ಭಾನುವಾರ, ಜುಲೈ 25, 2021
25 °C

ರಾಮನಗರ: ಕುಂಬಾಪುರ ಸುತ್ತಮುತ್ತ ಆನೆ ಹಾವಳಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ರಾಮನಗರ: ತಾಲ್ಲೂಕಿನ ಕುಂಬಾಪುರ ಕಾಲೊನಿ ಸುತ್ತಮುತ್ತ ಆನೆ ದಾಳಿ ನಿರಂತರವಾಗಿದ್ದು, ತೋಟಗಳಿಗೆ ಓಡಾಡುವುದೇ ಕಷ್ಟವಾಗಿದೆ ಎಂದು ಅಲ್ಲಿನ ನಿವಾಸಿಗಳು ದೂರಿದ್ದಾರೆ.

ಚಿಕ್ಕಮಣ್ಣುಗುಡ್ಡೆ ಅರಣ್ಯ ಪ್ರದೇಶಕ್ಕೆ ಹೊಂದಿಕೊಂಡಂತೆ ಈ ಗ್ರಾಮವಿದೆ. ಬಾಳೆ, ತೆಂಗು ಮುಂತಾದ ತೋಟಗಳಿವೆ. ಕಳೆದ 20 ದಿನಗಳಿಂದ ಆನೆಗಳ ದಾಳಿ ನಿರಂತರವಾಗಿದೆ. ಬಾಳೆ ತೋಟದಲ್ಲಿ ಅಳವಡಿಸಿದ್ದ ನೀರಾವರಿ ಪೈಪ್ ಲೈನ್‍ಗಳನ್ನು ಆನೆಗಳು ಕಿತ್ತೆಸೆದಿವೆ. ಬೆಳೆದು ನಿಂತ ಬಾಳೆಗಿಡಗಳನ್ನು ಕಿತ್ತು ಹಾಕಿವೆ. ತೆಂಗಿನ ಮರಗಳನ್ನು ಉರುಳಿಸಿವೆ ಎಂದು ಸ್ಥಳೀಯರಾದ ರಾಮಚಂದ್ರ ಎಂಬುವರು ದೂರಿದರು.

ಆನೆಗಳನ್ನು ಕಾಡಿಗೆ ಕಳುಹಿಸಿರುವುದಾಗಿ ಅರಣ್ಯ ಇಲಾಖೆಯವರು ಹೇಳುತ್ತಾರೆ. ಆದರೆ ಹಗಲು ಹೊತ್ತಿನಲ್ಲೇ ನಮ್ಮ ಕಾಲೊನಿ ಸುತ್ತಮುತ್ತ ಆನೆಗಳು ಓಡಾಡಿಕೊಂಡಿವೆ. ಹೀಗಾಗಿ ಮನೆಯಿಂದ ಹೊರಗೆ ಬರಲು ಹೆದರುವಂತೆ ಆಗಿದೆ. ಅರಣ್ಯ ಇಲಾಖೆಯ ಅಧಿಕಾರಿಗಳು ಆನೆ ಹಾವಳಿ ನಿಯಂತ್ರಣಕ್ಕೆ ಕ್ರಮ ಕೈಗೊಳ್ಳಬೇಕು ಎಂಬುದು ಗ್ರಾಮಸ್ಥರ ಆಗ್ರಹವಾಗಿದೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.