<p><strong>ರಾಮನಗರ</strong>: ನಗರದ ಜಿಲ್ಲಾಸ್ಪತ್ರೆಯಲ್ಲಿರುವ ಡೀಸೆಲ್ ಜನರೇಟರ್ ಘಟಕದ ಒಳ ನುಗ್ಗಿರುವ ಕಳ್ಳರು, ಜನರೇಟರ್ನ ಸುಮಾರು ₹2.60 ಲಕ್ಷ ಮೌಲ್ಯದ 2 ಮದರ್ಬೋರ್ಡ್ ಪ್ಯಾನಲ್ ಹಾಗೂ 1 ಕಂಟ್ರೋಲ್ ಬೋರ್ಡ್ ಪ್ಯಾನಲ್ ಕದ್ದೊಯ್ದಿದ್ದಾರೆ. ಈ ಕುರಿತು, ರಾಮನಗರ ಟೌನ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.</p>.<p>ಆಸ್ಪತ್ರೆ ಆವರಣದಲ್ಲಿ 320 ಕೆ.ವಿ ಸಾಮರ್ಥ್ಯದ ಡೀಸೆಲ್ ಜನರೇಟರ್ ಘಟಕವಿದ್ದು, ಸುತ್ತಲೂ ಮೆಟಲ್ ಜಾಲರಿಯನ್ನು ಅಳವಡಿಸಲಾಗಿದೆ. ಅದರ ಮೇಲ್ವಿಚಾರಣೆಯನ್ನು ಸಿವಿಲ್ ಎಂಜನಿಯರೊಬ್ಬರು ನೋಡಿಕೊಳ್ಳುತ್ತಿದ್ದಾರೆ. ಅ. 3ರಂದು ಬೆಳಿಗ್ಗೆ ಎಂಜಿನಿಯರ್ ಘಟಕಕ್ಕೆ ಭೇಟಿ ನೀಡಿದಾಗ, ಜಾಲರಿ ತೆರೆದುಕೊಂಡಿತ್ತು.</p>.<p>ಒಳಗಡೆ ಹೋಗಿ ನೋಡಿದಾಗ ಜನರೇಟರ್ನ 2 ಮದರ್ಬೋರ್ಡ್ ಪ್ಯಾನಲ್ ಹಾಗೂ 1 ಕಂಟ್ರೋಲ್ ಬೋರ್ಡ್ ಪ್ಯಾನಲ್ ಅನ್ನು ಬಿಚ್ಚಿಕೊಂಡು ಹೋಗಿರುವುದು ಗೊತ್ತಾಯಿತು. ರಾತ್ರಿ ಪಾಳಿ ಕರ್ತವ್ಯದಲ್ಲಿದ್ದ ಜನರೇಟರ್ ಟೆಕ್ನಿಷಿಯನ್ ರಾತ್ರಿ 7.30ರ ಸುಮಾರಿಗೆ ಘಟಕಕ್ಕೆ ಹೋಗಿ ಪರಿಶೀಲಿಸಿ ಬಂದಿದ್ದರು. ಮಧ್ಯರಾತ್ರಿ ಕಳ್ಳರು ಜಾಲರಿಗೆ ಅಳವಡಿಸಿದ್ದ ಬೀಗವನ್ನು ಒಡೆದು ಕೃತ್ಯ ಎಸಗಿದ್ದಾರೆ ಎಂದು ಪೊಲೀಸರು ತಿಳಿಸಿದರು.</p>.<p>ಘಟನೆಗೆ ಸಂಬಂಧಿಸಿದಂತೆ, ಜಿಲ್ಲಾ ಶಸ್ತ್ರಚಿಕಿತ್ಸಕ ಡಾ. ಸಿ. ಮಂಜುನಾಥ್ ನೀಡಿದ ದೂರಿನ ಮೇರೆಗೆ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಲಾಗುತ್ತಿದೆ. ಘಟನಾ ಸ್ಥಳದ ಸುತ್ತಮುತ್ತಲಿನ ಸಿಸಿಟಿವಿ ಕ್ಯಾಮೆರಾಗಳನ್ನು ಪರಿಶೀಲಿಸಲಾಗುತ್ತಿದೆ ಎಂದು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ರಾಮನಗರ</strong>: