ಮಲ್ಪೆ: ಬಲೆಗೆ ಬಿದ್ದ ಅಪರೂಪದ, ಅಳಿವಿನಂಚಿನಲ್ಲಿರುವ 'ಗರಗಸ ಮೀನು'

ಉಡುಪಿ: ಮಲ್ಪೆ ಸಮುದ್ರದಲ್ಲಿ ಈಚೆಗೆ ಮೀನುಗಾರರ ಬಲೆಗೆ ಅಳಿವಿನಂಚಿನಲ್ಲಿರುವ ಪ್ರಬೇಧವಾಗಿರುವ ಗರಗಸ (ಸಾಫಿಶ್) ಮೀನು ಬಿದ್ದಿದೆ.

. 10 ಅಡಿ ಉದ್ದ ಹಾಗೂ 100 ಕೆ.ಜಿಗೂ ಹೆಚ್ಚು ತೂಕವಿರುವು ಮೀನಿನ ಹಲ್ಲುಗಳು ಗರಗಸ ಮಾದರಿಯಲ್ಲಿವೆ. ’ಪ್ರಿಸ್ಟಿಸ್ ಪ್ರಿಸ್ಟಿಸ್‘ ಮೀನಿನ ವೈಜ್ಞಾನಿಕ ಹೆಸರಾಗಿದ್ದು, ಮೂರು ಪ್ರಬೇಧಗಳನ್ನು ಕಾಣಬಹುದು. ಒಂದು ಪ್ರಬೇಧ ಸಿಹಿನೀರು, ಅಳಿವೆ ಹಾಗೂ ಸಮುದ್ರದಲ್ಲಿ ಹಾಗೂ ಉಳಿದ ಎರಡು ಪ್ರಬೇಧಗಳು ಸಮುದ್ರ ಹಾಗೂ ಅಳಿವೆಯಲ್ಲಿ ಮಾತ್ರ ಕಾಣಸಿಗುತ್ತವೆ ಎಂದು ಕರ್ನಾಟಕ ವಿವಿ ಕಡಲ ಜೀವಿಶಾಸ್ತ್ರ ವಿಭಾಗದ ಸಹಾಯಕ ಪ್ರಾಧ್ಯಾಪಕ ಡಾ.ಶಿವಕುಮಾರ ಹರಗಿ ಮಾಹಿತಿ ನೀಡಿದರು.

. ಸಮಶೀತೋಷ್ಣ ಹಾಗೂ ಉಷ್ಣವಲಯದ ಸಮುದ್ರಗಳಲ್ಲಿ ಕಾಣಿಸಿಕೊಳ್ಳುವ ಮೀನು ಅಳಿವಿನಂಚಿನಲ್ಲಿರುವ ಕಾರಣ ಶೆಡ್ಯೂಲ್ ಒಂದಕ್ಕೆ ಸೇರಿಸಲಾಗಿದೆ. ಮೀನಿನ ಬೇಟೆ ನಿಷಿದ್ಧವಾಗಿದ್ದು, ಶಿಕ್ಷಾರ್ಹ ಅಪರಾಧವಾಗಿದೆ.

. ಗರಗಸ ಮೀನು ಪ್ರೌಢಾವಸ್ಥೆ ತಲುಪಲು 7 ರಿಂದ 12 ವರ್ಷ ತೆಗೆದುಕೊಳ್ಳುತ್ತದೆ. ಮೊಟ್ಟೆಯ ಬದಲಾಗಿ ಗರಿಷ್ಠ 20 ಮರಿಗಳನ್ನು ಮಾತ್ರ ಹಾಕುತ್ತದೆ. ಈ ಎರಡೂ ಕಾರಣಗಳಿಂದ ಮೀನಿನ ಸಂತತಿ ಕ್ಷೀಣವಾಗಿದೆ ಎಂದು ಡಾ.ಹರಗಿ ತಿಳಿಸಿದರು.

. ಶಾರ್ಕ್ (ಬಾಯಿ ಕೆಳಗಿರುವ ಮೀನು) ಪ್ರಬೇಧಕ್ಕೆ ಸೇರಿರುವ ಈ ಮೀನು ಚೂಪಾದ ಗರಗಸದಿಂದ ದಾಳಿ ಮಾಡಿ ಇತರೆ ಜಾತಿಯ ಮೀನುಗಳು, ಶಂಕು, ಸೀಗಡಿಯನ್ನು ತಿನ್ನುತ್ತದೆ. ಸಾಮಾನ್ಯವಾಗಿ 20 ಮೀಟರ್ ಆಳದ ಸಮುದ್ರದಲ್ಲಿ ಜೀವಿಸುತ್ತದೆ.

. ಸಂತಾನೋತ್ಪತ್ತಿಗೆ ಹೆಚ್ಚು ಅವಧಿ ತೆಗೆದುಕೊಳ್ಳುವ ಹಾಗೂ ಆಕಸ್ಮಿಕವಾಗಿ ಬಲೆಗೆ ಬಿದ್ದು ಮೃತಪಡುತ್ತಿರುವ ಕಾರಣ ಗರಗಸ ಮೀನು ಅಳಿವಿನಂಚಿನಲ್ಲಿದೆ. ಬಲೆಗೆ ಗರಗಸ ಮೀನು ಸಿಕ್ಕರೆ ಮರಳಿ ಸಮುದ್ರಕ್ಕೆ ಬಿಡುವ ಮೂಲಕ ಅವಸಾನದ ಅಂಚಿನಲ್ಲಿರುವ ಮೀನಿನ ಸಂತತಿಯನ್ನು ಉಳಿಸಲು ಮೀನುಗಾರರು ಸಹಕಾರ ನೀಡಬೇಕು ಎಂದು ಡಾ.ಶಿವಕುಮಾರ್ ಹರಗಿ ಮನವಿ ಮಾಡಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮಲ್ಪೆ: ಬಲೆಗೆ ಬಿದ್ದ ಅಪರೂಪದ, ಅಳಿವಿನಂಚಿನಲ್ಲಿರುವ 'ಗರಗಸ ಮೀನು'

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ಮನೆಯೂಟ ಕಾಯುತ್ತಿದೆ... ಬಾಹ್ಯಾಕಾಶದಿಂದ ಮರಳಿದ ಶುಕ್ಲಾಗೆ ಪತ್ನಿ ಸ್ವಾಗತ

ಮತ್ತೆ ಒಂದಾದ ಅನಂತನಾಗ್-ಲಕ್ಷ್ಮಿ

ಫಿಡೆ ಮಹಿಳಾ ವಿಶ್ವಕಪ್‌ ಟೂರ್ನಿ: ಎಂಟರ ಘಟ್ಟಕ್ಕೆ ಭಾರತದ ನಾಲ್ವರು

ದಾಖಲೆ ಉತ್ತಮಪಡಿಸಿಕೊಂಡ ಶ್ರೀಹರಿ

ಫುಟ್‌ಬಾಲ್‌: ಮತ್ತೆ ಗೋವಾ ತಂಡಕ್ಕೆ ಮಾರ್ಕ್ವೆಝ್

ಹಾಕಿ: ಭಾರತ ಎ ತಂಡಕ್ಕೆ ಸೋಲು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ಮನೆಯೂಟ ಕಾಯುತ್ತಿದೆ... ಬಾಹ್ಯಾಕಾಶದಿಂದ ಮರಳಿದ ಶುಕ್ಲಾಗೆ ಪತ್ನಿ ಸ್ವಾಗತ

ಮತ್ತೆ ಒಂದಾದ ಅನಂತನಾಗ್-ಲಕ್ಷ್ಮಿ