ಶಿರಸಿ: ಹಸಿ ಕೊಳೆ ಅಡಿಕೆ ತರುವವರ ಸಂಖ್ಯೆ ಕಡಿಮೆಯಾಗಿರುವ ಕಾರಣ ಶನಿವಾರ ಶಿರಸಿ ಮಾರುಕಟ್ಟೆಯಲ್ಲಿ ದರವು ಅಲ್ಪ ಚೇತರಿಕೆ ಕಂಡಿದೆ. 1 ಕೆ.ಜಿ ಅಡಿಕೆ ದರವು 30 ಪೈಸೆಯಿಂದ ₹1ಕ್ಕೆ ಏರಿಕೆಯಾಗಿದೆ.
‘ಗುರುವಾರದಿಂದ ನಗರದ ಸಹಕಾರ ಸಂಘಗಳಲ್ಲಿ ಹಸಿ ಕೊಳೆ ಅಡಿಕೆ ಟೆಂಡರ್ ಆರಂಭಗೊಂಡಿದ್ದು, ಮೊದಲೆರಡು ದಿನ 1 ಕೆ.ಜಿ ಹಸಿ ಕೊಳೆ ಅಡಿಕೆ ದರ ಸರಾಸರಿ 40 ಪೈಸೆ ಇತ್ತು. ಶುಕ್ರವಾರ ದರವು 30 ಪೈಸೆಗೆ ಇಳಿದ ಕಾರಣ ಶನಿವಾರ ಬೆಳೆಗಾರರು ಮಾರುಕಟ್ಟೆಯತ್ತ ಸುಳಿಯಲಿಲ್ಲ. ಹಾಗಾಗಿ, ವ್ಯಾಪಾರಸ್ಥರು ದರವನ್ನು ₹1ಕ್ಕೆ ಏರಿಕೆ ಮಾಡಿದ್ದಾರೆ.
‘ಹಸಿ ಕೊಳೆ ಅಡಿಕೆಯನ್ನು ನೇರವಾಗಿ ಮಾರುವ ಬದಲು ಸುಲಿದು, ಬೇಯಿಸಿ, ಒಣಗಿಸಿ ಮಾರಿದರೆ ಇಷ್ಟು ಕಡಿಮೆ ದರ ಪಡೆಯುವ ಅನಿವಾರ್ಯತೆ ಬರುವುದಿಲ್ಲ’ ಎಂದು ಕೃಷಿಕ ಮಹಾಬಲೇಶ್ವರ ಹೆಗಡೆ ಕೊಪ್ಪ ತಿಳಿಸಿದರು.