ನಗರದ ಜಿಲ್ಲಾಸ್ಪತ್ರೆಯಲ್ಲಿರುವ ಡೀಸೆಲ್ ಜನರೇಟರ್ ಘಟಕದ ಒಳ ನುಗ್ಗಿರುವ ಕಳ್ಳರು, ಜನರೇಟರ್ನ ಸುಮಾರು ₹2.60 ಲಕ್ಷ ಮೌಲ್ಯದ 2 ಮದರ್ಬೋರ್ಡ್ ಪ್ಯಾನಲ್ ಹಾಗೂ 1 ಕಂಟ್ರೋಲ್ ಬೋರ್ಡ್ ಪ್ಯಾನಲ್ ಕದ್ದೊಯ್ದಿದ್ದಾರೆ. ಈ ಕುರಿತು, ರಾಮನಗರ ಟೌನ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.</p>.<p>ಆಸ್ಪತ್ರೆ ಆವರಣದಲ್ಲಿ 320 ಕೆ.ವಿ ಸಾಮರ್ಥ್ಯದ ಡೀಸೆಲ್ ಜನರೇಟರ್ ಘಟಕವಿದ್ದು, ಸುತ್ತಲೂ ಮೆಟಲ್ ಜಾಲರಿಯನ್ನು ಅಳವಡಿಸಲಾಗಿದೆ. ಅದರ ಮೇಲ್ವಿಚಾರಣೆಯನ್ನು ಸಿವಿಲ್ ಎಂಜನಿಯರೊಬ್ಬರು ನೋಡಿಕೊಳ್ಳುತ್ತಿದ್ದಾರೆ. ಅ. 3ರಂದು ಬೆಳಿಗ್ಗೆ ಎಂಜಿನಿಯರ್ ಘಟಕಕ್ಕೆ ಭೇಟಿ ನೀಡಿದಾಗ, ಜಾಲರಿ ತೆರೆದುಕೊಂಡಿತ್ತು.</p>.<p>ಒಳಗಡೆ ಹೋಗಿ ನೋಡಿದಾಗ ಜನರೇಟರ್ನ 2 ಮದರ್ಬೋರ್ಡ್ ಪ್ಯಾನಲ್ ಹಾಗೂ 1 ಕಂಟ್ರೋಲ್ ಬೋರ್ಡ್ ಪ್ಯಾನಲ್ ಅನ್ನು ಬಿಚ್ಚಿಕೊಂಡು ಹೋಗಿರುವುದು ಗೊತ್ತಾಯಿತು. ರಾತ್ರಿ ಪಾಳಿ ಕರ್ತವ್ಯದಲ್ಲಿದ್ದ ಜನರೇಟರ್ ಟೆಕ್ನಿಷಿಯನ್ ರಾತ್ರಿ 7.30ರ ಸುಮಾರಿಗೆ ಘಟಕಕ್ಕೆ ಹೋಗಿ ಪರಿಶೀಲಿಸಿ ಬಂದಿದ್ದರು. ಮಧ್ಯರಾತ್ರಿ ಕಳ್ಳರು ಜಾಲರಿಗೆ ಅಳವಡಿಸಿದ್ದ ಬೀಗವನ್ನು ಒಡೆದು ಕೃತ್ಯ ಎಸಗಿದ್ದಾರೆ ಎಂದು ಪೊಲೀಸರು ತಿಳಿಸಿದರು.</p>.<p>ಘಟನೆಗೆ ಸಂಬಂಧಿಸಿದಂತೆ, ಜಿಲ್ಲಾ ಶಸ್ತ್ರಚಿಕಿತ್ಸಕ ಡಾ. ಸಿ. ಮಂಜುನಾಥ್ ನೀಡಿದ ದೂರಿನ ಮೇರೆಗೆ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಲಾಗುತ್ತಿದೆ. ಘಟನಾ ಸ್ಥಳದ ಸುತ್ತಮುತ್ತಲಿನ ಸಿಸಿಟಿವಿ ಕ್ಯಾಮೆರಾಗಳನ್ನು ಪರಿಶೀಲಿಸಲಾಗುತ್ತಿದೆ ಎಂದು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>