ಬಿಸಿಲ ಬೇಗೆ, ಬೇಸಿಗೆ ರಜೆ: ಈಜುಪಟುಗಳ ಮನಸೆಳೆದ ಈಜುಕೊಳ

ಶಿರಸಿ : ಕೋವಿಡ್ ಕಾರಣಕ್ಕೆ ಕಳೆದ ಎರಡು ವರ್ಷಗಳಿಂದ ಬೇಸಿಗೆ ಅವಧಿಯಲ್ಲಿ ಸ್ಥಗಿತಗೊಂಡಿದ್ದ ಈಜುಕೊಳ ಈ ಬಾರಿ ಜನರನ್ನು ಆಕರ್ಷಿಸುತ್ತಿದೆ.

. ಬಿಸಿಲ ಬೇಗೆ ಹೆಚ್ಚುತ್ತಿರುವ ಜತೆಗೆ ಬೇಸಿಗೆ ರಜಾ ಅವಧಿಯೂ ಇರುವ ಕಾರಣ ಈಜುಕೊಳಕ್ಕೆ ಭೇಟಿ ನೀಡುವವರ ಸಂಖ್ಯೆ ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿದೆ. ಪ್ರತಿನಿತ್ಯಸ ರಾಸರಿ 50 ರಿಂದ 70 ಜನ ಈಜುಕೊಳಕ್ಕೆ ಭೇಟಿ ನೀಡುತ್ತಿದ್ದಾರೆ.

. ನಗರಸಭೆಗೆ ಸೇರಿದ ಈಜುಕೊಳವನ್ನು ಬೆಂಗಳೂರಿನ ಖಾಸಗಿ ಸಂಸ್ಥೆ ನಿರ್ವಹಣೆ ಗುತ್ತಿಗೆ ಪಡೆದುಕೊಂಡಿದೆ. ಕೋವಿಡ್ ಕಾರಣಕ್ಕೆ ಹಿಂದಿನ ಎರಡು ವರ್ಷ ಬಹುತೇಕ ದಿನಗಳ ಕಾಲ ಈಜುಕೊಳ ಮುಚ್ಚಲ್ಪಟ್ಟಿತ್ತು. ಈ ಬಾರಿ ಚೇತರಿಕೆ ಕಾಣುತ್ತಿದೆ.

. ಬೆಳಿಗ್ಗೆ 7 ರಿಂದ ಸಂಜೆ 6 ಗಂಟೆವರೆಗೆ ಎಂಟು ಬ್ಯಾಚುಗಳಿಗೆ ಈಜಲು ಅವಕಾಶ ಮಾಡಿಕೊಡಲಾಗುತ್ತಿದೆ. ಈ ಪೈಕಿ ಹತ್ತಾರು ಜನರು ಈಜು ಕಲಿಯಲು ಬರತೊಡಗಿದ್ದಾರೆ. ಮಕ್ಕಳು, ಯುವಕರು, ಮಧ್ಯ ವಯಸ್ಕರು, ಮಹಿಳೆಯರು ಈಜು ಕಲಿಯಲು ಆಸಕ್ತಿ ತೋರುತ್ತಿದ್ದಾರೆ.

. ‘ಈಜು ಕಲಿಯಲು ಬರುವವರಿಗೆ ಬೇಸಿಗೆ ರಜಾ ಅವಧಿ ಸೂಕ್ತವಾಗಿದೆ. ಕೋವಿಡ್ ಕಾರಣಕ್ಕೆ ಎರಡು ವರ್ಷ ಈ ಅವಕಾಶ ಸಿಕ್ಕಿರಲಿಲ್ಲ. ಲಾಕ್ಡೌನ್, ಕಠಿಣ ನಿಯಮಗಳ ಕಾರಣಕ್ಕೆ ಈಜುಕೊಳ ಮುಚ್ಚಿದ್ದವು. ಹೀಗಾಗಿ ಈ ಬಾರಿ ಹೆಚ್ಚಿನ ಸಂಖ್ಯೆಯಲ್ಲಿ ಈಜು ಕಲಿಯಲು, ಈಜುಪಟುಗಳು ಭೇಟಿ ನೀಡುತ್ತಿದ್ದಾರೆ’ ಎನ್ನುತ್ತಾರೆ ಈಜು ತರಬೇತುದಾರ ಮಾರುತಿ ತುಮಕೂರು.

