ಮುಂಡಗೋಡ: ಹೆದ್ದಾರಿ ಪಕ್ಕ ಮಾವು ಮಾರಾಟ ಜೋರು

‘ಪಾಳಾ ಕ್ರಾಸ್ ಬಳಿ ಕಿರಿದಾದ ಹೆದ್ದಾರಿ ಬದಿಯಲ್ಲಿ ವಾಹನ ನಿಲ್ಲಿಸಿ ಹಣ್ಣುಗಳನ್ನು ಕೊಂಡುಕೊಳ್ಳಲು ಹೋಗುವಾಗ ಪ್ರಯಾಣಿಕರು ತುಸು ಎಚ್ಚರಿಕೆ ವಹಿಸಬೇಕು. ಕೆಲವೊಮ್ಮೆ ಅವಘಡಗಳು ಸಂಭವಿಸಿದ ಘಟನೆಗಳೂ ಇಲ್ಲಿ ಜರುಗಿವೆ’ ಎನ್ನುತ್ತಾರೆ ಸ್ಥಳೀಯರು. ‘ಕೆಲವು ಬುಟ್ಟಿಗಳಲ್ಲಿ ಸಿಹಿ ಮಾವು ಸಿಕ್ಕರೇ ಇನ್ನೂ ಕೆಲವು ಬುಟ್ಟಿಗಳಲ್ಲಿ ಇನ್ನೂ ಪಕ್ವವಾಗದ ಆದರೆ ಬಣ್ಣ ಮೈದುಂಬಿಕೊಂಡಿರುವ ಹುಳಿ ಮಾವು ಸಹ ತಿಂದಿರುವ ಅನುಭವ ಪ್ರಯಾಣಿಕರಿಗೆ ಬಂದಿರುತ್ತದೆ. ಆರಂಭದಲ್ಲಿ ಸಿಹಿ ಹುಳಿ ಮಾವು ಬಹುತೇಕ ಕಂಡುಬರುತ್ತದೆ. ನಂತರದ ದಿನಗಳಲ್ಲಿ ಮಾಗಿದ ರಸಭರಿತ ಹಣ್ಣುಗಳಿಗೆ ಕೊರತೆಯಿಲ್ಲದಂತೆ ವ್ಯಾಪಾರ ನಡೆಯುತ್ತದೆ’ ಎನ್ನುತ್ತಾರೆ ಅವರು.