ಹಗರಿಬೊಮ್ಮನಹಳ್ಳಿ | ಒಂದೇ ಕಡೆ ಫಲಪುಷ್ಪ ಗಿಡಗಳ ‘ಶತ‘ ಪ್ರಭೇದ

ಹಗರಿಬೊಮ್ಮನಹಳ್ಳಿ : ಅಳಿವಿನ ಅಂಚಿನಲ್ಲಿರುವ ಅಪರೂಪದ ಹೂವು ಮತ್ತು ಹಣ್ಣಿನ ಗಿಡಗಳ ಸಮೂಹವೇ ಇಲ್ಲಿದೆ. ಸಸ್ಯಗಳ ಜೀವಜಲದ ಕೊಂಡಿಯನ್ನು ಇಲ್ಲಿ ಮರು ಸ್ಥಾಪಿಸುವ ಕಾರ್ಯಕ್ಕೆ ಪಟ್ಟಣದ ‘ಗ್ರೀನ್ ಎಚ್ಬಿಎಚ್’ ತಂಡ ಮುಂದಾಗಿದೆ.

. ಪಟ್ಟಣದ 1ನೇ ವಾರ್ಡ್ನಲ್ಲಿರುವ ಪುರಸಭೆಯ ಮುಕ್ಕಾಲು ಎಕರೆಯ ಉದ್ಯಾನದಲ್ಲಿ ಗ್ರೀನ್ ಎಚ್ಬಿಎಚ್ ತಂಡದ ಸದಸ್ಯರ ಸತತ 6 ತಿಂಗಳ ಪರಿಶ್ರಮದಿಂದಾಗಿ ಒಟ್ಟು 100 ಪ್ರಭೇದಗಳ ಅಪರೂಪದ ಸಸ್ಯ ಸಂಕುಲವೇ ಇಲ್ಲಿ ಅಭಿವೃದ್ಧಿ ಹೊಂದುತ್ತಿದೆ. ತಲಾ ಒಂದೊಂದು ತಳಿಯ ಗಿಡ ಇಲ್ಲಿದೆ.

. ರಾಜ್ಯದ ಸವಣೂರು ಸೇರಿದಂತೆ ಕೇವಲ 5 ಕಡೆಗಳಲ್ಲಿ ಹೆಮ್ಮರವಾಗಿ ಬೆಳೆದು ನಿಂತಿರುವ ಆಫ್ರಿಕನ್ ತಳಿಯ ಆನೆಹುಣಿಸೆ (ಆಫ್ರಿಕನ್ ಬಾವೋಬಾಬ್) ಬೀಜಗಳನ್ನು ಅನ್ಯರಾಜ್ಯದಿಂದ ತರಿಸಿಕೊಂಡು ಬೀಜೊಪಚಾರ ಮಾಡಿದ 3 ತಿಂಗಳ ಗಿಡವೊಂದು ಬೆಳೆಯುವ ಹಂತದಲ್ಲಿದೆ. ಬೇರೆಡೆಯಿಂದ ತರಿಸಿದ್ದ 700 ಬೀಜಗಳನ್ನು ಮಾಲವಿಯ ಉದ್ಯಾನದಲ್ಲಿ ಬೀಜೊಪಚಾರದ ಮೂಲಕ ಜತನ ಮಾಡಿದ್ದರು, ಅವುಗಳಲ್ಲಿ ಉಳಿದವು 70 ಮಾತ್ರ, ಅದರಲ್ಲೊಂದು ಈಗ ಇಲ್ಲಿನ ಸಸ್ಯೋದ್ಯಾನದಲ್ಲಿದೆ.

. ಇದರೊಂದಿಗೆ ಬಲು ಅಪರೂಪ ಎನ್ನುವ ಕದಂಬ, ನಾಗಲಿಂಗ ಪುಷ್ಪ, ರಾತ್ರಿ ರಾಣಿ, ಹಗಲು ಮಲ್ಲಿಗೆ, ಮೂರೆಲೆ ಹೊನ್ನೆ, ಸೀಮೆ ಹುಣಸೆ, ರಾಮಫಲ, ಮನೋರಂಜನಿ, ಗುಲಾಬಿ ಸೇಬು, ಲಿಚ್ಚಿ, ಸೀಮೆ ಹಲಸು, ಲಕ್ಷ್ಮೀತರು, ಬೆಣ್ಣೆಹಣ್ಣು, ಬೇಲದ ಹಣ್ಣು, ಚಕ್ಕೋತ, ಹೀಪ್ಪೆ ಮರ, ಮದ್ದಾಲೆ-ಹಾಲೆ ಮರ, ನೀರು ಕಣಿಗಿಲೆ, ದೇವ ಕಣಗಲೆ, ಅಡಿಕೆ, ಚೆರಳಿ, ಕಾಜಪುಟೆ ಮರ, ಶ್ರೀಗಂಧ, ಅಮಾಟೆಕಾಯಿ ಸಹಿತ 100 ಪ್ರಭೇದಗಳು ಇಲ್ಲಿ ಲಭ್ಯ.

