ಹೂವಿನಹಡಗಲಿ (ವಿಜಯನಗರ ಜಿಲ್ಲೆ): ತಾಲ್ಲೂಕಿನ ಮೈಲಾರ ಗ್ರಾಮದ ಚೆಕ್ ಪೋಸ್ಟ್ ಬಳಿ ಶನಿವಾರ ಚುನಾವಣಾ ಸಿಬ್ಬಂದಿ ₹2.50 ಲಕ್ಷ ನಗದು ವಶಪಡಿಸಿಕೊಂಡಿದ್ದಾರೆ.
ಚೆಕ್ ಪೋಸ್ಟ್ ಸಿಬ್ಬಂದಿ ಗುತ್ತಲ ಕಡೆಯಿಂದ ಬರುತಿದ್ದ ಕಾರು ತಡೆದು ತಪಾಸಣೆ ನಡೆಸಿದಾಗ ನಗದು ಪತ್ತೆಯಾಗಿದೆ. ಇದಕ್ಕೆ ದಾಖಲೆ ಇಲ್ಲದ್ದರಿಂದ ನಗದು ವಶಪಡಿಸಿಕೊಳ್ಳಲಾಗಿದೆ.
ಹಿರೇಕೆರೂರು ತಾಲ್ಲೂಕು ಮಡ್ಲೂರಿನ ಮಹಾದೇವ ಎಂಬುವವರು ಮಾಗಳ ಗ್ರಾಮದ ಕೆ.ಹುಸೇನ್ ಸಾಬ್ ಎಂಬುವವರಿಗೆ ನೀಡಲು ನಗದು ಕೊಂಡೊಯ್ಯುತ್ತಿದ್ದರು. ಚೆಕ್ ಪೋಸ್ಟ್ ಸಿಬ್ಬಂದಿ ಮಾಹಿತಿ ಮೇರೆಗೆ ಜಾಗೃತ ದಳ ಅಧಿಕಾರಿ ಎಸ್.ಎಸ್.ಪ್ರಕಾಶ್ ಸ್ಥಳಕ್ಕೆ ಭೇಟಿ ನೀಡಿ ನಗದು ವಶಪಡಿಸಿಕೊಂಡರು.
