ತುಮಕೂರು:‌ | ಕೋಳಿ ಮಾಂಸ ದುಬಾರಿ: ಟೊಮೆಟೊ, ಬೆಳ್ಳುಳ್ಳಿ ಗಗನಮುಖಿ

ತುಮಕೂರು: ಹೊಸ ವರ್ಷಾಚರಣೆಯ ಆರಂಭದಲ್ಲೇ ಕೋಳಿ ಮಾಂಸ ಬಾಯಿಗೆ ರುಚಿಸುತ್ತಿಲ್ಲ. ಒಂದು ಕೆ.ಜಿ 200ರ ಗಡಿಗೆ ತಲುಪಿದ್ದು, ಮಾಂಸ ಪ್ರಿಯರಿಗೆ ಬಲು ದುಬಾರಿಯಾಗಿದೆ. ಈ ವಾರ ಟೊಮೆಟೊ, ಬೆಳ್ಳುಳ್ಳಿ ಬೆಲೆಯೂ ಗಗನಮುಖಿಯಾಗಿದ್ದು, ಸೊಪ್ಪು ಅಗ್ಗವಾಗಿದೆ. ಹಣ್ಣು, ಶೇಂಗಾ, ಬೇಳೆ–ಧಾನ್ಯಗಳು ಏರುಮುಖವಾಗಿವೆ.

. ಅಂತರಸನಹಳ್ಳಿ ಮಾರುಕಟ್ಟೆಯಲ್ಲಿ ಟೊಮೆಟೊ ಕೆ.ಜಿ ₹50–60ಕ್ಕೆ ಏರಿಕೆ ಕಂಡಿದ್ದು, ಚಿಲ್ಲರೆಯಾಗಿ ₹70–80ರ ವರೆಗೂ ಮಾರಾಟ ಮಾಡಲಾಗುತ್ತಿದೆ. ಕಳೆದ ಒಂದು ವರ್ಷದಿಂದ ನಿಯಂತ್ರಣದಲ್ಲಿದ್ದ ಬೆಳ್ಳುಳ್ಳಿ ಧಾರಣೆ ಒಂದು ತಿಂಗಳಿಂದ ಹೆಚ್ಚಳವಾಗುತ್ತಲೇ ಸಾಗಿದ್ದು, ಈಗ ಕೆ.ಜಿ ₹160–180ಕ್ಕೆ ತಲುಪಿದೆ.

. ಕ್ಯಾರೇಟ್ ಏರಿಕೆಯಾಗಿದ್ದರೆ, ಉಳಿದಂತೆ ತರಕಾರಿಗಳ ದರ ತಗ್ಗಿದೆ. ಹಸಿರು ಮೆಣಸಿನಕಾಯಿ ಮತ್ತಷ್ಟು ಖಾರವಾಗಿದೆ. ಬೀನ್ಸ್, ಹಸಿರು ಬಟಾಣಿ ಸಾಕಷ್ಟು ಅಗ್ಗವಾಗಿದೆ. ಅವರೆಕಾಯಿ ಬೆಲೆಯೂ ಕೊಂಚ ತಗ್ಗಿದೆ. ಶುಂಠಿ, ಸೌತೆಕಾಯಿ, ನಿಂಬೆ ಹಣ್ಣು ದರವೂ ಕಡಿಮೆಯಾಗಿದೆ.

. ಸೊಪ್ಪು ಅಗ್ಗ: ಮಾರುಕಟ್ಟೆಯಲ್ಲಿ ಸೊಪ್ಪು ಕೇಳುವವರೇ ಇಲ್ಲವಾಗಿದ್ದು, ಬೆಲೆ ಪಾತಾಳ ಕಂಡಿದೆ. ಕೊತ್ತಂಬರಿ ಸೊಪ್ಪು ಕೆ.ಜಿ ₹10–15ಕ್ಕೆ, ಸಬ್ಬಕ್ಕಿ ಕೆ.ಜಿ ₹20–30, ಮೆಂತ್ಯ ಸೊಪ್ಪು ಕೆ.ಜಿ ₹15–20, ಪಾಲಕ್ ಸೊಪ್ಪು (ಕಟ್ಟು) ₹30ಕ್ಕೆ ಇಳಿಕೆಯಾಗಿದೆ.

. ಹಣ್ಣು ದುಬಾರಿ: ಚಳಿ ಮುಗಿಯುವ ಮುನ್ನವೇ ಹಣ್ಣು ಧಾರಣೆ ಏರಿಕೆಯತ್ತ ಮುಖ ಮಾಡಿದೆ. ದಾಳಿಂಬೆ, ಮೂಸಂಬಿ, ಪೈನಾಪಲ್, ಪಪ್ಪಾಯ, ಕರಬೂಜ, ಕಲ್ಲಂಗಡಿ ಹೆಚ್ಚಳ ದಾಖಲಿಸಿದೆ.

