ಮೈಸೂರು: ಭತ್ತದ ಕೊಯ್ಲು ಶುರು, ಉತ್ತಮ ಬೆಲೆಯ ನಿರೀಕ್ಷೆ

‘ತೀವ್ರ ಬರಗಾಲ’ಕ್ಕೆ ಸಿಲುಕಿರುವ ಜಿಲ್ಲೆಯಲ್ಲಿ ನಡೆಯುತ್ತಿರುವ ಭತ್ತದ ಕೊಯ್ಲುಗೆ ಯಂತ್ರಗಳನ್ನು ಬಳಸುತ್ತಿರುವುದು ಪಶುಸಂಗೋಪನಾ ಇಲಾಖೆಯ ಅಧಿಕಾರಿಗಳ ತಲೆನೋವಿಗೆ ಕಾರಣವಾಗಿದೆ! ಕೈಯಲ್ಲಿ ಕೊಯ್ಲು ಮಾಡಿದರೆ ಉತ್ತಮ ಮೇವು ಸಿಗುತ್ತದೆ. ಯಂತ್ರದಲ್ಲಿ ಕಟಾವು ಮಾಡಿದರೆ ಅದು ಹಾಳಾಗುತ್ತದೆ ಎಂಬುದು ಅವರ ಆತಂಕ. ‘ಭತ್ತವನ್ನು ಯಂತ್ರಗಳಲ್ಲಿ ಕಟಾವು ಮಾಡಿದರೆ ಮೇವು ಹಾಳಾಗುತ್ತದೆ. ಇದರಿಂದ ಮೇವಿನ ಕೊರತೆ ಎದುರಾಗುವುದನ್ನು ತಪ್ಪಿಸಬೇಕು ಎಂದು ಕೋರಲಾಗಿದೆ’ ಎಂದು ಇಲಾಖೆಯ ಜಿಲ್ಲಾ ಉಪ ನಿರ್ದೇಶಕ ನಾಗರಾಜ್‌ ತಿಳಿಸಿದರು.