. ‘ನಿರ್ವಹಣೆ ಅವಧಿಯ ಮೂರು ವರ್ಷದ ಪೈಕಿ ಎರಡು ವರ್ಷಗಳ ಕಾಲ ಬಹುತೇಕ ಈಜುಕೊಳ ಸ್ಥಗಿತಗೊಂಡಿತ್ತು. ಅಲ್ಪ ದಿನಗಳ ಕಾಲ ಈಜುಕೊಳ ಆರಂಭಿಸಿದ್ದರೂ ಜನರು ಬರದ ಕಾರಣ ಆದಾಯವೂ ಇರಲಿಲ್ಲ. ಸ್ವಚ್ಛತೆ, ವಿದ್ಯುತ್ ಬಿಲ್ ವೆಚ್ಚ, ಸಿಬ್ಬಂದಿ ವೇತನ ನೀಡಲು ಪರದಾಡುವ ಸ್ಥಿತಿ ಉಂಟಾಗಿತ್ತು’ ಎಂದು ಹಿಂದಿನ ಸಮಸ್ಯೆ ವಿವರಿಸುತ್ತಾರೆ ಈಜುಕೊಳ ಗುತ್ತಿಗೆ ಪಡೆದ ಸಂಸ್ಥೆಯ ಪ್ರಮುಖರೊಬ್ಬರು.

. ‘ಮಾರ್ಚ್ ಮಧ್ಯಂತರದ ಬಳಿಕದಿಂದ ಈಜಲು ಬರುವವರ ಸಂಖ್ಯೆಯಲ್ಲಿ ಗಣನೀಯ ಹೆಚ್ಚಳವಾಗಿದೆ. ಬೇಸಿಗೆ ಶಿಬಿರದ ಮೂಲಕ ಮಕ್ಕಳಿಗೆ ಈಜು ಕಲಿಸಲು ಆದ್ಯತೆ ನೀಡಲಾಗಿದೆ’ ಎಂದರು.

. ಈಜು ಕಲಿಕೆಗೆ ಅವಕಾಶ ಸಿಕ್ಕಿದೆ:

. ‘ಬೇಸಿಗೆ ರಜೆಯಲ್ಲಿ ಮಕ್ಕಳಿಗೆ ಈಜು ಕಲಿಸುವ ಹಂಬಕ್ಕೆ ಕೋವಿಡ್ ತಣ್ಣೀರು ಎರಚಿತ್ತು. ಆದರೆ ಈ ಬಾರಿ ರಜಾ ಅವಧಿ ಕಡಿಮೆ ಇದ್ದರೂ ಉಳಿದ ಚಟುವಟಿಕೆಗಿಂತ ಈಜು ಕಲಿಸಲು ನಿರ್ಧರಿಸಿದ್ದೇವೆ. ನಗರಸಭೆಯ ಈಜುಕೊಳದಲ್ಲಿ ತರಬೇತಿಯೂ ಸಿಗುತ್ತಿರುವುದು ಅನುಕೂಲವಾಗಿದೆ’ ಎನ್ನುತ್ತಾರೆ ಪಾಲಕ ಆದರ್ಶ ನಗರದ ಮಂಜುನಾಥ್.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬಿಸಿಲ ಬೇಗೆ, ಬೇಸಿಗೆ ರಜೆ: ಈಜುಪಟುಗಳ ಮನಸೆಳೆದ ಈಜುಕೊಳ

ಚಿನಕುರುಳಿ Cartoon: 11 ಜುಲೈ 2025

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಯುಪಿಐ ವಹಿವಾಟು ₹40 ಲಕ್ಷ ದಾಟಿದ್ದರೆ ವ್ಯಾಪಾರಿಗಳಿಗೆ ಜಿಎಸ್‌ಟಿ ನೋಟಿಸ್‌

ಡ್ಯೂಕ್ ಚೆಂಡಿನ ಗುಣಮಟ್ಟ ಹೆಚ್ಚಳಕ್ಕೆ ಬದ್ಧ: ಬ್ರಿಟಿಷ್ ಕ್ರಿಕೆಟ್ ಬಾಲ್ಸ್‌

Wimbledon 2025: ಪ್ರಶಸ್ತಿಗೆ ಅಲ್ಕರಾಜ್–ಸಿನ್ನರ್ ಸೆಣಸಾಟ

ಆ.11ರಿಂದ ಮಹಾರಾಜ ಟ್ರೋಫಿ: ಪ್ರೇಕ್ಷಕರಿಗೆ ಇಲ್ಲ ಅವಕಾಶ

ರಾಜ್ಯ ಕಿರಿಯರ ಈಜು: ದಕ್ಷಣ್‌, ಶರಣ್‌ ಕೂಟ ದಾಖಲೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಯುಪಿಐ ವಹಿವಾಟು ₹40 ಲಕ್ಷ ದಾಟಿದ್ದರೆ ವ್ಯಾಪಾರಿಗಳಿಗೆ ಜಿಎಸ್‌ಟಿ ನೋಟಿಸ್‌