. ಅಡುಗೆ ಎಣ್ಣೆ: ಅಡುಗೆ ಎಣ್ಣೆ ತುಸು ಏರಿಕೆಯತ್ತ ಸಾಗಿದೆ. ಗೋಲ್ಡ್ವಿನ್ನರ್ ಕೆ.ಜಿ ₹153–155, ಪಾಮಾಯಿಲ್ ಕೆ.ಜಿ ₹119–120, ಕಡಲೆಕಾಯಿ ಎಣ್ಣೆ ಕೆ.ಜಿ ₹160–165ಕ್ಕೆ ಮಂಡಿಪೇಟೆ ಮಾರುಕಟ್ಟೆಯಲ್ಲಿ ಮಾರಾಟವಾಗುತ್ತಿದೆ.

. ಶೇಂಗಾ ಹೆಚ್ಚಳ: ಈ ಬಾರಿ ಶೇಂಗಾ ಬೆಳೆ ಕೈಕೊಟ್ಟಿದ್ದು, ಮಾರುಕಟ್ಟೆಯಲ್ಲಿ ಬೆಲೆ ಏರಿಕೆಯತ್ತ ದಾಪುಗಾಲು ಹಾಕಿದೆ. ಬೇಳೆಕಾಳು, ಧಾನ್ಯಗಳ ಧಾರಣೆಯೂ ಕೊಂಚ ತೇಜಿಯಾಗಿದೆ. ಸಕ್ಕರೆ ಬೆಲೆ ಈ ವಾರವೂ ಕೆ.ಜಿ.ಗೆ ₹1 ಇಳಿಕೆಯಾಗಿದೆ.

. ಮಸಾಲೆ ಪದಾರ್ಥ : ಬ್ಯಾಡಗಿ ಮೆಣಸಿನಕಾಯಿ ಮತ್ತಷ್ಟು ದುಬಾರಿಯಾಗಿದೆ. ಧನ್ಯ, ಮೆಣಸು, ಜೀರಿಗೆ ಧಾರಣೆ ಏರಿಕೆಯಾಗಿದ್ದರೆ, ಲವಂಗ ಅಲ್ಪ ಕಡಿಮೆಯಾಗಿದೆ. ಒಣ ಹಣ್ಣುಗಳು ದುಬಾರಿ ಸ್ಥಿತಿಯಲ್ಲೇ ಇವೆ.

. ದನಿಯ ಕೆ.ಜಿ ₹120–140, ಬ್ಯಾಡಗಿ ಮೆಣಸಿನಕಾಯಿ ಕೆ.ಜಿ ₹300–320, ಗೌರಿಬಿದನೂರು ಖಾರದ ಮೆಣಸಿನಕಾಯಿ ಕೆ.ಜಿ ₹185–200, ಬೆಲ್ಲ ಕೆ.ಜಿ ₹50–55, ಕಾಳುಮೆಣಸು ಕೆ.ಜಿ ₹740–760, ಜೀರಿಗೆ ಕೆ.ಜಿ ₹250–260, ಚಕ್ಕೆ ಕೆ.ಜಿ ₹280–290, ಲವಂಗ ಕೆ.ಜಿ ₹780–800, ಗುಣಮಟ್ಟದ ಗಸಗಸೆ ಕೆ.ಜಿ ₹1,550–1,600, ಏಲಕ್ಕಿ ಕೆ.ಜಿ ₹3,000–3,200, ಬಾದಾಮಿ ಕೆ.ಜಿ ₹840–860, ಗೋಡಂಬಿ ಕೆ.ಜಿ ₹800–900, ಒಣದ್ರಾಕ್ಷಿ ಕೆ.ಜಿ ₹440–490ಕ್ಕೆ ಮಂಡಿಪೇಟೆ ಮಾರುಕಟ್ಟೆಯಲ್ಲಿ ಮಾರಾಟವಾಗುತ್ತಿದೆ.

. ಕೋಳಿ ದುಬಾರಿ: ಕಳೆದ ಕೆಲವು ತಿಂಗಳಿಂದ ಕೋಳಿ ಮಾಂಸದ ಬೆಲೆ ಗಗನಮುಖಿಯಾಗಿದೆ. ಕ್ರಿಸ್ಮಸ್, ಹೊಸ ವರ್ಷಾಚರಣೆ ಹೊತ್ತಿಗೆ ಮತ್ತಷ್ಟು ದುಬಾರಿಯಾಗಿದ್ದು, ಮುಂದಿನ ಕೆಲವು ದಿನಗಳು ಇದೇ ಸ್ಥಿತಿ ಮುಂದುವರಿಯಲಿದೆ ಎಂದು ಹೇಳಲಾಗುತ್ತಿದೆ.

