ಹೊಸಪೇಟೆ (ವಿಜಯನಗರ): ನಗರ ಹಾಗೂ ಗ್ರಾಮೀಣ ಭಾಗಗಳಲ್ಲಿ ಶುಕ್ರವಾರ ಸಂಜೆ ಬಿರುಸಿನ ಮಳೆಯಾಗಿದೆ.
ತಾಲ್ಲೂಕಿನ ಹಂಪಿ, ಕಮಲಾಪುರ, ಕಡ್ಡಿರಾಂಪುರ ಸುತ್ತಮುತ್ತ ಸಂಜೆ ಐದು ಗಂಟೆಗೆ ಬಿರುಗಾಳಿ ಸಮೇತ ಜೋರು ಮಳೆಯಾಗಿದೆ. ಗಂಟೆಗೂ ಹೆಚ್ಚು ಸಮಯ ಸತತ ವರ್ಷಧಾರೆಯಾಗಿದೆ. ಸಂಜೆ ಏಳು ಗಂಟೆ ವೇಳೆಗೆ ನಗರದಲ್ಲೂ ಮಳೆ ಸುರಿದಿದೆ. ರಾತ್ರಿ 8.15ರ ನಂತರವೂ ಜಿಟಿಜಿಟಿ ಮಳೆ ಮುಂದುವರೆದಿತ್ತು.
ಗುರುವಾರದಿಂದ ತಾಪಮಾನದಲ್ಲಿ ಹೆಚ್ಚಳವಾಗಿದ್ದರಿಂದ ಬಿಸಿಲು, ಸೆಕೆಯಿಂದ ಜನ ಬಳಲುತ್ತಿದ್ದರು. ಮಳೆಯಿಂದ ವಾತಾವರಣ ಸ್ವಲ್ಪ ತಂಪಾಗಿದೆ.
