾಳಶಾಹಿಗಳು ಒಂದಾಗಿವೆ. ಇಂಥ ಸಂದರ್ಭವನ್ನು ನೋಡುತ್ತಿದ್ದರೆ ಮನಸ್ಸು ಖಿನ್ನವಾಗುತ್ತದೆ. ಈ ಪ್ರತಿಗಾಮಿ ಶಕ್ತಿಗಳು ರಾಜಕೀಯ ಅಧಿಕಾರ ಹಿಡಿದಿರುವ ಹೊತ್ತಿನಲ್ಲಿ ಯುವ ಪ್ರಗತಿಪರ ಮನಸ್ಸುಗಳು ಸಂಘಟಿತರಾಗಬೇಕಿದೆ. ರೈತರು, ದಲಿತರು, ಪ್ರಗತಿಪರರು ಮತ್ತೆ ಒಗ್ಗಟ್ಟಾಗಬೇಕಿದೆ’ ಎಂದು ಮರುಳಸಿದ್ದಪ್ಪ ಪ್ರತಿಪಾದಿಸಿದರು.

. ‘ಅಂಬೇಡ್ಕರ್, ಲೋಹಿಯಾ, ಮಾರ್ಕ್ಸ್, ಪೆರಿಯಾರ್ ಸಿದ್ಧಾಂತದ ಪ್ರಭಾವ 70ರ ದಶಕದ ಚಳವಳಿಗಳಿಗಿತ್ತು. ಕನ್ನಡ ಸಾಹಿತ್ಯದಲ್ಲಿರುವುದು ಬೂಸಾ ಎಂಬ ಬಿ.ಬಸವಲಿಂಗಪ್ಪ ಅವರ ಹೇಳಿಕೆಯಿಂದ ಬೂಸಾ ಚಳವಳಿ ಆರಂಭವಾಯಿತು. ಅವರ ಹೇಳಿಕೆಯನ್ನು ಕುವೆಂಪು ಸಮರ್ಥಿಸಿಕೊಂಡರು. ಬಸವಲಿಂಗಪ್ಪ, ಲಂಕೇಶ್ ಅವರ ಮೇಲೆ ದಾಳಿಗಳು ಆದವು’ ಎಂದು ನೆನಪು ಮಾಡಿಕೊಂಡರು.

. ‘ದೇಶದಲ್ಲಿ ಜಾತಿ– ಧರ್ಮವೇ ಮುಖ್ಯವಾಗಿದೆ. ಮನುಷ್ಯರು ಮನುಷ್ಯರಾಗಿ ನೋಡಬೇಕಿದೆ. ಮನುಜಕುಲವೊಂದೇ ಎಂದ ಪಂಪ, ಕುವೆಂಪು ಪ್ರತಿಪಾದಿಸಿದ ವಿಶ್ವಮಾನವ ತತ್ವ ಅನುಸರಿಸಬೇಕಿದೆ. ಈಗ ನಮಗೆ ಹಿನ್ನೆಡೆಯಾಗಿರಬಹುದು. ಆದರೆ, ಬೆಳಕು ಬಂದೇ ಬರುತ್ತದೆಂಬ ಆಶಯದಲ್ಲಿ ಎಲ್ಲ ಜೀವಪರ ಮನಸ್ಸುಗಳು ಒಂದಾಗಬೇಕಿದೆ’ ಎಂದರು.

. ಗಾಯಕರಾದ ದೇವಾನಂದ ವರಪ್ರಸಾದ್, ಶುಭಾ ರಾಘವೇಂದ್ರ, ತನುಶ್ರೀ, ಸಿ.ಎಂ.ನರಸಿಂಹಮೂರ್ತಿ, ಜಯಶಂಕರಮೇಸ್ತ್ರಿ ಮತ್ತು ನಾರಾಯಣಸ್ವಾಮಿ ಅವರು ‘ಮಂಟೇಸ್ವಾಮಿ ಕಾವ್ಯ’ ಹಾಡಿದರು.