. ಬ್ರಾಯ್ಲರ್ ಕೋಳಿ ಕೆ.ಜಿ ₹195, ರೆಡಿ ಚಿಕನ್ ಕೆ.ಜಿ ₹290, ಸ್ಕಿನ್ಲೆಸ್ ಕೆ.ಜಿ ₹315, ಫಾರಂ ಕೋಳಿ ಕೆ.ಜಿ ₹150ಕ್ಕೆ ಸಿಗುತ್ತಿದೆ. ಮೊಟ್ಟೆ ₹6.85ಕ್ಕೆ ಮಾರಾಟ ಮಾಡಲಾಗುತ್ತಿದೆ.

. ಮೀನು ಏರಿಕೆ: ಮೀನಿನ ದರವೂ ಹೆಚ್ಚಳವಾಗಿದೆ. ಬಂಗುಡೆ ಕೆ.ಜಿ ₹290, ಬೂತಾಯಿ ಕೆ.ಜಿ ₹340, ಅಂಜಲ್ ಕೆ.ಜಿ ₹940, ಕಪ್ಪುಮಾಂಜಿ ₹780, ಇಂಡಿಯನ್ ಸಾಲ್ಮನ್ ₹910, ಸೀಗಡಿ ಕೆ.ಜಿ ₹510–820, ಏಡಿ ಕೆ.ಜಿ ₹850ಕ್ಕೆ ನಗರದ ಮತ್ಸ್ಯದರ್ಶಿನಿಯಲ್ಲಿ ಸಿಗುತ್ತಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ತುಮಕೂರು:‌ | ಕೋಳಿ ಮಾಂಸ ದುಬಾರಿ: ಟೊಮೆಟೊ, ಬೆಳ್ಳುಳ್ಳಿ ಗಗನಮುಖಿ

ಚಿನಕುರುಳಿ: ಭಾನುವಾರ, 04 ಜನವರಿ, 2026

ಗುಂಡಣ್ಣ: ಭಾನುವಾರ, ಜನವರಿ ೦4, 2026

ವಾರ ಭವಿಷ್ಯ | 2026 ಜನವರಿ 4ರಿಂದ 10ರವರೆಗೆ: ದೈವಭಯ ನಿಮ್ಮನ್ನು ಕಾಡಬಹುದು

ರಸ್ತೆ ಮೇಲೆ ವಾಣಿವಿಲಾಸ ಜಲಾಶಯದ ಕೋಡಿ: ಹಿರಿಯೂರು–ಹೊಸದುರ್ಗ ಸಂಚಾರ ಅಪಾಯಕಾರಿ

ಬೆಂಗಳೂರು ಓಪನ್ ಟೆನಿಸ್ ಟೂರ್ನಿ: ಸುಮಿತ್, ಪ್ರಜ್ವಲ್ ಮೇಲೆ ನಿರೀಕ್ಷೆ

ಕುಸ್ತಿ: ಬೆಳ್ಳಿ ಕಡೆ ಗೆದ್ದ ದಾವಣಗೆರೆ ಯೋಗೇಶ್ ಪೈಲ್ವಾನ್

ಹಾಕಿ ಇಂಡಿಯಾ ಲೀಗ್: ಬೆಂಗಾಲ್ ಟೈಗರ್ಸ್ ಶುಭಾರಂಭ

ರಾಷ್ಟ್ರೀಯ ಥ್ರೋಬಾಲ್‌: ಕರ್ನಾಟಕ ತಂಡಗಳು ಚಾಂಪಿಯನ್‌

ಒಳನೋಟ | ಎಐ ಕಲಿತರಷ್ಟೇ ಕೆಲಸ: ಸೃಜನಶೀಲತೆ ಮತ್ತು ಸಹಜೀವನ ಅಗತ್ಯ

ಒಳನೋಟ | ಆನೆ ಕಾರಿಡಾರ್‌ ಕಣ್ಮರೆ: ಹೆಚ್ಚಿದ ಮಾನವ–ಕಾಡಾನೆ ಸಂಘರ್ಷ

ಒಳನೋಟ: ಹಾವೇರಿಯ ಬೀಜ ಕ್ರಾಂತಿ, ಚಿಗುರಿದ ಆರ್ಥಿಕತೆ

ಒಳನೋಟ | ಯುಕೆಪಿಗೆ ಇಚ್ಛಾಶಕ್ತಿ ಕೊರತೆ

ಚಿನಕುರುಳಿ: ಭಾನುವಾರ, 04 ಜನವರಿ, 2026

ಗುಂಡಣ್ಣ: ಭಾನುವಾರ, ಜನವರಿ ೦4, 2026

ವಾರ ಭವಿಷ್ಯ | 2026 ಜನವರಿ 4ರಿಂದ 10ರವರೆಗೆ: ದೈವಭಯ ನಿಮ್ಮನ್ನು ಕಾಡಬಹುದು

ರಸ್ತೆ ಮೇಲೆ ವಾಣಿವಿಲಾಸ ಜಲಾಶಯದ ಕೋಡಿ: ಹಿರಿಯೂರು–ಹೊಸದುರ್ಗ ಸಂಚಾರ ಅಪಾಯಕಾರಿ