ಉಡುಪಿ: ಕಡಲಾಮೆ ಮೊಟ್ಟೆಗೆ ಅರಣ್ಯ ಇಲಾಖೆ ಕಣ್ಗಾವಲು

ಕಡಲಾಮೆಗಳು ನವೆಂಬರ್‌ನಿಂದ ಜನವರಿವರೆಗೆ ಮೊಟ್ಟೆಯಿಡಲು ಸಮುದ್ರ ತೀರದತ್ತ ಬರುತ್ತವೆ. ಸಮುದ್ರದ ಅಲೆ ತಲುಪುವ ಜಾಗದಿಂದ 50ರಿಂದ 100 ಅಡಿ ದೂರದಲ್ಲಿ ಕಸ ಇರದ ಸ್ವಚ್ಛ ಜಾಗವನ್ನು ಮೊಟ್ಟೆ ಇಡಲು ಆಯ್ದುಕೊಳ್ಳುವ ಕಡಲಾಮೆ ಯಾವುದೇ ಅಪಾಯವಿಲ್ಲ ಎನ್ನುವುದನ್ನು ಮೊದಲು ಖಾತ್ರಿ ಪಡಿಸಿಕೊಳ್ಳುತ್ತದೆ. ಕಡಲಾಮೆಯು ಕಾಲುಗಳ ಸಹಾಯದಿಂದ ಮರಳು ಅಗೆದು 3ರಿಂದ 4 ಅಡಿ ಹೊಂಡದೊಳಗೆ 100ರಿಂದ 120 ಮೊಟ್ಟೆಗಳನ್ನು ಇಟ್ಟು ಮರಳನ್ನು ಪುನಃ ಮುಚ್ಚುತ್ತದೆ. ಅಲ್ಲೇನೂ ಕುರುಹು ಸಿಗದಂತೆ ತನ್ನ ಹೆಜ್ಜೆ ಗುರುತುಗಳನ್ನು ಗೊಂದಲಕಾರಿಯಾಗಿ ಮೂಡಿಸಿ ಕಡಲಿಗೆ ಮರಳುತ್ತದೆ ಎಂದು ಬೈಂದೂರು ವಲಯ ಅರಣ್ಯಾಧಿಕಾರಿ ಸಂದೇಶ್‌ ಕುಮಾರ್‌ ತಿಳಿಸಿದರು.