. ಪುರಸಭೆಯ ಪೌರಕಾರ್ಮಿಕರು ಈ ಕಾರ್ಯದಲ್ಲಿ ಕೈಜೋಡಿಸಿದ್ದಾರೆ, ಉದ್ಯಾನದಲ್ಲಿ ಹನಿ ನೀರಾವರಿ ಅಳವಡಿಸಲಾಗಿದೆ.

. ಜುಲೈ 30ರಂದು ಬೆಳಿಗ್ಗೆ ಉದ್ಘಾಟನೆ ಸಾರ್ವಜನಿಕರಿಗೆ ಉಚಿತ ಪ್ರವೇಶ ‘ಗ್ರೀನ್ ಎಚ್ಬಿಎಚ್’ ತಂಡದ ವಿಶಿಷ್ಟ ಸೇವೆ

. ಸ್ಥಳೀಯ ಸೇರಿದಂತೆ ವಿವಿಧ ರಾಜ್ಯಗಳಿಂದ ಬೀಜಗಳನ್ನು ತರಿಸಿ ಗಿಡ ಬೆಳೆಸಲಾಗಿದೆ. ಶೀಘ್ರದಲ್ಲಿಯೇ ಇದೊಂದು ಅಪರೂಪದ ಬಟಾನಿಕಲ್ ಗಾರ್ಡನ್ ಆಗಲಿದೆ ಅಶೋಕ ಬಾವಿಕಟ್ಟಿ ಗ್ರೀನ್ ಎಚ್ಬಿಎಚ್ ತಂಡದ ಸದಸ್ಯ . ಗಿಡಗಳಿಗೆ ಕ್ಯೂಆರ್ ಕೋಡ್ ಅಳವಡಿಕೆ ಉದ್ಯಾನದಲ್ಲಿರುವ ಎಲ್ಲ 100 ಗಿಡಗಳಿಗೂ ಅದರ ವೈಜ್ಞಾನಿಕ ಮತ್ತು ಸಾಮಾನ್ಯ ಹೆಸರು ವಂಶಾಭಿವೃದ್ಧಿ ಮಾಹಿತಿ ಸುಲಭವಾಗಿ ತಿಳಿಯಲಿ ಎನ್ನುವ ಉದ್ದೇಶದಿಂದ ಪ್ರತ್ಯೇಕವಾಗಿ ಕ್ಯೂಆರ್ ಕೋಡ್ ಅಳವಡಿಸಲಾಗಿದೆ ಮೊಬೈಲ್ನಿಂದ ಸ್ಕ್ಯಾನ್ ಮಾಡಿದರೆ ಸಮಗ್ರ ವಿವರಣೆ ದೊರೆಯಲಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹಗರಿಬೊಮ್ಮನಹಳ್ಳಿ | ಒಂದೇ ಕಡೆ ಫಲಪುಷ್ಪ ಗಿಡಗಳ ‘ಶತ‘ ಪ್ರಭೇದ

ಚಿನಕುರುಳಿ Cartoon: 31 ಜುಲೈ 2025

ಚುರುಮುರಿ: ಜನರಿಗೆ ಪ್ರವೇಶವಿಲ್ಲ!

ದಿನ ಭವಿಷ್ಯ: ಆಫೀಸಿನಲ್ಲಿ ಅಚ್ಚರಿಯ ಸಂಗತಿಗಳು ನಡೆಯಲಿವೆ

ಜಂಟಿ ಹೊಣೆಗಾರಿಕೆ ಗುಂಪಿಗೆ ‘ಗೃಹಲಕ್ಷ್ಮಿ’ಯರು

Pro Kabaddi League |ಆಗಸ್ಟ್ 29ರಿಂದ 12ನೇ ಆವೃತ್ತಿ ಆರಂಭ: 4 ತಾಣಗಳಲ್ಲಿ ಪಂದ್ಯ

IND vs ENG 5th Test: ಮಳೆ ಅಡಚಣೆ; ಭಾರತ 85/3

ಚೆಸ್‌ ಚಾಂಪಿಯನ್‌ಷಿಪ್‌: ಯುವನೇಶ್‌, ಶ್ರೇಯಾ ಚಾಂಪಿಯನ್

ವಿಶ್ವ ಈಜು ಚಾಂಪಿಯನ್‌ಷಿಪ್‌: ಚಿನ್ನದ ಬೇಟೆ ಆರಂಭಿಸಿದ ಮರ್ಷಾನ್‌

ಒಳನೋಟ | ‘ಉತ್ತರ’ದ ಪ್ರತಿಭಾ ವಲಸೆ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಚಿನಕುರುಳಿ Cartoon: 31 ಜುಲೈ 2025

ಚುರುಮುರಿ: ಜನರಿಗೆ ಪ್ರವೇಶವಿಲ್ಲ!

ದಿನ ಭವಿಷ್ಯ: ಆಫೀಸಿನಲ್ಲಿ ಅಚ್ಚರಿಯ ಸಂಗತಿಗಳು ನಡೆಯಲಿವೆ

ಜಂಟಿ ಹೊಣೆಗಾರಿಕೆ ಗುಂಪಿಗೆ ‘ಗೃಹಲಕ್ಷ್ಮಿ’ಯರು