. ಸಮುದಾಯದ ಶ್ರೀನಿವಾಸ ಜಿ.ಕಪ್ಪಣ್ಣ, ಮಾವಳ್ಳಿ ಶಂಕರ್, ನಂದಾ ಹಳೆಮನೆ, ಪ್ರೊ.ಕೆ.ಪಿ.ವಾಸುದೇವನ್, ಜೆ.ಸಿ.ಶಶಿಧರ್, ಸವಿತಾ ಪ.ಮಲ್ಲೇಶ್, ಎಚ್.ಜನಾರ್ಧನ್ ಪಾಲ್ಗೊಂಡಿದ್ದರು.

. ನಂತರ ಜಿಪಿಐಇಆರ್ ತಂಡದವರು ಮೈಮ್ ರಮೇಶ್ ನಿರ್ದೇಶನದ ಆಂಟನ್ ಚೆಕಾಫ್ನ ‘ವಾರ್ಡ್ ನಂ 6’ ನಾಟಕವನ್ನು ಪ್ರದರ್ಶಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ಚಳವಳಿ ಕಟ್ಟಿದ ಸಮುದಾಯ ಕರ್ನಾಟಕ’

ಚಿನಕುರುಳಿ: ಶುಕ್ರವಾರ, 31 ಅಕ್ಟೋಬರ್ 2025

ಚುರುಮುರಿ: ಮೌನ ಸಂದರ್ಶನ!

ತುಳಸಿ ಹಬ್ಬ: ಪುರಾಣದ ಕಥೆಯಲ್ಲಿದೆ ಈ ಹಬ್ಬದ ಮಹತ್ವ

ಚಿನ್ನದ ದರ ₹2,200 ಏರಿಕೆ: ಬೆಳ್ಳಿ ಬೆಲೆ ₹2,000 ಇಳಿಕೆ

ಪಂದ್ಯದ ವೇಳೆ ಗಾಯಗೊಂಡಿದ್ದ ಶ್ರೇಯಸ್‌ ಐಯ್ಯರ್‌ ಆಸ್ಪತ್ರೆಯಿಂದ ಬಿಡುಗಡೆ: ಬಿಸಿಸಿಐ

ವಿಶ್ವಕಪ್ ಸೆಮಿಫೈನಲ್‌: ಜೆಮಿಮಾ ಗೆಲುವಿನ ಶತಕ; ಕರಾವಳಿ ಪುಳಕ

Womens World Cup 2025: ದುಗುಡ, ಅವಮಾನ ಮೆಟ್ಟಿನಿಂತ ತಾರೆ ಜೆಮಿಮಾ ರಾಡ್ರಿಗಸ್‌

ಭಾರತೀಯ ಹಾಕಿ ಕ್ರೀಡೆಯ ‘ಗೋಡೆ’ ಮ್ಯಾನ್ಯುವೆಲ್ ಫ್ರೆಡರಿಕ್

ಒಳನೋಟ: ಪೌಷ್ಠಿಕ ಯೋಜನೆಯಡಿ ಬುಡಕಟ್ಟು ಜನರಿಗೆ ‘ಕಳಪೆ’ ಆಹಾರ ಪೂರೈಕೆ

ಆಧುನಿಕತೆ ಮಧ್ಯೆ ನಲುಗಿದ ಕುಲಕಸುಬು: ಕತ್ತಲಲ್ಲಿ ಕುಂಬಾರರ ಬದುಕು

Firecracker Scam | ಹೆಸರಿಗೆ ಹಸಿರು: ಒಳಗೆ ‘ವಿಷ’

ಒಳನೋಟ | ಭೂಮಾಫಿಯಾದ ಮಾಯಾಜಾಲ: ನಿಮ್ಮ ಮನೆಯನ್ನೂ ಕಸಿದಾರು ಹುಷಾರು

ಚಿನಕುರುಳಿ: ಶುಕ್ರವಾರ, 31 ಅಕ್ಟೋಬರ್ 2025

ಚುರುಮುರಿ: ಮೌನ ಸಂದರ್ಶನ!

ತುಳಸಿ ಹಬ್ಬ: ಪುರಾಣದ ಕಥೆಯಲ್ಲಿದೆ ಈ ಹಬ್ಬದ ಮಹತ್ವ

ಚಿನ್ನದ ದರ ₹2,200 ಏರಿಕೆ: ಬೆಳ್ಳಿ ಬೆಲೆ ₹2,000 ಇಳಿಕೆ