<p><strong>ಭಟ್ಕಳ: </strong>ಸಮುದ್ರದ ಒಡಲನ್ನೇ ನಂಬಿಕೊಂಡು ಸಮುದ್ರಕ್ಕಿಳಿದ ಮೀನುಗಾರರ ನಿರೀಕ್ಷೆ ಈ ಬಾರಿ ಹುಸಿಯಾಗುತ್ತಿದೆ. ಎರಡು ತಿಂಗಳು ಮೀನುಗಾರಿಕೆ ನಿಷೇಧದ ನಂತರ ಮೀನುಗಾರಿಕೆಗೆ ತೆರಳಿದ ಮೀನುಗಾರರು, ನಿರೀಕ್ಷಿತ ಪ್ರಮಾಣದಲ್ಲಿ ಮೀನು ಸಿಗದೆ ದಡಕ್ಕೆ ಹಿಂದಿರುಗುತ್ತಿದ್ದಾರೆ.</p>.<p>ಮಳೆಗಾಲದ ನಿಷೇಧದ ನಂತರ ನಡೆಯುವ ಮೀನುಗಾರಿಕೆಯ ಆರಂಭಿಕ ತಿಂಗಳಲ್ಲಿ ಹೇರಳವಾಗಿ ಮೀನುಗಳು ಸಿಗುತ್ತಿದ್ದವು. ಮೀನುಗಾರರಿಗೆ ಉತ್ತಮ ಆದಾಯ ನೀಡುವ ಬಂಗಡೆ, ಪಾಂಫ್ರೆಟ್ ಹಾಗೂ ಆಂಜೆಲ್ ಮೀನುಗಳು ಈ ಸಮಯದಲ್ಲಿ ಬಲೆಗೆ ಬೀಳುತ್ತಿದ್ದವು. ಕೋಟ್ಯಂತರ ರೂಪಾಯಿ ವಿನಿಯೋಗಿಸಿ ಪರ್ಸೀನ್ ದೋಣಿಗಳ ಮೀನುಗಾರಿಕೆ ಮಾಡುವ ಮೀನುಗಾರರಿಗೆ ಈ ಸಮಯದಲ್ಲಿ ಸಿಗುವ ಮೀನುಗಳಿಂದ ಆರ್ಥಿಕ ಶಕ್ತಿ ಸಿಗುತ್ತಿತ್ತು. ಜೀವನ ನಿರ್ವಹಣೆ ಮತ್ತು ಸಾಲ ಮರುಪಾವತಿಗೆ ಇದನ್ನೇ ಮೀನುಗಾರರು ಅವಲಂಬಿಸಿದ್ದಾರೆ.</p>.<p>ಈ ಬಾರಿ ಪ್ರಾರಂಭದ ದಿನಗಳಲ್ಲೇ ಭಟ್ಕಳ ಬಂದರಿನಲ್ಲಿ ಮೀನಿನ ಕೊರತೆ ಕಾಣುತ್ತಿದ್ದು, ಮೀನುಗಾರರು ಕಂಗಾಲಾಗಿದ್ದಾರೆ. ಚಮನ್ ಎಂಬ ಎಣ್ಣೆಗೆ ಉಪಯುಕ್ತವಾಗುವ ಮೀನುಗಳು ಬಲೆಗೆ ಹೇರಳವಾಗಿ ಬೀಳುತ್ತಿದೆ. ಇದರ ಮಾರಾಟದಿಂದ ಬರುವ ಆದಾಯವು ದೋಣಿ ನಿರ್ವಹಣೆ ವೆಚ್ಚಕ್ಕೆ ಕೂಡ ಸಾಕಾಗುವುದಿಲ್ಲ ಎನ್ನುತ್ತಾರೆ ಮೀನುಗಾರರು.</p>.<p>ಈಗಾಗಲೇ ಕೊರೊನಾ ಸೋಂಕು ಭೀತಿ ಮತ್ತು ಲಾಕ್ಡೌನ್ನಿಂದ ಕಂಗೆಟ್ಟಿರುವ ಮೀನುಗಾರರು ಈ ಬಾರಿ ಮೀನುಗಾರಿಕೆಯ ಮೇಲೆ ತುಂಬಾ ನಿರೀಕ್ಷೆ ಇಟ್ಟಿದ್ದರು. ಆದರೆ, ಈ ಬಾರಿ ಮೀನುಗಾರಿಕೆ ಆರಂಭದಲ್ಲಿಯೇ ಮತ್ಸ್ಯಕ್ಷಾಮ ತಲೆದೋರಿರುವುದು ಮೀನುಗಾರರನ್ನು ಚಿಂತೆಗೀಡು ಮಾಡಿದೆ.</p>.<p>ತಾಜಾ ಮೀನು ತಿನ್ನುವ ನಿರೀಕ್ಷೆಯಲ್ಲಿದ್ದ ಮಾಂಸಾಹಾರ ಪ್ರಿಯರಿಗೆ ಮತ್ಸ್ಯಕ್ಷಾಮ ಬೇಸರ ಮೂಡಿಸಿದೆ. ತಿಂಗಳುಗಳ ಕಾಲ ಸಂಸ್ಕರಿಸಿದ ಮೀನು ತಿನ್ನುತ್ತಿದ್ದ ಮೀನು ಖಾದ್ಯ ಪ್ರಿಯರು, ದೂರದ ಕೇರಳ ಹಾಗೂ ಮುಂಬೈನಿಂದ ಬರುವ ಸಂಸ್ಕರಿಸಿದ ಮೀನುಗಳನ್ನೇ ನೆಚ್ಚಿಕೊಳ್ಳುವಂತಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಭಟ್ಕಳ: </strong>ಸಮುದ್ರದ ಒಡಲನ್ನೇ ನಂಬಿಕೊಂಡು ಸಮುದ್ರಕ್ಕಿಳಿದ ಮೀನುಗಾರರ ನಿರೀಕ್ಷೆ ಈ ಬಾರಿ ಹುಸಿಯಾಗುತ್ತಿದೆ. ಎರಡು ತಿಂಗಳು ಮೀನುಗಾರಿಕೆ ನಿಷೇಧದ ನಂತರ ಮೀನುಗಾರಿಕೆಗೆ ತೆರಳಿದ ಮೀನುಗಾರರು, ನಿರೀಕ್ಷಿತ ಪ್ರಮಾಣದಲ್ಲಿ ಮೀನು ಸಿಗದೆ ದಡಕ್ಕೆ ಹಿಂದಿರುಗುತ್ತಿದ್ದಾರೆ.</p>.<p>ಮಳೆಗಾಲದ ನಿಷೇಧದ ನಂತರ ನಡೆಯುವ ಮೀನುಗಾರಿಕೆಯ ಆರಂಭಿಕ ತಿಂಗಳಲ್ಲಿ ಹೇರಳವಾಗಿ ಮೀನುಗಳು ಸಿಗುತ್ತಿದ್ದವು. ಮೀನುಗಾರರಿಗೆ ಉತ್ತಮ ಆದಾಯ ನೀಡುವ ಬಂಗಡೆ, ಪಾಂಫ್ರೆಟ್ ಹಾಗೂ ಆಂಜೆಲ್ ಮೀನುಗಳು ಈ ಸಮಯದಲ್ಲಿ ಬಲೆಗೆ ಬೀಳುತ್ತಿದ್ದವು. ಕೋಟ್ಯಂತರ ರೂಪಾಯಿ ವಿನಿಯೋಗಿಸಿ ಪರ್ಸೀನ್ ದೋಣಿಗಳ ಮೀನುಗಾರಿಕೆ ಮಾಡುವ ಮೀನುಗಾರರಿಗೆ ಈ ಸಮಯದಲ್ಲಿ ಸಿಗುವ ಮೀನುಗಳಿಂದ ಆರ್ಥಿಕ ಶಕ್ತಿ ಸಿಗುತ್ತಿತ್ತು. ಜೀವನ ನಿರ್ವಹಣೆ ಮತ್ತು ಸಾಲ ಮರುಪಾವತಿಗೆ ಇದನ್ನೇ ಮೀನುಗಾರರು ಅವಲಂಬಿಸಿದ್ದಾರೆ.</p>.<p>ಈ ಬಾರಿ ಪ್ರಾರಂಭದ ದಿನಗಳಲ್ಲೇ ಭಟ್ಕಳ ಬಂದರಿನಲ್ಲಿ ಮೀನಿನ ಕೊರತೆ ಕಾಣುತ್ತಿದ್ದು, ಮೀನುಗಾರರು ಕಂಗಾಲಾಗಿದ್ದಾರೆ. ಚಮನ್ ಎಂಬ ಎಣ್ಣೆಗೆ ಉಪಯುಕ್ತವಾಗುವ ಮೀನುಗಳು ಬಲೆಗೆ ಹೇರಳವಾಗಿ ಬೀಳುತ್ತಿದೆ. ಇದರ ಮಾರಾಟದಿಂದ ಬರುವ ಆದಾಯವು ದೋಣಿ ನಿರ್ವಹಣೆ ವೆಚ್ಚಕ್ಕೆ ಕೂಡ ಸಾಕಾಗುವುದಿಲ್ಲ ಎನ್ನುತ್ತಾರೆ ಮೀನುಗಾರರು.</p>.<p>ಈಗಾಗಲೇ ಕೊರೊನಾ ಸೋಂಕು ಭೀತಿ ಮತ್ತು ಲಾಕ್ಡೌನ್ನಿಂದ ಕಂಗೆಟ್ಟಿರುವ ಮೀನುಗಾರರು ಈ ಬಾರಿ ಮೀನುಗಾರಿಕೆಯ ಮೇಲೆ ತುಂಬಾ ನಿರೀಕ್ಷೆ ಇಟ್ಟಿದ್ದರು. ಆದರೆ, ಈ ಬಾರಿ ಮೀನುಗಾರಿಕೆ ಆರಂಭದಲ್ಲಿಯೇ ಮತ್ಸ್ಯಕ್ಷಾಮ ತಲೆದೋರಿರುವುದು ಮೀನುಗಾರರನ್ನು ಚಿಂತೆಗೀಡು ಮಾಡಿದೆ.</p>.<p>ತಾಜಾ ಮೀನು ತಿನ್ನುವ ನಿರೀಕ್ಷೆಯಲ್ಲಿದ್ದ ಮಾಂಸಾಹಾರ ಪ್ರಿಯರಿಗೆ ಮತ್ಸ್ಯಕ್ಷಾಮ ಬೇಸರ ಮೂಡಿಸಿದೆ. ತಿಂಗಳುಗಳ ಕಾಲ ಸಂಸ್ಕರಿಸಿದ ಮೀನು ತಿನ್ನುತ್ತಿದ್ದ ಮೀನು ಖಾದ್ಯ ಪ್ರಿಯರು, ದೂರದ ಕೇರಳ ಹಾಗೂ ಮುಂಬೈನಿಂದ ಬರುವ ಸಂಸ್ಕರಿಸಿದ ಮೀನುಗಳನ್ನೇ ನೆಚ್ಚಿಕೊಳ್ಳುವಂತಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
