ರಾಯಚೂರು: ಅಂತಿಮ ಮತದಾರರ ಪಟ್ಟಿ ಬಿಡುಗಡೆಯಾಗಿದೆ. ಜಿಲ್ಲೆಯಲ್ಲಿ 8,17,652 ಪುರುಷರು, 8,46,574 ಮಹಿಳೆಯರು ಹಾಗೂ 263 ಲಿಂಗತ್ವ ಅಲ್ಪಸಂಖ್ಯಾತ ಮತದಾರರು ಸೇರಿ ಒಟ್ಟು 16,64,489 ಮತದಾರಿದ್ದಾರೆ ಎಂದು ಹೆಚ್ಚುವರಿ ಜಿಲ್ಲಾಧಿಕಾರಿ ಡಾ.ಕೆ.ಆರ್.ದುರುಗೇಶ ಹೇಳಿದರು.
ನಗರದ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿ ಮತದಾರರ ವಿಶೇಷ ಸಂಕ್ಷಿಪ್ತ ಪರಿಷ್ಕರಣೆ-2024ರ ಅಂತಿಮ ಮತದಾರರ ಪಟ್ಟಿ ಪ್ರಚಾರಪಡಿಸುವ ಕುರಿತು ರಾಜಕೀಯ ಪಕ್ಷಗಳೊಂದಿಗೆ ಸಭೆ ನಡೆಸಿ ಅವರು ಮಾತನಾಡಿದರು.
ಜಿಲ್ಲೆಯಲ್ಲಿ 18, 19 ವರ್ಷದ ಒಟ್ಟು 30,626 ಯುವ ಮತದಾರರಿದ್ದು, ಅದರಲ್ಲಿ 17,463 ಯುವಕರು, 13,161 ಯುವತಿಯರು, ಇಬ್ಬರು ಲಿಂಗತ್ವ ಅಲ್ಪಸಂಖ್ಯಾತ ಮತದಾರರಿದ್ದಾರೆ ಎಂದು ತಿಳಿಸಿದರು.
ಉಳಿದಂತೆ 18,173 ಅಂಗವಿಕಲ ಮತದಾರರಿದ್ದು, 10,510 ಪುರುಷ ಮತ್ತು 7663 ಅಂಗವಿಕಲ ಮಹಿಳಾ ಮತದಾರರಿದ್ದಾರೆ ಎಂದು ಹೇಳಿದರು.
ಚುನಾವಣಾ ತಹಶೀಲ್ದಾರ್ ಪರಶುರಾಮ, ಶಿರಸ್ತೇದಾರ ರಿಷಿಕೇಷ, ಪ್ರಥಮ ದರ್ಜೆ ಸಹಾಯಕ ರಮೇಶ, ತಾಂತ್ರಿಕ ಸಮಾಲೋಚಕ ಶಿವರಾಜ, ರಾಜಕೀಯ ಮುಖಂಡರಾದ ರವಿಕುಮಾರ, ಶಂಕರ ಕಲ್ಲೂರು, ಈರೇಶ, ತಿರುಮಲ ರೆಡ್ಡಿ ಹಾಗೂ ಕೆ.ಜಿ ವೀರೇಶ ಉಪಸ್ಥಿತರಿದ್ದರು.
