ಯಾದಗಿರಿ | ಜುಲೈನಲ್ಲಿ ಮಳೆ ಕೊರತೆ: ಕಡಿಮೆ ಬಿತ್ತನೆ

ಜೂನ್‌ ತಿಂಗಳಲ್ಲಿ ವಾಡಿಕೆ ಮಳೆ 129.6 ಮಿಲಿ ಮೀಟರ್‌ (ಎಂಎಂ) ಇದ್ದು, 121.7 ಎಂಎಂ ಮಳೆಯಾಗಿದೆ. ಜುಲೈ ತಿಂಗಳಲ್ಲಿ 138.8 ವಾಡಿಕೆ ಮಳೆ ಇದ್ದು, 69.1 ಎಂಎಂ ಮಳೆ ಸುರಿದಿದೆ. ಇದು ಬಿತ್ತನೆ ಕಡಿಮೆಯಾಗಲು ಕಾರಣವಾಗಿದೆ.

ಜಿಲ್ಲೆಯಲ್ಲಿ ಜೂನ್‌ 1ರಿಂದ ಆಗಸ್ಟ್‌ 1 ರವರೆಗೆ 273.9 ಎಂಎಂ ವಾಡಿಕೆ ಮಳೆ ಇತ್ತು. 198 ಎಂಎಂ ಮಳೆಯಾಗಿದೆ. ಜನವರಿ 1ರಿಂದ ಆಗಸ್ಟ್‌ 1 ರವರೆಗೆ 361.3 ಎಂಎಂ ವಾಡಿಕೆ ಮಳೆ ಇದ್ದು, 307.7 ಎಂಎಂ ಮಳೆಯಾಗಿದೆ. ಶೇ 15 ರಷ್ಟು ಮಳೆ ಕೊರತೆಯಾಗಿದೆ.

ಹೆಸರು ಬೆಳೆಗೆ ಹಳದಿ ರೋಗ:

ಮುಂಗಾರಿನ ಹೆಸರು ಬೆಳೆಗೆ ಹಳದಿ ರೋಗ ಕಾಣಿಸಿಕೊಂಡಿದೆ. ಎಲೆ ಹಳದಿಯಾಗಿದ್ದು, ಹಂತ ಹಂತವಾಗಿ ಗಿಡಕ್ಕೆ ಆವರಿಸುತ್ತಿದೆ. ಮೋಡ ಕವಿದ ವಾತಾವರಣ ಹಾಗೂ ಆಗಾಗ ಮಳೆ ಸುರಿಯುತ್ತಿದ್ದರಿಂದ ಬಿಸಿಲಿನ ವಾತಾವರಣ ಕಡಿಮೆಯಾಗಿದೆ. ಹೀಗಾಗಿ ಹಸಿರೆಲೆ ರೋಗ ಕಾಣಿಸಿಕೊಂಡಿದೆ ಎಂದು ಕೃಷಿ ಇಲಾಖೆ ಅಧಿಕಾರಿಗಳು ಹೇಳುವ ಮಾತಾಗಿದೆ.

ಬೆಳೆ ವಿವರ:

ಆಗಸ್ಟ್‌ 1ರ ಮಾಹಿತಿಯಂತೆ ಮುಂಗಾರಿನಲ್ಲಿ 4.26 ಲಕ್ಷ ಹೆಕ್ಟೇರ್‌ ಬಿತ್ತನೆ ಗುರಿ ಇದ್ದು, 3.91 ಹೆಕ್ಟೇರ್‌ ಬಿತ್ತನೆಯಾಗಿದೆ. ಇದರಲ್ಲಿ ಪ್ರಮುಖವಾಗಿ ಭತ್ತ 42,115 ಹೆಕ್ಟೇರ್‌, ಜೋಳ 30 ಹೆಕ್ಟೇರ್‌, ಮೆಕ್ಕೆಜೋಳ 26 ಹೆಕ್ಟೇರ್‌, ಸಜ್ಜೆ 4,820 ಹೆಕ್ಟೇರ್‌, ತೊಗರಿ 1,00,013 ಹೆಕ್ಟೇರ್‌, ಹೆಸರು 17,868 ಹೆಕ್ಟೇರ್‌, ಉದ್ದು 110 ಹೆಕ್ಟೇರ್‌, ಇತರೆ ದ್ವಿಧಾನ್ಯ 50 ಹೆಕ್ಟೇರ್‌, ಶೇಂಗಾ 428 ಹೆಕ್ಟೇರ್‌, ಸೂರ್ಯಕಾಂತಿ 292 ಹೆಕ್ಟೇರ್‌, ಹತ್ತಿ 1,62,731 ಹೆಕ್ಟೇರ್‌, ಕಬ್ಬು 662 ಹೆಕ್ಟೇರ್‌ ಸೇರಿದಂತೆ 3,29,145 ಹೆಕ್ಟೇರ್‌ನಲ್ಲಿ ಬಿತ್ತನೆಯಾಗಿದೆ.