World Environment day 2023 ನಾನು ಹಸಿರಾಗಿದ್ದೇನೆ, ನೀವು ತಂಪಾಗಿ...

ಶಿರಸಿ ತಾಲ್ಲೂಕಿನ ಕಳವೆ ಗ್ರಾಮದಲ್ಲಿ ಅಂದಾಜು 110 ಮನೆಗಳು ಸೇರಿ 400 ಎಕರೆಗೂ ಹೆಚ್ಚಿನ ಬೆಟ್ಟಭೂಮಿ ಇದೆ. ಗ್ರಾಮದ ಪ್ರತಿಯೊಬ್ಬರ ಸಹಕಾರದಲ್ಲಿ ಅದು ಸಮೃದ್ಧತೆ ಪಡೆದಿದೆ. ಪ್ರತಿ ಮನೆಗೆ ಸಂಬಂಧಿಸಿದ ಬೆಟ್ಟ ಪ್ರದೇಶದಲ್ಲಿ ವಿವಿಧ ಜಾತಿಗಳ ಗಿಡಗಳ ನಾಟಿ 20 ವರ್ಷಗಳಿಂದ ಸಾಗಿದೆ. ಅರಣ್ಯ ಇಲಾಖೆ ಸಹಕಾರದಲ್ಲಿ ಇಲ್ಲಿ ನಡೆಯುವ ಕಾರ್ಯಚಟುವಟಿಕೆ ರಾಜ್ಯದ ಗಮನ ಸೆಳೆದಿದೆ. ದಶಕಗಳ ಹಿಂದೆ ಹುಲ್ಲಿಗೆ ಉರುವಲಿಗೆ ಸೀಮಿತವಾಗಿದ್ದ ಕಳವೆಯ ಬೆಟ್ಟಗಳು ಈಗ ವೈವಿಧ್ಯತೆಯ ಹಸಿರು ಹೊದ್ದು ಗಮನ ಸೆಳೆಯುತ್ತಿವೆ.